١ بُطْرُس 4:8 - كِتاب العَهد الجَّديد مِن الكِتاب المُقَدَّس

⁸ فوق كُلّو شي، حِبّو بَعضَكُم بَعض بِمَحَبَّه شَديدَه، عَشان المَحَبَّه تَغَطّي خَطايا كَتيرَه.

١ بُطْرُس 4:8 Referans Kwoze

كُولُوسِّي 3:14

و فوق دا كُلّو، لَبِّسو المَحَبَّه، الهي رُباط الكَمال.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

يَعْقُوب 5:20

خَليهو يَعرِف الرَّجَّع خاطي مِن غَلطَة سِكّتو، بِخَلِّص نَفسو مِن الموت و يَغَطّي خَطايا كَتيرَه.

١ كُورِنْثُوس 13:1

إذا كان بَتكَلَّم بِلُغات النّاس و المَلائكَه، و لَكِن ما عِندي مَحَبَّه، بِقيت زي جَرَس لَمّا واحِد يَدُقّو، ولّا نَحاس لَمّا الزّول يَضرُبو.

١ تَسَالُونِيكِي 3:12

و الرَّب يَزيدكُم زِيادَه و زِيادَه في المَحَبَّه بَعضَكُم مَعَ بَعض و لِكُل النّاس، زي ما نِحنا نَحِبّكُم كَمان.

عِبرانيين 13:1

خَلّو مَحَبَّة الأخوان تِستَمِر.

١ تِيمُوثَاوُس 1:5

و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

٢ تَسَالُونِيكِي 1:3

لازِم نَشكُر الله كُلّو وَكِت فِشانكُم، يا أخوان، زي ما يِستَحِق لينا، عَلَشان إيمانكُم بِيَكبَر كَتير جِدّاً، و مَحَبَّة كُلّو واحِد مِنَّكُم بَعضَكُم لِبَعض تَزيد.

٣ يُوحَنَّا 1:2

يا حَبيبي، أصَلّي عَشانَك تَكون ناجِح في كُلّو شي، و تَكون بِعافيَه، زي ما نَفسَك ناجِحَه.

يَعْقُوب 5:12

فوق كُلّو شي، يا أخوان، ما تَحلِفو، ما بِالسَّما و لا بِالأرض و لا بِحَلَف تاني. لَكِن خَلّي أيوَه حَقَتكُم يَكون أيوَه، و لا حَقَتكُم يَكون لا، عَشان ما تَقَعو تِحِت الحُكم.

١ كُورِنْثُوس 13:4

المَحَبَّه عِندَها صَبر طَويل، و تَشفُق. المَحَبَّه ما عِندَها حَسَد. المَحَبَّه ما تَحمَد نَفسا و ما مِتكَبِّره.