١ بُطْرُس 3:4 - كِتاب العَهد الجَّديد مِن الكِتاب المُقَدَّس

⁴ لَكِن خَليهو يَكون مِن إنسان القَلِب المَدسوس، الرّوح المِتواضَع و اللَّطيف، الما يَخسَر. و داك عِندو تَمَن كَتير قِدّام الله.

١ بُطْرُس 3:4 Referans Kwoze

كُولُوسِّي 3:12

عَلَشان كِدا، زي النّاس الإختارُم الله، القِدِّسين، المَحبوبين، لَبِّسو القَلِب الرَّحيم و اللُطف و التَّواضُع و الوَداعَه و الصَّبر الطَّويل.

رُومِيَه 2:29

لَكِن اليَهودي في جُوَّه، هو اليَهودي الحَقيقي. و طَهور القَلِب، هو الطَّهور الحَقيقي و دا بِالرّوح، مُش بِالكِتاب. و حَمدو ما مِن النّاس، لَكِن مِن الله.

مَتَّى 11:29

شيلو نيرِي عَليكُم، و إتعَلَّمو مِنّي، عَشان انا لَيِّن، و قَلبي مِتواضَع، و بِتَلقو راحَه لِنُفوسكُم.

تِيطُس 3:2

و ما يَقولو حاجَه بَطّالَه عَن أي واحِد، و ما يَشاكلو لَكِن يَكونو عِندَهُم صَبر، و يَوَرّو كُلّو وَداعَه لِكُل النّاس.

مَتَّى 23:26

يا فرِّيسي العَميان، نَضِّف الفِنجان و الصَّحَن مِن جُوَّه في الأوَّل، عَشان بَعدين هُم بِكونو نُضاف مِن بَرَّه كَمان.

رُومِيَه 7:22

عَشان بَكون مَبسوط بِقانون الله في جُوَّه نَفسي،

٢ كُورِنْثُوس 4:16

عَلَشان كِدا ما نَقول ما في فايدَه. لَكِن إذا كان جِسِمنا يَبقى ضَعيف، نَفسَنا الفي جُوَّه بَتَبقى جَديدَه يوم بِيوم.

١ تَسَالُونِيكِي 4:11

خَلّو قَصِدكُم يَكون أن تَعيشو بِالسَّلام، و تَخَلّو بالكُم لِحاجاتكُم المَخصوص، و تَشتَغِلو بِإيديكُم، زي ما أمَرناكُم مِن قَبِل.

أفَسُس 4:2

كونو مِتواضِعين و لُطَفاء، و أصبُرو بَعضَكُم بَعض في المَحَبَّه.

١ بُطْرُس 3:15

لَكِن قَدِّسو الرَّب المَسيح في قُلوبكُم. و كونو جاهِزين دايماً عَشان تَرُدّو عَلى كُلّو واحِد البِسألكُم عَن سَبَب الرَّجاء الفيكُم. و لَكِن أعمِلوهو بِوَداعَه و إحتِرام.

١ تِيمُوثَاوُس 2:2

عَشان المُلوك و كُل العِندَهُم سُلطَه عَلَشان نَعيش حَياة بِسَلام و سُكوت في كُلّو خوف الله و قَداسَه.

لُوقَا 11:40

يا بَليدين! هو العَمَل البَرَّه، ما عَمَل الجّوَّه كَمان؟

يَعْقُوب 1:21

عَشان كِدا، أرمو مِنَّكُم كُلّو نَجاسَه و كَترَت شَر، و أقبَلو بِوَداعَه الكِلمَه المَزروعَه البِتَقدَر تَخَلِّص نُفوسكُم.

٢ تِيمُوثَاوُس 2:25

و البِعاكِسوهو، يَعَلِّمُم بِطَريق لَطيف عَشان يِمكِن الله بِدّيهُم التّوبَه لِمَعرِفَة الحَق.

٢ تَسَالُونِيكِي 3:12

و نَدّي أمر لِلنّاس زي ديل بِإسم الرَّب يَسُوع المَسيح. و نَطلُب مِنَّهُم يَشتَغِلو بِسَلام و ياكُلو العيش بِتاعُم.

مَتَّى 5:5

مُبارَكين الوُدَعاء عَشان هُم بِيورَثو الدُّنيا.

رُومِيَه 6:6

عَشانّا بِنَعرِف دا، نَفسَنا القَديمَه إنصَلَبَت مَعاهو، عَلَشان يَوَقِّف قُوَّة جِسم الخَطيَّه، عَشان ما بِنكون خَدّامين لِلخَطيَّه بَعَد دا.

لُوقَا 16:15

و قال ليهُم: ”إنتو تَبَرِّرو نُفوسكُم قِدّام النّاس. لَكِن الله عارِف قُلوبكُم. عَشان البِكون مَرفوع قِدّام النّاس، الله بِيَكرَهو.

١ بُطْرُس 1:23

عَشان إتوَلَدتو مَرَّه تانيَه، ما مِن تيراب يَخسَر، لَكِن مِن الما يَخسَر، بِكِلمَة الله الحَيَّه و المُستَمِرَّه.

كُولُوسِّي 3:3

عَشان إنتو مُتّو، و حَياتكُم مَدسوسَه مَعَ المَسيح في الله.

غَلَاطِيَّه 5:23

و الوَداعَه، و مَسِك النَّفس. و ما في قانون ضِد حاجات زي دي.

٢ كُورِنْثُوس 10:1

و بَطلُب ليكُم بِوَداعَة المَسيح و صَبرو، أنا نَفسي، بُولُس، البَخُت نَفسي تِحِت لَمّا أكون مَعاكُم لَكِن عِندي شَجاعَه لَمّا أكون بَعيد.

مَتَّى 21:5

”قولو لِبِت صِهيون: شوفي، المَلِك بِتاعِك بِجي ليك وَديع، و راكِب عَلى حُمارَه. و عَلى دَحَش، جَنى حُمارَه.“

رُومِيَه 1:23

و غَيَّرو مَجد الله الأبَدي بِشَكل صورَة الإنسان البِموت، و طُيور، و حَيوانات، و دَبايب.