١ بُطْرُس 3:18 - كِتاب العَهد الجَّديد مِن الكِتاب المُقَدَّس

¹⁸ عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ بُطْرُس 3:18 Referans Kwoze

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

عِبرانيين 9:26

عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

١ بُطْرُس 4:6

بِالسَّبَب دا، بِشَّرو المَيِّتين هَسَّع كَمان بِالإنجيل. و دا عَشان يَحكُمو عَليهُم حَسَب النّاس في الجِّسِم، عَشان يَعِيشو الحَياة الحَسَب الله بِالرّوح.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

١ يُوحَنَّا 1:9

إذا نَعتَرِف بِخَطايانا، هو أمين و عادِل، و يَغفِر لينا خَطايانا و يَنَضِّفنا مِن كُلّو شَر.

رُومِيَه 4:25

هُم سَلَّموهو لِلموت عَشان خَطايانا. و الله قَوَّمو عَشان نِتبَرَّر.

١ بُطْرُس 4:1

كِدا، عَلَشان المَسيح إتوَجَّع في جِسمو، كونو إنتو كَمان مَسَلَّحين بِنَفس الفِكِر دا. عَشان الإتوَجَّع في الجِّسِم، وَقَف مِن الخَطيَّه.

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

٢ كُورِنْثُوس 13:4

و بِالحَق هو إنصَلَب في ضُعف، لَكِن هو بِعِيش بِقوَّة الله. و نِحنا كَمان ضَعيفين فيهو، و لَكِن نِحنا بِنعيش مَعاهو بِقُدرَة الله عَشان نَخدِمكُم.

رُومِيَه 5:2

و بيهو قِبِلنا الدُّخول بِالإيمان لِلنِّعمَه دي، و نِحنا نَعيش بيهو. و نَفرَح في رَجاء مَجد الله.

رُومِيَه 1:4

و الرّوح القُدُس خَبَّر بِقُوَّه إنّو يَسُوع المَسيح هو إبن الله لَمّا قَوَّمو مِن بين المَيِّتين.

يَعْقُوب 5:6

حَكَمتو عَلى البار و كَتَلتوهو. و هو ما يَعاكِسكُم.

أعمال الرُّسُل 3:14

و لَكِن إنتو نَكَرتو القُدّوس البار، و طَلَبتو مِن بِيلاطُس أن يَدّيكُم راجِل كاتِل النّاس.

٢ كُورِنْثُوس 1:24

نِحنا ما عِندَنا سُلطَه عَلى إيمانكُم. لَكِن بِنَشتَغِل مَعاكُم عَشان تَكونو مَبسوطين، عَلَشان إنتو ثابِتين في إيمانكُم.

رُومِيَه 8:11

و إذا كان الرّوح، القَوَّم يَسُوع مِن بين المَيِّتين، ساكِن فيكُم، القَوَّم المَسيح مِن بين المَيِّتين بِدّي حَياة لِأجسامكُم البِموتو، بِروحو السّاكِن فيكُم.

أعمال الرُّسُل 22:14

و هو قال: ’إلَه أبَهاتنا إختارَك عَشان تَعرِف إرادتو و تَشوف البار و تَسمَعو يتكَلَّم بِصوتو.

مَتَّى 27:19

و كَمان، وَكِت ما كان قاعِد عَلى كُرسي الحُكم، مَرَتو رَسَّلَت ليهو و قالَت: ”ما تَعمِل أي حاجَه لِلرّاجِل البار دا. عَشان عَذَّبتَ كَتير في حِلم النَّهار دا فِشانّو.“

مَتَّى 27:24

و لَمّا بِيلاطُس شاف كَلامو ما عَمَل حاجَه، و لَكِن دَوشَه كانَت تَبتَدي، أخَد مويَه و غَسَّل إيدينو قِدّام الجَّمَع و قال: ”أنا ما مَسؤول مِن دَم الرّاجِل دا. شوفو إنتو بَراكُم.“

يُوحَنَّا 16:10

و عَلى البِر عَشان أنا ماشي لِأبوي، و إنتو ما بِتشوفوني تاني.

أفَسُس 3:12

و بيهو نَقدَر نَقَرِّب لِلَّه بِدون خوف و بِشَجاعَه بِإيمان فيهو.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

عِبرانيين 10:10

و بِالإرادَه دي، نِحنا بِقينا مُقَدَّسين بِتَقدِمَة جِسم يَسُوع المَسيح مَرَّه واحدَه.

١ بُطْرُس 3:19

و بيهو مَشى و بَشَّر الأرواح الفي السِّجِن.