١ بُطْرُس 3:1 - كِتاب العَهد الجَّديد مِن الكِتاب المُقَدَّس

¹ يا زوجات، كِدا إنتو طيعو رُجالكُم، و إذا كان بَعضُم ما بِطيعُو الكِلمَه، تَربَحوهُم بِدون كِلمَه بِمَشيكُم

١ بُطْرُس 3:1 Referans Kwoze

كُولُوسِّي 3:18

يا نِسوان، طيعو رُجالكُم، زي ما يِستَحِق في الرَّب.

أفَسُس 5:33

و لَكِن خَلّي كُلّو واحِد مِنَّكُم يَحِب مَرَتو زي نَفسو، و خَلّي المَرَه تَحتَرِم راجِلا.

١ كُورِنْثُوس 11:3

لَكِن عاوِزكُم تَعرِفو، راس كُلّو راجِل هو المَسيح، و راس المَرَه هو الرّاجِل، و راس المَسيح هو الله.

١ كُورِنْثُوس 7:16

كيف بِتَعرِفي، يا مَرَه، إذا كان تَخَلِّصي راجِلِك. ولّا كيف بِتَعرِف، يا راجِل، إن كان تَخَلِّص مَرَتَك؟

١ بُطْرُس 3:7

و كِدا، يا رُجال، إنتو كَمان، عيشو مَعَ زوجاتكُم بِمَعرِفَه، زي ما هُم الجِّنس الأضعَف، و شَرِّفوهُم زي الوارِثات مَعاكُم لِنِعمَة الحَياة، عَشان ما بِتكون في حاجَه تَوَقِّف صَلَواتكُم.

رُومِيَه 7:2

عَشان المَرَه المِتزَوِّجَه مَربوطَه بِالقانون لِراجِلا و هو حَي. و لَكِن إذا راجِلا مات، هي حُرَّه مِن قانون العِرِس.

١ كُورِنْثُوس 14:34

زي في كُلّو كَنايس القِدِّسين، خَلّو نِسوانكُم يَسكُتو في الكَنايس، عَشان ما عِندَهُم إذِن يِتكَلَّمو، لَكِن يَطيعو زي القانون يَقول كَمان.

مَتَّى 18:15

إذا كان أخوك يَعمِل خَطيَّه ليك، أمشي و كَلِّمو غَلَطو بينَك و بينو و إنتو بَراكُم. كان بِسمَع ليك، إنتَ حَصَّلتَ عَلى شَرِكَه مَعَ أخوك.

كُولُوسِّي 4:5

عيشو بِحكمَه مِن جِهَة النّاس المِن بَرَّه، و إشتَغِلو كوَيس بِكُلّو فُرصَه.

عِبرانيين 11:8

بِالإيمان إِبْرَاهِيم، لَمّا الله ناداهو، طاع عَشان يَمرُق لِلمَحَل الهو ماشي ياخُدو ميراث. و هو مَرَق و ما عارِف هو ماشي وين.

٢ تَسَالُونِيكِي 1:8

هو يَدّي جِزا لِلنّاس الما بِيَعرِفو الله، و ما بِطيعُو إنجيل رَبَّنا يَسُوع.

رُومِيَه 6:17

لَكِن شُكراً لِلَّه! إنتو الكُنتو خَدّامين لِلخَطيَّه قُبّال دا، طِعتو بِقُلوبكُم حَق التَّعليم القِبِلتوها.

١ بُطْرُس 4:17

عَشان الوَكِت جا فِشان الحُكم يَبتَدي بأهل الله. و إن كان يَبتَدي بينَنا، كيف بِكون نِهايَة الما بِطيعُو إنجيل الله؟

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

رُومِيَه 10:16

و لَكِن مُش كُلُّهُم قِبلو الإنجيل. عَشان إِشَعْيَاء يَقول: ”يا رَب، مِنو صَدَّق خَبَرنا؟“

١ بُطْرُس 3:2

لَمّا يَشوفو كيف مَشيكُم هو نَضيف و مُحتِرَم.