١ بُطْرُس 2:5 - كِتاب العَهد الجَّديد مِن الكِتاب المُقَدَّس

⁵ و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

١ بُطْرُس 2:5 Referans Kwoze

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

١ كُورِنْثُوس 3:9

عَشان نِحنا عامِلين مَعَ الله، و إنتو زِراعَة الله، بُنا الله.

رؤيا 5:10

و إنتَ عَمَلتُم مَلَكوت و قُسُس لِإلَهنا، و هُم بِيَملِكو عَلى الأرض.“

١ كُورِنْثُوس 3:16

ما بِتَعرِفو إنتو هيكَل الله، و روح الله يَسكُن فيكُم؟

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

رؤيا 20:6

مُبارَك و مُقَدَّس العِندو جُزو في القيامَه الأولي. و الموت التّاني ما عِندو سُلطَه عَليهُم، لَكِن هُم بِكونو قُسُس لِلَّه و لِلمَسيح، و بِملِكو مَعاهو ألف سَنَه.

١ كُورِنْثُوس 6:19

ما بِتَعرِفو جِسِمكُم هو هيكَل الرّوح القُدُس الفيكُم، القِبِلتوهو مِن الله؟ و إنتو مُش لِنُفوسكُم.

رُومِيَه 12:1

عَلَشان كِدا، أطلُب ليكُم، يا أخوان، بِمَراحِم الله، تَقَدِّمو أجسامكُم ضَبيحَه حَيَّه، مُقَدَّسَه، مَقبولَه قِدّام الله. و دي خِدمَتكُم المَعقولَه.

رؤيا 1:6

وَ عَمَلنا مَلَكوت و قُسُس لِلَّه أبوهو، ليهو المَجد و السُّلطَه لِلأبَد! آمين.

فيلِبّي 4:18

قِبِلتَ كُلّو شي، و أنا في راحَه. أنا بِقيت مَليان مِن وَكت أخَدتَ مِن وأبفروديتس هَداياكُم الإنتو رَسَّلتوها. هي هَديَه ريحَتا طَيبَه، و ضَبيحَه مَقبولَه، اليَبسِط الله.

٢ كُورِنْثُوس 6:16

و الإتِّفاق شِنو بين هيكَل الله و الأصنام؟ عَشان نِحنا هيكَل الله الحَي، زي ما الله قال: ”أنا بَسكُن فيهُم و أمشي في وَسِطُم، و بَكون ليهُم إلَه، و هُم بِكونو لَي ناس.

رؤيا 3:12

الزّول البِغلِب، أنا بَعمِلو عَمود في هيكَل إلَهي. و هو أبَداً ما بِمرُق مِنّو مَرَّه تانيَه. و بَكتِب عَليهو إسم إلَهي و إسم مَدينَة إلَهي، أُورُشَلِيم الجَديدَه، النّازلَه مِن السَّما مِن إلَهي، و إسمي الجَّديد.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

١ تِيمُوثَاوُس 3:15

لَكِن إذا إتأخَّرتَ، إنتَ بِتَعرِف كيف النّاس لازِم يَعِيشو بين أهل بيت الله، الهو كَنيسَة الله الحَي، عَمود و أساس الحَق.

كُولُوسِّي 3:17

و كُل البِتَعمِلو، إذا بِكِلمَه ولّا عَمَل، أعمِلو الكُل بِإسم الرَّب يَسُوع، شاكِرين الله الأبو بيهو.

فيلِبّي 2:17

و إذا يَكُبّوني زي تَقديم عَلى ضَبيحَة إيمانكُم و خِدمَتو، أنا مَبسوط و أفرَح مَعَ كُلُّكُم.

١ بُطْرُس 4:11

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.

فيلِبّي 1:11

مَليانين مِن ثِمار البِر البِجي بِيَسُوع المَسيح لِمَجد الله و حَمدو.

غَلَاطِيَّه 6:10

عَلَشان كِدا، نَعمِل الخير لِكُل النّاس، زي ما عِندَنا فُرصَه، و فوق كُلّو شي، لِأهل الإيمان.

١ بُطْرُس 4:17

عَشان الوَكِت جا فِشان الحُكم يَبتَدي بأهل الله. و إن كان يَبتَدي بينَنا، كيف بِكون نِهايَة الما بِطيعُو إنجيل الله؟