١ بُطْرُس 2:12 - كِتاب العَهد الجَّديد مِن الكِتاب المُقَدَّس

¹² عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

١ بُطْرُس 2:12 Referans Kwoze

١ بُطْرُس 3:16

خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

مَتَّى 5:16

خَلّو نُوركُم يَنَوِّر كِدا قِدّام النّاس، عَشان يَشوفو أعمالكُم الكوَيسَه، و يَدّو مَجد لِأبوكُم الفي السَّما.

٢ كُورِنْثُوس 8:21

و نَفتَكِّر مِن قُبّال عَشان نَعمِل الحاجَه الكوَيسَه، مُش قِدّام الله بَس لَكِن قِدّام النّاس كَمان.

١ تَسَالُونِيكِي 4:12

عَشان تَعيشو بِتَرتيب مِن جِهَة المِن بَرَّه، و ما يَكون ليكُم إحتِياج لِأي شي.

١ تِيمُوثَاوُس 4:12

ما تَخَلّي أي واحِد يَكون مِتكَبِّر عَليك عَشان إنتَ شاب. لَكِن كون مَثَل لِلمؤمِنين في الكَلام، و في الحَياة و المَحَبَّه و الإيمان و قَلِب نَضيف.

يَعْقُوب 3:13

مِنو حَكيم و فاهِم بينكُم؟ خَليهو يَوَرّي مِن حَياتو الطَّيبَه، أعمالو في الوَداعَه بِتاعَت الحِكمَه.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ بُطْرُس 3:11

و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟

رُومِيَه 13:13

خَلّونا نَعيش بِالإحتِرام زي في النَّهار، ما بِالحَفلات البَطّالَه و السُّكر، ولّا بِالفَضيحَه و الخَراب، ولّا بِالمُشاكَلَه و الحَسَد.

رُومِيَه 12:17

ما تَدفَعو لِأي واحِد عَلى الشَّر بِالشَّر. فَكِّرو في الطَّيب قِدّام كُل النّاس.

عِبرانيين 13:18

صَلّو فِشانّا. بِنَعرِف بِالحَق نِحنا عِندَنا ضَمير طَيب، و نِحنا عاوِزين نَعيش حَياة أمينَه في كُلّو حاجَه.

١ تِيمُوثَاوُس 2:2

عَشان المُلوك و كُل العِندَهُم سُلطَه عَلَشان نَعيش حَياة بِسَلام و سُكوت في كُلّو خوف الله و قَداسَه.

فيلِبّي 4:8

و في الآخِر، يا أخوان، كُل الهو حَقيقي، و كُل الهو مُحتَرِم، و كُل الهو عادِل، و كُل الهو نَضيف، و كُل الهو مَحبوب، و كُل الهو خَبَرو كوَيس، إذا فيهو الخير، و مُستَحِق الحَمد، فَكِّرو في الحاجات دي.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

عِبرانيين 13:5

أحفَظو حَياتكُم مِن مَحَبَّة القُروش، و كونو مَبسوطين مِن العِندَكُم. عَلَشان الله قال: ”أنا أبَداً ما بَسيبَك، و ما بَخَلّيك وَحدَك أبَداً.“

رُومِيَه 15:9

عَشان الأُمَم يَمَجِّدو الله فِشان رَحمَتو، زي ما هو مَكتوب: ”بِالسَّبَب دا بَمَجِّدَك في الأُمَم، و بَرَتِّل لِإسمَك.“

لُوقَا 19:44

و بِرموكُم لِلأرض، إنتو و أولادكُم مَعاكُم، و ما بِخَلّو حَجَر عَلى حَجَر، عَشان ما عِرِفتو وَكِت زِيارَتكُم.“

مَتَّى 10:25

كِفايَه لِلتِّلميذ أن يَكون زي مُعَلِّمو، و الخَدّام زي سيدو. إذا كان سَمّو رَب البيت بَعلَزَبول، كيف بِالأكتَر ناس بيتو.

مَتَّى 5:11

مُبارَكين إنتو لَمّا يَشتِموكُم و يَطرُدوكُم و يَقولو كُلّو كِلمَه بَطّالَه عَليكُم عَشانّي بِالكِضِب.

١ بُطْرُس 4:11

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.

أفَسُس 2:3

و كُلُّنا عِشنا بِينُم في الزَّمَن الفات في شَهوات جِسِمنا. و كُنّا بِنَعمِل إرادَة الجِّسم و الأفكار. و كُنّا بِالطَّبيعَه أولاد الغَضَب زي النّاس التّانيين كَمان.

٢ كُورِنْثُوس 13:7

و نِحنا نَصَلّي لِلَّه عَشان إنتو ما تَعمِلو حاجَه بَطّالَه. و دا ما عَشان النّاس بِشوفو نِحنا مَرّينا بِالإمتِحان. لَكِن دا عَشانكُم تَعمِلو كوَيس، و لَو نِحنا بِقينا زي الوَقَعو في الإمتِحان.

١ كُورِنْثُوس 14:25

و كِدا أسرار قَلبو بِكونو بيّنين. و كِدا بِقَع و يَعبُد الله و يَقول: ”الله بِالحَق بينكُم!“

أعمال الرُّسُل 24:13

و هُم ما بِقدَرو يَثَبِّتو الشَّكاوي البِشتَكوني بيها هَسَّع.

أعمال الرُّسُل 15:14

سِمْعَان خَبَّرنا كيف الله زار الأُمَم في الأوَّل، عَشان تاخُد مِنَّهُم ناس لِنَفسو.

لُوقَا 6:22

مُبارَكين لَمّا النّاس بِكرَهوكُم، و ما بِقعُدو مَعاكُم و بِشتِموكُم، و بِطَلِّعو عَليكُم إسم بَطّال عَشان إبن الإنسان.

لُوقَا 1:68

”مُبارَك الرَّب إلَه إِسْرَائِيل عَشان زار شَعبو و عَمَل ليهُم فِداء.

مَتَّى 9:8

و لَمّا النّاس شافو دا، إستَغرَبو و مَجَّدو الله الأدّا لِلنّاس سُلطَه زي دي.

أعمال الرُّسُل 25:7

و لَمّا بُولُس جا، اليَهود النَّزَلو مِن أُورُشَلِيم وَقَفو حَواليهو، و قَدَّمو عَليهو شَكاوي كَتيرَه و صَعبَه. و ما قِدرو يَثَبِّتوها.

يُوحَنَّا 13:31

و لَمّا يَهُوذَا مَرَق بَرَّه، يَسُوع قال: ”هَسَّع دي، إبن الإنسان إتمَجَّد، و الله إتمَجَّد فيهو.

أعمال الرُّسُل 28:22

لَكِن نِحنا عاوزين نَسمَع فِكرَك، فِشان بِنَعرِف النّاس في كُلّو مَحَل بِقاوِمو الحِزب دا.“

رُومِيَه 14:18

عَشان البِخدِم المَسيح كِدا، هو يَبسِط الله و يَكون مَقبول بِالنّاس.

١ تِيمُوثَاوُس 5:10

و النّاس يَعرِفوها بِأعمالا الكوَيسَه. هي كانَت رَبَّت الأولاد، و فَتَحَت بيتا لِلغَريبين، و غَسَّلَت كِرعين القِدِّسين، و ساعَدَت المَظلومين، و أدَّت نَفسَها لِكُلّو عَمَل كوَيس.

١ بُطْرُس 2:15

عَشان إرادَة الله هي أن تَسَكِّتو جَهَل النّاس الغُشّام بِأعمالكُم الطَّيبَه.