١ بُطْرُس 1:6 - كِتاب العَهد الجَّديد مِن الكِتاب المُقَدَّس

⁶ بِدا تَفرَحو، و لَو هَسَّع لازِم تَحزِنو لِوَكِت قَليل بِسَبَب تَجَارِب مِن كُلّو نوع.

١ بُطْرُس 1:6 Referans Kwoze

يَعْقُوب 1:2

أحسِبوهو كُلّو فَرَح، يا أخواني، وَكِت ما تَلقو تَجَارِب مُختَلِفَه.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

رُومِيَه 12:12

كونو فَرحانين في الرَّجاء، أصبُرو في التَّعب، إستَمِرّو في الصَّلاه.

رُومِيَه 5:2

و بيهو قِبِلنا الدُّخول بِالإيمان لِلنِّعمَه دي، و نِحنا نَعيش بيهو. و نَفرَح في رَجاء مَجد الله.

مَتَّى 5:12

أفرَحو و كونو مَبسوطين، عَشان أُجرَتكُم كَبيرَه في السَّما. عَشان النّاس كِدا طَرَدو الأنبياء الكانو قُبّالكُم.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 16:22

و عَشان كِدا، إنتو عِندَكُم حُزن هَسَّع. لَكِن أنا بَشوفكُم مَرَّه تانيَه، و قُلوبكُم بِكونو مَبسوطين. و ما في زول يَشيل الفَرَح بِتاعكُم مِنَّكُم.

مَتَّى 11:28

تَعالو لَي، يا كُل التَّعبانين و البِشيلو حاجات تَقيلَه، و أنا بَدّيكُم راحَه.

رُومِيَه 5:11

و ما دا بَس، لَكِن نَفرَح بِالله بِرَبَّنا يَسُوع المَسيح، و هَسَّع بيهو بِقينا مُصالِحين.

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

لُوقَا 10:20

و لَكِن ما تَفرَحو عَشان الأرواح يَسمَعو ليكُم، لَكِن أفرَحو عَشان أساميكُم مَكتوبَه في السَّما.“

١ بُطْرُس 4:7

نِهايَة كُلّو حاجَه قَرَّبَت. عَلَشان كِدا، كونو عاقلين و أحرِسو لِلصَّلَوات.

يَعْقُوب 4:9

أحزِنو كورِكو و أبكو. غَيِرو ضِحِكُّم لِبِكى، و فَرَحكُم لِحُزن.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

يَعْقُوب 1:9

خَلّي الأخو المِسكين يَفرَح بِمَحَلّو العالي.

فيلِبّي 3:3

عَشان نِحنا المُطَهَّرين النَّعبُد الله بِروح. و عِندَنا كِبِر في المَسيح يَسُوع، و ما نَتَّكِل عَلى الجِّسِم.

٢ كُورِنْثُوس 6:10

نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.

١ تَسَالُونِيكِي 1:6

و إنتو عَمَلتو زيَنا و زي الرَّب، عَشان قِبِلتو الكِلمَه في ضيق كَتير، بِفَرَح الرّوح القُدُس.

فيلِبّي 4:4

أفرَحو في الرَّب كُلّو وَكِت. و بَقول مَرَّه تانيَه، أفرَحو.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

رُومِيَه 9:2

أنا عِندي حُزن شَديد في قَلبي و عِندي وَجَع ما بِقيف.

فيلِبّي 2:26

عَلَشان هو عاوِز يَشوفكُم كُلُّكُم كَتير خالِص، و هو حَزين جِدّاً فِشان إنتو سِمِعتو هو كان عَيّان.

لُوقَا 2:10

و المَلاك قال ليهُم: ”ما تَخافو! شوفو! أبَشِّركُم بِفَرَح عَظيم يَكون لِكُل النّاس.

لُوقَا 1:47

و روحي مَبسوطَه بِالله مُخَلِّصي.

مَتَّى 26:37

و أخَد مَعاهو بُطْرُس و وَلَدين زَبَدي، و إبتَدا يَكون حَزين و يَفَكِّر كَتير.

١ بُطْرُس 3:17

عَشان أحسَن ليكُم إذا تِتوَجَّعو و إنتو عامِلين الخير، إذا كان دي إرادَة الله، مِن أن تِتوَجَّعو و إنتو عامِلين الشَّر.