١ بُطْرُس 1:4 - كِتاب العَهد الجَّديد مِن الكِتاب المُقَدَّس

⁴ لِميراث الما تَهلِك ولّا تَخسَر ولّا تَفوت، و مَحفوظَه ليكُم في السَّما.

١ بُطْرُس 1:4 Referans Kwoze

رؤيا 21:27

و ما في شي نَجِس بِدخُل فيها أبَداً، ولّا أي واحِد اليَعمِل الحاجَه البِتَخجَل ولّا الكِضِب. لَكِن بَس النّاس الأساميهُم مَكتوبين في كِتاب الحَياة بِتاع الحَمَل يدخُلو.

عِبرانيين 9:15

و عَلَشان كِدا، المَسيح وَسيط إتِّفاق جَديد، عَشان هُم، المُختارين بِقبَلو الميراث الأبَدي المَوعود. و دا بِكون كِدا عَلَشان هو مات لِفِداء الخَطايا العَمَلوها تِحِت الإتِّفاق الأوَّل.

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

كُولُوسِّي 1:5

فِشان الرَّجاء المَحفوظ ليكُم في السَّما، الإنتو سِمِعتو بيهو قُبّال دا في كِلمَة حَق الإنجيل،

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

أفَسُس 1:14

و هو عَربون ميراثنا لِفِداء مُلكو، لِحَمد مَجدو.

أفَسُس 1:11

و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

يَعْقُوب 1:11

عَشان الشَّمِش تَطلَع بِحَرّا، و القَش يبَس، و زَهرَتو تَقَع، و جَمال مَنظَرا يَخسَر. و زي دا كَمان الغَني يَخسَر في وَسِط شُغلو.

كُولُوسِّي 1:12

و تَشكُرو الأبو، العَمَلنا مُستَحِقّين عَشان نَشتَرِك في ميراث القِدِّسين في النّور.

غَلَاطِيَّه 3:18

عَشان إذا كان الميراث بِالقانون، ما بِتكون بَعَد دا بِالوَعَد. لَكِن الله أدّاها لِإِبْرَاهِيم بِالوَعَد.

١ كُورِنْثُوس 9:25

و كُل اليَتعَب، يَمسِك نَفسو في كُلّو حاجَه. ديلاك عَشان ياخُدو تاج بِخسَر، و لَكِن نِحنا لِتاج ما بِخسَر.

١ بُطْرُس 3:9

ما تَرَجِّعو شَر بِشَر، ولّا شَتيمَه بِشَتيمَه. لَكِن بِالعَكس بارِكو، عَشان الله ناداكُم لِدا، لِتورَسو البَرَكَه.

مَرْقُس 10:17

و وَكِت ما كان ماشي في السِّكَّه، واحِد جَرى و رَكَع قِدّامو و سَألو و قال ليهو: ”يا المُعَلِّم الصّالِح، أسَوّي شِنو عَشان أُورَث الحَياة الأبَديَّه؟“

كُولُوسِّي 3:24

عَلَشان إنتو تَعرِفو أنَّكُم بِتاخدو ميراث مِن الرَّب زي أُجرَه، عَشان إنتو بِتَخدِمو الرَّب المَسيح.

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.