١ بُطْرُس 1:2 - كِتاب العَهد الجَّديد مِن الكِتاب المُقَدَّس

² المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

١ بُطْرُس 1:2 Referans Kwoze

٢ تَسَالُونِيكِي 2:13

و لَكِن نِحنا لازِم نَشكُر الله دايماً فِشانكُم، يا أخوان المَحبوبين مِن الرَّب. و نَشكُر الله عَشان هو إختاركُم مِن البِدايَه عَشان تَخلَصو بِالقَداسَه المِن الرّوح و بِالإيمان بِالحَق.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

عِبرانيين 12:24

و لِيَسُوع وَسيط الإتِّفاق الجَّديد، و لِرَش الدَّم اليتكَلَّم حاجَه أحسَن مِن دَم هابيل.

رُومِيَه 11:2

الله ما أبى شَعبو العِرفو مِن قُبّال. ما بِتَعرِفو اليَقَول الكِتاب عَن إِيلِيَّا؟ كيف هو سأل الله كَتير ضِد إِسْرَائِيل و قال:

٢ بُطْرُس 1:2

النِّعمَه و السَّلام يَزيدو ليكُم بِمَعرِفَة الله و يَسُوع رَبَّنا.

أعمال الرُّسُل 2:23

يَسُوع دا كان مُسَلَّم ليكُم بِتَرتيب الله الثّابِت و مَعرِفتو مِن قُبّال. و إنتو صَلَبتوهو و كَتَلتوهو بِإيدين النّاس البَطّالين.

رُومِيَه 16:26

و لَكِن ظَهَر هَسَّع و خَبَّرو بيهو كُل الأُمَم بِالكُتُب النَّبَويَّه بِحَسَب الإلَه الأبَدي، عَشانُم يآمِنو و يَطيعوهو.

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

مَرْقُس 13:27

و في الوَكِت داك بِرَسِّل المَلائكَه، و بِلِم المُختارين مِن المَحَلّات التَّجو مِنَّها الأربَعَه أرياح، و مِن آخِر الدُّنيا لِآخِر السَّما.

مَرْقُس 13:20

و إذا الرَّب ما كان قَصَّر الأيام، ما في واحِد كان يَخلَص. و لَكِن فِشان المُختارين الإختارُم، هو قَصَّر الأيام.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

رُومِيَه 16:19

عَشان كُل النّاس سِمِعو بِطاعَتكُم. و عَلَشان كِدا أنا مَبسوط بيكُم. و لَكِنّي دَايِركُم تَكونو فاهمين لِلخير و بُسَطاء لِلشَّر.

رُومِيَه 8:33

مِنو البِشتَكي عَلى مُختارين الله؟ الله هو اليَبَرِّر.

لُوقَا 18:7

و الله ما يَحفَظ مُختارينو مِن عَدوهُم؟ و هُم بِكورِكو ليهو ليل و نَهار؟ و لَو هو بِخَلّيهُم لِمُدَّه طَويلَه؟

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَتَّى 24:22

إذا هو ما قَصَّر الأيام ديك ما في واحِد يَكون مُخَلَّص. و لَكِن عَشان المُختارين، الأيام ديك بِتكون قِصَيرَه.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

عِبرانيين 11:28

بِالإيمان هو عَمَل الفِصَح و رَشَّ الدَّم، عَلَشان البِخرَب ما يَلمَس المَولودين في الأوَّل.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

رُومِيَه 8:13

عَشان إذا تَعيشو حَسَب الجِّسِم، بِتموتو. و لَكِن إذا بِالرّوح تَكتُلو أعمال الجِّسِم، بِتعيشو.

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

أعمال الرُّسُل 15:18

و دي مَعروفَه قِدّامو مِن زَمان.

يَهُوذَا 1:2

الرَّحمَه و السَّلام و المَحَبَّه يَكَتِّرو ليكُم.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

كُولُوسِّي 3:12

عَلَشان كِدا، زي النّاس الإختارُم الله، القِدِّسين، المَحبوبين، لَبِّسو القَلِب الرَّحيم و اللُطف و التَّواضُع و الوَداعَه و الصَّبر الطَّويل.

٢ كُورِنْثُوس 13:14

نِعمَة رَبَّنا يَسُوع المَسيح و مَحَبَّة الله و شَرِكَة الرّوح القُدُس يَكون مَعَ كُلُّكُم.

٢ كُورِنْثُوس 10:5

نَخَرِّب صُوَر الأفكار و كُلّو حاجَه عاليَه البِتكون مَرفوع ضِد الله. و نَقبُض عَلى كُلّو فِكر عَشان نَسَويهو يَطيع المَسيح.

رُومِيَه 11:28

بِخُصوص الإنجيل، هُم عُدوان فِشانكُم. لَكِن بِخُصوص الإختِيار، هُم مَحبوبين فِشان الأبَهات.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

تِيطُس 1:1

مِن بُولُس، خَدّام الله و رَسول يَسُوع المَسيح، حَسَب إيمان مُختارين الله و مَعرِفَة الحَق البِقود لِخوف الله.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

مَرْقُس 13:22

عَشان مُسَحَه كَضّابين و أنبياء كَضّابين بِقومو، و بيَعمِلو عَلامات و عَجايِب حَتّى يَغِشّو المُختارين (إذا مُمكِن).

مَتَّى 24:31

و هو بِرَسِّل مَلائكَتو بِبوق عِندو صوت عالي. و هُم بِلِمّو مُختارينو مِن الأربَعَه أركان، مِن الشَّرق لِلغَرب.

٢ يُوحَنَّا 1:13

أولاد أُختِك المُختارَه يَسَلِّمو عَليكي.

٢ يُوحَنَّا 1:1

مِن الشّيخ لِلسَّيِّدَه المُختارَه و لِأولادا الأنا بَحِبُّم في الحَق، و ما أنا بَس، لَكِن كُل البِعرِفو الحَق كَمان.

١ بُطْرُس 1:14

و مِثِل الأولاد البِطيعُو، ما تَخَلّو الشَّهوات القَديمَه يَسوقوكُم زي في الوَكِت لَمّا كُنتو بِدون مَعرِفَه.

١ بُطْرُس 1:19

لَكِن بِدَم كَريم زي مِن حَمَل بِدون عيب ولّا أي شي ناقِص، هو دَم المَسيح.

١ بُطْرُس 1:20

دا كان مَعروف عَنّو مِن قُبّال، مِن قَبِل خَليقَة الدُّنيا، لَكِن ظَهَر في الأزمان الأخيرَه عَشان خاطِركُم.