١ يُوحَنَّا 5:20 - كِتاب العَهد الجَّديد مِن الكِتاب المُقَدَّس

²⁰ و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

١ يُوحَنَّا 5:20 Referans Kwoze

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

لُوقَا 24:45

و في الوَكِت دا هو فَتَح عَقلُم عَشان يَفهَمو الكُتُب.

يُوحَنَّا 14:9

يَسُوع قال ليهو: ”أنا مَعاكُم مُدَّه طَويلَه زي دي، و لِغايَة هَسَّع ما تَعرِفني، يا فِيلُبُّس؟ الشّافني شاف أبوي. كيف إنتَ تَقول: وَرّينا الأبو؟

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

يُوحَنَّا 20:28

تُومَا رَدَّ و قال ليهو: ”رَبّي و إلَهي!“

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.

١ يُوحَنَّا 4:16

و نِحنا عِرِفنا و صَدَّقنا مَحَبَّة الله الهو عِندو لينا. الله مَحَبَّه، و البِسكُن في المَحَبَّه بِسكُن في الله و الله فيهو.

رُومِيَه 9:5

و ليهُم الأبَهات، و مِنَّهُم المَسيح بِحَسَب الجِّسِم، الهو فوق الكُل. الله مُبارَك لِلأبَد. آمين.

يُوحَنَّا 10:30

أنا و الأبو واحِد.“

١ يُوحَنَّا 4:2

بِدا، بِتَعرِفو روح الله. كُلّو روح يَعتَرِف بِيَسُوع المَسيح إنّو جا في الجِّسم، هو مِن الله.

١ يُوحَنَّا 2:6

البقول هو بِسكُن فيهو، لازِم يَمشي زي ما هو مَشى كَمان.

عِبرانيين 1:8

لَكِن عَن الإبن هو يَقول: ”كُرسيَك، يا الله، لِلأبَد، و البِر بِكون عَصايَة مَلَكوتَك.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

يُوحَنَّا 17:14

أنا أدّيتُم كَلامَك. و ناس الدُّنيا كِرهوهُم، عَشان هُم ما مِن الدُّنيا، زي ما أنا ما مِن الدُّنيا.

رؤيا 19:11

و بَعدين شُفتَ السَّما مَفتوحَه. و شوف! حُصان أبيَض، و الرّاكِب فوقو إسمو، الأمين و الصّادِق. و هو يَحكُم و يَحارِب بِالعَدل.

رؤيا 15:3

و هُم يَرَتِّلو تَرتيلَة مُوسَى، خَدّام الله، و تَرتيلَة الحَمَل، و يَقولو: ”أعمالَك عَظيمَه و عَجيبَه، يا رَب، الإلَه القادِر عَلى كُلّو شي! طُرُقَك عَدل و حَق، يا مَلِك الأُمَم!

رؤيا 6:10

و هُم كورَكو بِصوت عالي و قالو: ”يا سَيِّد، القُدّوس و الحَقيقي، لِغايَة مِتين ما تَحكُم و ما تَنتَقِم لِدَمّنا مِن السّاكنين عَلى الأرض؟“

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.

١ يُوحَنَّا 4:14

و نِحنا شُفنا و نَشهَد أن الأبو رَسَّل الإبن عَشان يَكون مُخَلِّص الدُّنيا.

فيلِبّي 3:9

و عَشان هو يَلقاني فيهو، مُش بِبِرّي المِن القانون، و لَكِن بِالبِر البِالإيمان بِالمَسيح، البِر المِن الله بِالإيمان.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

يُوحَنَّا 15:4

أسكُنو فِيني و أنا فيكُم. الفَرَع ما يَقدَر يَجيب ثِمار بِنَفسو إلّا يَسكُن في شَجَرَة العِنَب. و إنتو كَمان ما تَقدَرو تَجِيبو ثِمار إلّا تَسكُنو فِيني.

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

يُوحَنَّا 14:20

في اليوم داك، إنتو ماشين تَعرِفو أنا في الأبو، و إنتو فِيني، و أنا فيكُم.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 1:18

ما في زول شاف الله كُلّو كُلّو. الإبن الوَحيد الهو في قَلب الأبو، هو خَبَّر عَنّو.

لُوقَا 21:15

عَشان أنا بَدّيكُم كَلام و حِكمَه، و عُدوانكُم ما بِقدَرو يَغلِبو كَلامكُم ولّا يَعاكِسوهو.

مَتَّى 13:11

و رَدَّ و قال ليهُم: ”الله أدّا ليكُم تَعرِفو سِر مَلَكوت السَّما. و لَكِن ما أدّا ليهُم.

١ يُوحَنَّا 2:24

خَلّو السِّمِعتوهو مِن البِدايَه يِستَمِر يَعيش فيكُم. إذا كان السِّمِعتوهو مِن البِدايَه يَسكُن فيكُم، إنتو كَمان بِتَسكُنو في الإبن و في الأبو.

أفَسُس 3:18

حَتّى إنتو تَقدَرو تَفهَمو مَعَ كُل القِدِّسين كيف مَحَبَّة المَسيح واسِعَه و طَويلَه و عاليَه و غَريقَه.

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

يُوحَنَّا 17:25

يا الأبو البار، ناس الدُّنيا ما عِرفوك، لَكِن أنا عِرِفتَك. و ديل عِرفو إنتَ رَسَّلتَني.

يُوحَنَّا 8:42

يَسُوع قال ليهُم: ”إذا كان الله أبوكُم، كُنتو تَحِبّوني، عَشان أنا مَرَقتَ و جيت مِن الله. أنا ما جيت مِن نَفسي، لَكِن هو رَسَّلني.

١ يُوحَنَّا 2:23

كُل البِنكُر الإبن، ما عِندو الأبو كَمان. و البِعتَرِف بِالإبن، عِندو الأبو كَمان.

١ يُوحَنَّا 5:5

مِنو هو البِغلِب الدُّنيا؟ بَس البِآمِن أن يَسُوع هو إبن الله.

١ يُوحَنَّا 5:15

و إذا نَعرِف هو يَسمَع لينا في كُلّو شي النَطلُب مِنّو، بِنَعرِف نِحنا عِندَنا الطَّلَبات الطَّلَبناهو مِنّو.

١ يُوحَنَّا 5:18

بِنَعرِف أن كُلّو واحِد مَولود مِن الله ما بِختى، لَكِن المَولود مِن الله يَحفَظ نَفسو، و الشَرِّير ما يَلمَسو.