١ يُوحَنَّا 5:10 - كِتاب العَهد الجَّديد مِن الكِتاب المُقَدَّس

¹⁰ البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.

١ يُوحَنَّا 5:10 Referans Kwoze

رُومِيَه 8:16

الرّوح نَفسو يَشهَد لِأرواحنا نِحنا أولاد الله.

غَلَاطِيَّه 4:6

عَلَشان إنتو أولاد، الله رَسَّل روح إبنو لِقُلوبنا، البِكورِك: ”أبّا، يَعني يا أبوي.“

يُوحَنَّا 3:33

و اليَقبَل شَهادَتو خَتَّ خِتمو إن الله أمين.

يُوحَنَّا 5:38

و كلمَتو ما ساكنَه فيكُم، عَشان إنتو ما بِتآمِنو بيهو الرَّسَّلو.

عِبرانيين 3:12

شوفو، يا أخوان، عَشان ما بِكون في أي واحِد مِنَّكُم قَلِب بَطّال و بِدون إيمان، البِرَجِّع عَن الله الحَي.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

١ يُوحَنَّا 1:10

و إذا نَقول: ”ما عَمَلنا خَطيَّه،“ نَعمِلو كَضّاب، و كلمَتو ما فينا.

رؤيا 2:17

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو مِن المَنّا المَدسوس. و بَدّيهو حَجَر أبيَض، مَكتوب عَليهو إسم جَديد، ما في واحِد يَعرِفو إلّا البِقبَلو.

كُولُوسِّي 3:3

عَشان إنتو مُتّو، و حَياتكُم مَدسوسَه مَعَ المَسيح في الله.

رؤيا 12:17

و التّنين غَضَب عَلى المَرَه. و مَشى عَشان يَحارِب باقي أولادا، البِحفَظو أوامِر الله و يَمسِكو بِشَهادَة يَسُوع.

رؤيا 2:28

و بَدّيهو كَمان نَجمَة الصَّباح.

٢ بُطْرُس 1:19

و عِندَنا كِلمَة النُّبوَّه المِتأكِّدَه أكتَر. و إنتو تَعمِلو كوَيس إذا تَخَلّو بالكُم ليها. كلمَتُم زي فانوس بِنَوِّر في مَحَل الضُّلُمَّه لِغايَة ما النَّهار بِظهَر و نَجمَة الصَّباح تَطلَع في قُلوبكُم.

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

يُوحَنَّا 3:18

الإنسان البِآمِن بيهو، الله ما يَدينو. و الإنسان الما بِآمِنو بيهو، هو مَديون عَليهو مِن قُبّال، عَشان هو ما آمَن بِإسم إبن الله.

غَلَاطِيَّه 4:1

و بَقول كَمان، ما دام الوَلَد البِقبَل مال أبوهو لِسَّع صَغَيِر، ما في فارِق بينو و بين العَبد، مع إنّو هو سيد كُلّو حاجَه.

أعمال الرُّسُل 8:37

و فِيلُبُّس قال: ”كان بِتآمِن بِكُلّو قَلبَك، مُمكِن ليك.“ و الخِصي رَدَّ و قال ليهو: ”أنا بآمِن أن يَسُوع المَسيح هو إبن الله.“