١ يُوحَنَّا 4:12 - كِتاب العَهد الجَّديد مِن الكِتاب المُقَدَّس

¹² ما في واحِد شاف الله أبَداً. إذا نَحِب بَعَضَنا بَعض، الله يَسكُن فينا و مَحَبَّتو تَبقى كاملَه فينا.

١ يُوحَنَّا 4:12 Referans Kwoze

يُوحَنَّا 1:18

ما في زول شاف الله كُلّو كُلّو. الإبن الوَحيد الهو في قَلب الأبو، هو خَبَّر عَنّو.

١ يُوحَنَّا 2:5

لَكِن البِحفَظ كلمَتو، بِالحَق مَحَبَّة الله كَمَلَت فيهو. بِدا بِنَعرِف نِحنا فيهو.

١ تِيمُوثَاوُس 6:16

و هو بَس ما بِموت، و بِسكُن في نور الما نَقدَر نَقَرِّب مِنّو. ما في زول شافو ولّا بِقدَر يَشوفو. ليهو الإحتِرام و القُوَّه الأبَديَّه! آمين.

١ يُوحَنَّا 4:20

إذا واحِد يَقول: ”أنا بَحِب الله،“ و بِكرَه أخوهو، هو كَضّاب. عَلَشان الما بِحِب أخوهو الشّافو، ما بِقدَر يَحِب الله الهو ما شافو.

١ يُوحَنَّا 3:24

و كُل البِحفَظو أوامِرو يَسكُنو فيهو و هو فيهُم. و بِدا بِنَعرِف هو يَسكُن فينا، بِالرّوح الأدّاهو لينا.

١ يُوحَنَّا 4:6

نِحنا مِن الله. و البِعرِف الله يَسمَع لينا، و الما مِن الله ما بِسمَع لينا. بِدا بِنَعرِف روح الحَق و روح الكِضِب.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

عِبرانيين 11:27

بِالإيمان مُوسَى ساب مَصر، و ما كان خايِف مِن زَعل المَلِك. عَلَشان هو إتحَمَّل زي البِشوفو الما مُمكِن يَشوفو.

١ كُورِنْثُوس 13:13

و هَسَّع يِستَمِرّو الإيمان و الرَّجاء و المَحَبَّه، التّلاتَه ديل. و لَكِن الأكبَر فيهُم المَحَبَّه.

١ يُوحَنَّا 4:16

و نِحنا عِرِفنا و صَدَّقنا مَحَبَّة الله الهو عِندو لينا. الله مَحَبَّه، و البِسكُن في المَحَبَّه بِسكُن في الله و الله فيهو.