١ يُوحَنَّا 4:1 - كِتاب العَهد الجَّديد مِن الكِتاب المُقَدَّس

¹ يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

١ يُوحَنَّا 4:1 Referans Kwoze

١ تَسَالُونِيكِي 5:21

إمتَحِنو كُلّو حاجَه. و أمسِكو بِالكوَيس.

٢ بُطْرُس 2:1

و كانو بين النّاس أنبياء كاضِبين كَمان، زي ما بِكونو بينكُم مُعَلِّمين كاضِبين كَمان. و هُم بِجيبو بِالسِّر أفكار خَرابيَه، حَتّى يَنكُرو الرَّب الإشتَراهُم. و يَجيبو عَلى نُفوسُم خَراب سَريع.

١ تِيمُوثَاوُس 4:1

و الرّوح يَقول بِكِلمات بَايِنَه، بَعض مِن النّاس بِخَلّو الإيمان في الزَّمَن الأخير، و يَمشو وَرا أرواح بِغِشّو و تَعاليم شياطين.

٢ يُوحَنَّا 1:7

عَشان ناس كُتار البِغِشّو مَرَقو لِلدُّنيا. و هُم ما بِعتَرِفو بِيَسُوع المَسيح إنّو جا في الجِّسِم. دا هو البِغِش و هو ضِد المَسيح.

١ كُورِنْثُوس 14:29

خَلّي إتنين ولّا تلاتَه أنبياء يِتكَلَّمو، و خَلّي الآخَرين يَحكُمو.

١ يُوحَنَّا 2:18

يا أولاد، دي السّاعَه الأخيرَه. و زي ما سِمِعتو ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه.

لُوقَا 12:57

و لِشِنو إنتو نُفوسكُم ما بِتَقدَرو تَحكُمو بِالحَق؟

لُوقَا 21:8

و هو قال ليهو: ”خَلّو بالكُم عَشان واحِد ما بِغِشّكُم. عَشان ناس كُتار بِجو بِإسمي و بِقولو: أنا هو، و: الوَكِت قَرَّب. ما تَمشو وَراهُم.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

رؤيا 2:2

أنا بَعرِف أعمالَك و تَعبَك و صَبرَك، و إنتَ ما تَقدَر تِتحَمَّل الشَّرّيرين. و إنتَ جَرَّبتُم البِسَمّو نُفوسُم رُسُل، لَكِن هُم مُش رُسُل، و لِقيتُم كاضِبين.

١ كُورِنْثُوس 12:10

و لِتاني، عَجايِب، و لِتاني، نُبوَّه، و لِتاني، قُدرَه عَشان يَفهَم الفارِق بين الأرواح، و لِتاني، قُدرَه عَشان يتكَلَّم بِأنواع اللُّغات، و لِتاني، تَرجَمَة لُغات.

أعمال الرُّسُل 20:29

و أنا بَعرِف بَعَد ما مَشيت، دياب مِتوَحِّشين بِدخُلو، و ما بِرحَمو عَلى المُراح.

مَرْقُس 13:21

و في الوَكِت داك، إذا واحِد بِقول ليكُم: شوفو! أهو دا المَسيح! ولّا: شوفو! هو هِناك! ما تَصَدِّقوهو.

أعمال الرُّسُل 17:11

و ديل كانو أفضَل مِن الفي تَسَالُونِيكِي، عَشان قِبلو الكِلمَه بِكُلّو نَشاط. و كانو كُلّو يوم بِفَتِّشو الكُتُب عَشان يَشوفو إذا الحاجات دي صَحَيحَه.

١ تَسَالُونِيكِي 5:20

ما تَقولو النُّبوات ما مُهِمَّه.

٢ تَسَالُونِيكِي 2:2

ما تَخَلّو فِكرَكُم بِتغَيَّر و لا تِتحَيَّرو مِن ديل البِقولو يوم الرَّب جا خَلاص. حَتّى إذا الخَبَر دا كان مِن روح ولّا مِن كَلام، ولّا مِن جَواب هُم بِقولو هو جا مِنَّنا.

١ يُوحَنَّا 2:7

يا مَحبوبين، ما بَكتِب ليكُم أمر جَديد، لَكِن أمر قَديم كان عِندَكُم مِن البِدايَه. الأمر القَديم، هو الكِلمَه السِّمِعتوها.

٣ يُوحَنَّا 1:11

يا حَبيبي، ما تَتبَع الشَّر، لَكِن الخير. البِعمِل الخير هو مِن الله، و البِعمِل الشَّر هو ما شاف الله.