١ يُوحَنَّا 3:5 - كِتاب العَهد الجَّديد مِن الكِتاب المُقَدَّس

⁵ و بِتَعرِفو هو ظَهَر عَشان يَشيل عَنّا خَطايانا، و ما فيهو خَطيَّه.

١ يُوحَنَّا 3:5 Referans Kwoze

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

عِبرانيين 9:26

عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو.

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

١ يُوحَنَّا 1:2

و الحَياة ظَهَرَت، و شُفناها، و نَشهَد ليها. و نَخَبِّركُم بِالحَياة الأبَديَّه الكانَت مَعَ الأبو و ظَهَرَت لينا.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

١ بُطْرُس 2:22

و هو ما عَمَل خَطيَّه، و ما كان مَوجود في خَشمو غِش.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

١ تِيمُوثَاوُس 1:15

و الكِلمَه دي أمينَه و مُستَحِقَّه لِكُلّو قُبول، إنّو المَسيح يَسُوع جا لِلدُّنيا عَشان يَخَلِّص الخاطيين. و أنا أوَّل واحِد فيهُم.

مَتَّى 1:21

و هي بِتَلِد وَلَد و إنتَ بِتسَمّيهو يَسُوع، عَلَشان هو بِخَلِّص النّاس بِتاعو مِن خَطاياهم.“

١ يُوحَنَّا 2:1

يا أولادي، أكتِب ليكُم دا عَشان ما تَعمِلو خَطيَّه. و لَكِن إذا واحِد يَعمِل خَطيَّه، عِندَنا وَسيط مَعَ الأبو، يَسُوع المَسيح البار.

١ بُطْرُس 1:20

دا كان مَعروف عَنّو مِن قُبّال، مِن قَبِل خَليقَة الدُّنيا، لَكِن ظَهَر في الأزمان الأخيرَه عَشان خاطِركُم.

عِبرانيين 4:15

عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.

عِبرانيين 7:26

عَشان رَئيس قُسُس زي دا موافِق لينا. هو قُدّوس و بِدون لوم و نَضيف و مَفَرَّق مِن الخاطيين و مَرفوع أعلى مِن السَّماوات.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

يُوحَنَّا 14:30

أنا ما بَتكَلَّم مَعاكُم كَتير بَعَد دا، عَشان رَئيس الدُّنيا دي جاي، و هو ما عِندو قُدرَه عَلي.

يُوحَنَّا 8:46

مِنو مِنَّكُم يَوَبِّخني عَلى خَطيَّه؟ و عَلَشان أقول الحَق، لِشِنو إنتو ما بِتآمِنو بي؟

يُوحَنَّا 1:31

و أنا ما كُنتَ عارِفو. لَكِن عَشان هو يَظهَر لِإِسْرَائِيل، أنا جيت أعَمِّد بِالمويَه.“

لُوقَا 23:47

و رَئيس الجّيش لَمّا شاف الحَصَل، مَجَّد الله و قال: ”بِالحَق الإنسان دا كان بار.“

لُوقَا 23:41

و حَكَمو عَلينا بِالحَق، عَشان دي أُجرَة أعمالنا. لَكِن الرّاجِل دا ما عِندو غَلَط.“

١ بُطْرُس 1:18

عَشان تَعرِفو أن الله فَداكُم مِن طَرِيقَة حَياتكُم الما ليها فايدَه الأخَدتوها مِن أبَهاتكُم. و دا ما كان بِحاجات تَخسَر مِثِل الفِضَّه و الدَّهَب،

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

١ يُوحَنَّا 2:29

إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

١ يُوحَنَّا 3:8

البيَعمِل الخَطيَّه، هو مِن إبْلِيس، عَشان إبْلِيس مِن البِدايَه كان يَخطى. إبن الله ظَهَر لِلسَّبَب دا، عَشان يَخرَب أعمال إبْلِيس.