١ يُوحَنَّا 2:5 - كِتاب العَهد الجَّديد مِن الكِتاب المُقَدَّس

⁵ لَكِن البِحفَظ كلمَتو، بِالحَق مَحَبَّة الله كَمَلَت فيهو. بِدا بِنَعرِف نِحنا فيهو.

١ يُوحَنَّا 2:5 Referans Kwoze

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

يُوحَنَّا 14:21

العِندو أوامِري و يَحفَظا، دا هو البِحِبّني. و الزّول البِحِبّني، أبوي بِحِبّو. و أنا بَحِبّو، و بَوَرّي نَفسي ليهو.“

لُوقَا 11:28

و هو قال: ”و لَكِن مُبارَكين بِالأكتَر البِسمَعو كَلام الله و بِحفَظوهو.“

١ يُوحَنَّا 3:24

و كُل البِحفَظو أوامِرو يَسكُنو فيهو و هو فيهُم. و بِدا بِنَعرِف هو يَسكُن فينا، بِالرّوح الأدّاهو لينا.

رؤيا 14:12

و في دا يَظهَر صَبر القِدِّسين، ديل البِحفَظو أوامِر الله و إيمان بِيَسُوع.

١ يُوحَنَّا 5:2

بِدا بِنَعرِف نِحنا بِنحِب أولاد الله، إذا بِنحِب الله و بِنَحفَظ أوامِرو.

يُوحَنَّا 15:5

أنا شَجَرَة العِنَب و إنتو الفُروع. البِسكُن فِيني، و أنا فيهو، هو البِجيب ثِمار كَتير. عَشان إنتو بِدوني ما تَقدَرو تَعمِلو حاجَه.

١ يُوحَنَّا 4:18

ما في خوف في المَحَبَّه، لَكِن المَحَبَّه الكاملَه تَطرُد الخوف. عَلَشان النّاس عِندَهُم خوف لَمّا يَخافو مِن الجِّزا. و البِخاف ما بِبقى كاملَه في المَحَبَّه.

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

رؤيا 12:17

و التّنين غَضَب عَلى المَرَه. و مَشى عَشان يَحارِب باقي أولادا، البِحفَظو أوامِر الله و يَمسِكو بِشَهادَة يَسُوع.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

رُومِيَه 8:1

عَلَشان كِدا، ما في دينونَه هَسَّع عَلى ديل الفي المَسيح يَسُوع.

يَعْقُوب 2:22

إنتَ تَشوف أن الإيمان كان بِشتَغِل مَعَ أعمالو، و الإيمان بِقى كامِل بِأعمالو.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

يُوحَنَّا 6:56

الياكُل جِسمي و يَشرَب دَمّي يَسكُن فِيني، و أنا فيهو.

١ يُوحَنَّا 4:17

بِدا، المَحَبَّه تَبقى كاملَه فينا، عَشان بِكون عِندَنا تأكيد في يوم الحُكم. عَلَشان زي ما هو، نِحنا كَمان كِدا في الدُّنيا دي.

٢ يُوحَنَّا 1:6

و دي هي المَحَبَّه، أن نَمشي بِحَسَب أوامِرو. زي ما سِمِعتو مِن البِدايَه، دا هو الأمر، أن تَمشو في المَحَبَّه.