١ يُوحَنَّا 2:22 - كِتاب العَهد الجَّديد مِن الكِتاب المُقَدَّس

²² مِنو الكَضّاب؟ هو البِنكُر إنّو يَسُوع هو المَسيح. دا هو ضِد المَسيح، البِنكُر الأبو و الإبن.

١ يُوحَنَّا 2:22 Referans Kwoze

٢ يُوحَنَّا 1:7

عَشان ناس كُتار البِغِشّو مَرَقو لِلدُّنيا. و هُم ما بِعتَرِفو بِيَسُوع المَسيح إنّو جا في الجِّسِم. دا هو البِغِش و هو ضِد المَسيح.

١ يُوحَنَّا 4:3

و كُلّو روح ما بِعتَرِف بِيَسُوع، ما مِن الله. و دا هو روح ضِد المَسيح السِّمِعتو بِجي، و هَسَّع هو في الدُّنيا.

١ يُوحَنَّا 2:18

يا أولاد، دي السّاعَه الأخيرَه. و زي ما سِمِعتو ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

١ يُوحَنَّا 4:20

إذا واحِد يَقول: ”أنا بَحِب الله،“ و بِكرَه أخوهو، هو كَضّاب. عَلَشان الما بِحِب أخوهو الشّافو، ما بِقدَر يَحِب الله الهو ما شافو.

١ يُوحَنَّا 2:23

كُل البِنكُر الإبن، ما عِندو الأبو كَمان. و البِعتَرِف بِالإبن، عِندو الأبو كَمان.

١ يُوحَنَّا 1:6

إذا نَقول: ”عِندَنا شَرِكَه مَعاهو،“ و نَمشي في الضُّلُمَّه، نَكَضِّب، و ما بِنَعمِل الحَق.

١ يُوحَنَّا 2:4

البقول: ”أنا بَعَرفو،“ و هو ما بِحفَظ أوامِرو، هو كَضّاب، و الحَق ما فيهو.

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

رؤيا 3:9

شوف، في بَعض مِن النّاس مِن مَجمَع الشّيطان، البِقولو هُم يَهود، و هُم مُش يَهود، لَكِن يَكَضِّبو. شوف، أنا بَعمِلُم يَجو و يَركَعو عِند كِرعينَك، و هُم بِيَعرِفو أنا حَبّيتَك.

مَتَّى 24:5

عَشان ناس كُتار بِجو بِإسمي و يَقولو: أنا هو المَسيح، و يَغِشّو ناس كُتار.

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.