١ يُوحَنَّا 1:2 - كِتاب العَهد الجَّديد مِن الكِتاب المُقَدَّس

² و الحَياة ظَهَرَت، و شُفناها، و نَشهَد ليها. و نَخَبِّركُم بِالحَياة الأبَديَّه الكانَت مَعَ الأبو و ظَهَرَت لينا.

١ يُوحَنَّا 1:2 Referans Kwoze

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

يُوحَنَّا 1:4

الحَياة كانَت فيهو، و الحَياة كانَت نور النّاس.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

١ يُوحَنَّا 5:11

و دي الشَّهادَه، الله أدّانا حَياة أبَديَّه، و الحَياة دي في إبنو.

١ يُوحَنَّا 3:8

البيَعمِل الخَطيَّه، هو مِن إبْلِيس، عَشان إبْلِيس مِن البِدايَه كان يَخطى. إبن الله ظَهَر لِلسَّبَب دا، عَشان يَخرَب أعمال إبْلِيس.

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

١ يُوحَنَّا 3:5

و بِتَعرِفو هو ظَهَر عَشان يَشيل عَنّا خَطايانا، و ما فيهو خَطيَّه.

٢ تِيمُوثَاوُس 1:10

لَكِن هَسَّع بِقَت بَايِنَه بِظُهور مُخَلِّصنا، المَسيح يَسُوع. هو بَطَّل الموت و وَرّانا الحَياة الما بِتموت بِواسطَة الإنجيل.

غَلَاطِيَّه 4:4

لَكِن لَمَّن الوَكِت كان مَليان، الله رَسَّل إبنو مَولود مِن مَرَه، مَولود تِحِت القانون.

يُوحَنَّا 15:27

و إنتو كَمان تَشهَدو لَي، عَشان إنتو مَعاي مِن البِدايَه.

أعمال الرُّسُل 3:15

و كَتَلتو رَئيس الحَياة القَوَّمو الله مِن بين المَيِّتين. و نِحنا شاهِدين لِداك.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

أعمال الرُّسُل 10:41

و مُش كُل النّاس شافوهو، لَكِن الشاهِدين المُختارين مِن قُبّال، نِحنا الأكَلنا و شِرِبنا مَعاهو بَعَد قيامَتو مِن بين المَيِّتين.

أعمال الرُّسُل 5:32

و نِحنا شاهِدين ليهو بِالحاجات دي، و نِحنا و الرّوح القُدُس الأدّاهو الله لِلبِطيعوهو.“

أعمال الرُّسُل 2:32

و الله قَوَّم يَسُوع دا، و نِحنا كُلُّنا شاهِدين بِالحَقيقَه دي.

أعمال الرُّسُل 1:22

مِن مَعموديَّة يُوحَنَّا لِليوم الفيهو أخَدوهو مِنَّنا. عَلَشان واحِد مِنَّهُم لازِم بِكون شاهِد مَعانا بِقِيامتو.“

يُوحَنَّا 21:14

و دي هَسَّع تالِت مَرَّه يَسُوع ظَهَر فيها لِتَلاميذو، بَعَد ما قام مِن بين المَيِّتين.

يُوحَنَّا 17:5

و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.

يُوحَنَّا 16:28

أنا جيت مِن عِند الأبو، و دَخَلتَ الدُّنيا. و أنا كَمان بَسيب الدُّنيا و بَمشي لِلأبو.“

يُوحَنَّا 8:38

أنا بَتكَلَّم الشُّفتو مَعَ أبوي، و إنتو بِتَعمِلو السِّمِعتوها مِن أبوكُم.“

يُوحَنَّا 7:29

أنا بَعرِفو، عَشان أنا جيت مِنّو، و هو رَسَّلني.“

يُوحَنَّا 3:13

ما في واحِد طَلَع لِلسَّما إلّا هو النَّزَل مِن السَّما، يَعني إبن الإنسان الفي السَّما.

يُوحَنَّا 1:18

ما في زول شاف الله كُلّو كُلّو. الإبن الوَحيد الهو في قَلب الأبو، هو خَبَّر عَنّو.

١ يُوحَنَّا 1:1

نَخَبِّركُم بِكِلمَة الحَياة. و الكِلمَه كان مِن البِدايَه. و نِحنا سِمِعناهو و شُفناهو بِعُيونّا، و عايَنّا ليهو و إيدينّا لِمسَتو.

يُوحَنَّا 10:28

و أنا بَدّيهُم حَياة أبَديَّه، و هُم ما بِموتو أبَداً، و ما في واحِد يَقدَر يَشيلُم مِن إيدي.

يُوحَنَّا 19:35

و هو الشّاف كِدا، شِهِد، و شَهادَتو حَق. و هو يَعرِف إنّو بِقول الحَق، عَشان إنتو تَآمِنو كَمان.

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.

١ يُوحَنَّا 4:2

بِدا، بِتَعرِفو روح الله. كُلّو روح يَعتَرِف بِيَسُوع المَسيح إنّو جا في الجِّسم، هو مِن الله.

١ يُوحَنَّا 4:14

و نِحنا شُفنا و نَشهَد أن الأبو رَسَّل الإبن عَشان يَكون مُخَلِّص الدُّنيا.

١ يُوحَنَّا 5:13

كَتَبتَ دا ليكُم، إنتو المؤمِنين بِإسم إبن الله، عَلَشان تَعرِفو عِندَكُم حَياة أبَديَّه.