١ كُورِنْثُوس 8:1 - كِتاب العَهد الجَّديد مِن الكِتاب المُقَدَّس

¹ هَسَّع عَن الأكل اليَضبَحوهو لِلأصنام. بِنَعرِف كُلُّنا عِندَنا مَعرِفَه. المَعرِفَه تَعمِل الزّول مِتكَبِّر، لَكِن المَحَبَّه تَبني.

١ كُورِنْثُوس 8:1 Referans Kwoze

١ كُورِنْثُوس 8:7

و لَكِن كُل النّاس ما عِندَهُم المَعرِفَه دي. لَكِن بَعض مِنَّهُم، عَشان بيَعمِلو زي العادَه لِلصَّنَم لِغايَة هَسَّع، ياكلو الأكل زي الضَّبَحوهو لِلصَّنَم. و ضَميرُم الضَّعيف يَبقى نَجِس.

رُومِيَه 14:3

الزّول البياكُل كُلّو حاجَه ما يَحتَقِر الما بياكُل. و الزّول الما بياكُل كُلّو حاجَه ما يَحكُم عَلى البياكُل، عَشان الله قِبلو.

رؤيا 2:14

و لَكِن أنا عِندي حاجات قَليلَه عَليك. إنتَ عِندَك هِناك ناس ماسكين بِتَعليم بَلعام الكان بِعَلِّم بالاق أن يَكون سَبَب لِلخَطيَّه لِبَني إِسْرَائِيل. هو عَلَّمُم أن ياكلو مِن الأكل الكان مَضبوح لِلأصنام و يَعمِلو الزِّنا.

١ كُورِنْثُوس 8:4

عَلى كِدا عَن الأكل اليَضبَحوهو لِلأصنام، بِنَعرِف الصَّنَم ما شي في الدُّنيا، و ما في إلَه تاني إلّا واحِد.

١ كُورِنْثُوس 8:2

و إذا كان واحِد يَفتَكِر هو يَعرِف حاجَه، هو لِسَّع ما يَعرِف حاجَه زي ما لازِم يَعرِف.

رُومِيَه 15:14

أنا نَفسي، يا أخواني، مِتأكِّد إنتو نُفوسكُم مَليانين كُلّو حاجَه طَيبَه، كاملين في كُلّو مَعرِفَه، قادرين يَعَلِّم بَعضَكُم بَعض.

أفَسُس 4:16

و مِنّو كُل الجِّسِم بِكون مَربوط سَوا بِمُساعدَة كُلّو رُباط. و الجِّسِم يَكبَر و يَبني نَفسو في المَحَبَّه لَمّا كُلّو عُضو يَعمِل شُغلو.

١ كُورِنْثُوس 15:34

أرجَعو لِنُفوسكُم زي الواجِب، و ما تَعمِلو خَطيَّه. عَشان بَعض مِن النّاس ما عِندَهُم مَعرِفَه بِالله. بَقول داك عَشان أخَجِّلكُم.

أعمال الرُّسُل 15:29

و هي أن تَرفُضو الضَّبَحو لِلأصنام، و الدَّم، و اللَّحَم المِن بَهايِم مَخنوق، و الزِّنا. و إذا مَنَعتو نُفوسكُم مِن ديل، بِتَعمِلو كوَيس. مَعَ السَّلامَه.“

١ كُورِنْثُوس 10:28

لَكِن إن واحِد قال ليكُم: ”دا مَضبوح لِصَنَم،“ ما تاكلو، فِشان الزّول الخَبَّركُم و عَلَشان الضَّمير.

أعمال الرُّسُل 21:25

و بِخُصوص الآمَنو بين الأُمَم، كَتَبنا ليهُم و حَكَمنا هُم لازِم يَرفُضو الضَّبَحوها لِلأصنام، و الدَّم، و اللَّحَم مِن بَهايِم مَخنوق، و الزِّنا.“

أعمال الرُّسُل 15:10

عَلَشان كِدا، لِشِنو تَجَرِّبو الله، و تَخُتّو نير عَلى رَقَبات التَّلاميذ؟ و النّير دا مُش أبَهاتنا و لا نِحنا قِدِرنا نَشيلو.

رؤيا 2:20

لَكِن أنا عِندي حاجَه عَليك. إنتَ تَدّي إذن لِلمَرَه إيزابَل البِتقول هي نَبيَّه. و هي تَعَلِّم و تَغِش خَدّاميني حَتّى يَعمِلو الزِّنا و ياكلو مِن الأكل الكان مَضبوح لِلأصنام.

كُولُوسِّي 2:18

ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

١ كُورِنْثُوس 14:20

يا أخوان، ما تَكونو أولاد في أفكاركُم. كونو أولاد صُغار في الشَّر، لَكِن في أفكاركُم كونو كامِلين.

١ كُورِنْثُوس 5:6

كِبِركُم ما كوَيس. ما بِتَعرِفو خَميرَه صَغَيرَه تَخَمِّر العَجين كُلّو؟

١ كُورِنْثُوس 5:2

و إنتو لِسَّع مِتكَبِّرين. لِشِنو ما تَكونو حَزنانين و تَشيلو مِن وَسِطكُم الرّاجِل العَمَل دا؟

١ كُورِنْثُوس 4:18

بَعض مِنَّكُم بِقيتو مِتكَبِّرين و تَفتَكِرو أنا ما بَجيكُم.

١ كُورِنْثُوس 4:10

نِحنا بَليدين فِشان المَسيح، لَكِن إنتو فاهمين في المَسيح. نِحنا ضَعيفين لَكِن إنتو قَوّيين، إنتو مُحتَرمين لَكِن نِحنا بِدون إحتِرام.

١ كُورِنْثُوس 1:5

عَشان إنتو بِقيتو غَنيين فيهو، في كُلّو شي و في كُلّو كَلام و كُلّو مَعرِفَه.

رُومِيَه 14:22

الإيمان العِندَك في خُصوص الحاجات دي، خَليهو يَكون بين نَفسَك و بين الله. مُبارَك الزّول الما بِحكُم عَلى نَفسو في الفِكر الهو بِصَدِّق عَليهو.

رُومِيَه 14:14

أنا عارِف و مِتأكِّد في رَب يَسُوع، ما في شي نَجِس بِنَفسو. لَكِن إذا واحِد يَحسِب أي شي نَجِس، بَعَد دا، هو نَجِس ليهو.

رُومِيَه 14:10

لَكِن إنتَ، لِشِنو تَحكُم عَلى أخوك؟ و إنتَ كَمان، لِشِنو تَحتَقِر أخوك؟ عَشان كُلُّنا بِنقيف قِدّام كُرسي الله.

رُومِيَه 12:16

خَلّي تَكون عِندَكُم فِكرَه واحدَه بَعضَكُم بَعض. ما تَكونو مِتكَبِّرين، لَكِن أقبَلو النّاس المِتواضِعين. ما تَكونو شاطرين قِدّام نُفوسكُم.

رُومِيَه 11:25

عَشان أنا عاوِزكُم، يا أخوان، تَكونو فاهمين بِالسِّر دا، عَلَشان ما تَكونو شاطرين قِدّام نُفوسكُم. و قِسم مِن إِسْرَائِيل، روسينُم بِقو قَوّيَّه لِغايَة ما يَدخُل عَدَد كامِل مِن الأُمَم.

رُومِيَه 14:19

عَلَشان كِدا، خَلّونا نَتبَع الحاجات التَّعمِل السَّلام و الحاجات التَّشَدِّدنا بَعَضَنا بَعض.

١ كُورِنْثُوس 4:6

عَشان خاطِركُم يا أخوان، خَتّيت دا كُلّو عَلى نَفسي و عَلى أَبُلُّوس، زي مَثَل عَشان تِتعَلَّمو مِنَّنا أن ما تَفَكِّرو في النّاس فوق ما الكِتاب يَقول. و كِدا إنتو ما بِتكونو مِتكَبِّرين الواحِد فوق التّاني.

١ كُورِنْثُوس 10:15

أقول ليكُم زي ما أقول لِلفاهمين. أحكُمو إنتو في الأقول.