١ كُورِنْثُوس 7:21 - كِتاب العَهد الجَّديد مِن الكِتاب المُقَدَّس

²¹ إنتَ كُنتَ عَبد لَمّا الله ناداك؟ مَعليش. لَكِن إن قِدِرتَ تَبقى حُر، أمسِك الفُرصَه.

١ كُورِنْثُوس 7:21 Referans Kwoze

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

١ كُورِنْثُوس 12:13

عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

لُوقَا 12:29

و ما تَطلُبو بِتاكلو شِنو و بِتَشرَبو شِنو. و ما تِتحَيَّرو.

١ بُطْرُس 5:7

و خُتّو عَليهو كُلّو هُمومكُم، عَشان هو بِهتَم بيكُم.

عِبرانيين 13:5

أحفَظو حَياتكُم مِن مَحَبَّة القُروش، و كونو مَبسوطين مِن العِندَكُم. عَلَشان الله قال: ”أنا أبَداً ما بَسيبَك، و ما بَخَلّيك وَحدَك أبَداً.“

فيلِبّي 4:11

و أنا ما بَقول دا بِسَبَب إحتياجي. عَشان إتعَلَّمتَ بَكون رَضيان في أي حال الأنا فيهو.

فيلِبّي 4:6

ما تِتحَيَّرو في أي شي. لَكِن في كُلّو شي، خَلّي طَلَباتكُم بِتكون مَعروفَه لِلَّه، بِصَلاه و طَلَب مَعَ شُكر.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

لُوقَا 21:34

لَكِن خَلّو بالكُم لِنُفوسكُم، عَشان ما بِتكونو حَزنانين في قُلوبكُم بِحاجات فاضيَه و سَكَر و هُموم الحَياة دي، و اليوم داك بِجي ليكُم زي الفَخ.

١ كُورِنْثُوس 7:20

خَلّي كُلّو واحِد يِستَنّى زي ما هو كان لَمّا الله ناداهو.

١ كُورِنْثُوس 7:22

عَشان الناداهو الرَّب و هو عَبد، هو بِقى حُر في الرَّب. و كِدا كَمان الكان حُر لَمّا الرَّب ناداهو، هو عَبد لِلمَسيح.