١ كُورِنْثُوس 6:11 - كِتاب العَهد الجَّديد مِن الكِتاب المُقَدَّس

¹¹ و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

١ كُورِنْثُوس 6:11 Referans Kwoze

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

أعمال الرُّسُل 22:16

و هَسَّع لِشِنو تِستَنّى؟ قوم و إتعَمَّد، و أغسِل خَطاياك، و نادي بِإسم الرَّب.‘

رُومِيَه 8:30

و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.

أفَسُس 5:8

عَلَشان إنتو كُنتو ضُلُمَّه مِن قُبّال، لَكِن هَسَّع إنتو نور في الرَّب. عيشو زي أولاد نور.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

رُومِيَه 8:33

مِنو البِشتَكي عَلى مُختارين الله؟ الله هو اليَبَرِّر.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

٢ تَسَالُونِيكِي 2:13

و لَكِن نِحنا لازِم نَشكُر الله دايماً فِشانكُم، يا أخوان المَحبوبين مِن الرَّب. و نَشكُر الله عَشان هو إختاركُم مِن البِدايَه عَشان تَخلَصو بِالقَداسَه المِن الرّوح و بِالإيمان بِالحَق.

أعمال الرُّسُل 13:39

و بيهو كُلّو واحِد البِآمِن، يِتبَرَّر مِن كُلّو شي قانون مُوسَى ما قِدِر يَعمِلو بار.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

غَلَاطِيَّه 3:11

و هَسَّع باين و لا واحِد يِتبَرَّر قِدّام الله بِالقانون. عَشان: ”البار بِعِيش بِالإيمان.“

رؤيا 7:14

و قُلتَ: ”إنتَ بِتَعرِف، يا سيدي.“ و هو قال لَي: ”ديل هُم الجّو مِن الضّيق الكَبير، و غَسَّلو تيبانُم و عَمَلوها بيضَة في دَم الحَمَل.

غَلَاطِيَّه 2:16

و بِنَعرِف الزّول ما يِتبَرَّر بِأعمال القانون، لَكِن بِالإيمان بِيَسُوع المَسيح. نِحنا كَمان آمَنّا بِيَسُوع المَسيح عَشان نِتبَرَّر بِالإيمان بِالمَسيح، مُش بِأعمال القانون. عَلَشان و لا واحِد يِتبَرَّر بِأعمال القانون.

١ كُورِنْثُوس 12:2

إنتو بِتَعرِفو لَمّا كُنتو مِن الأُمَم، كانو يَحَرِّكوكُم و يَقودوكُم لِلأصنام الما يِتكَلَّمو.

عِبرانيين 2:11

عَشان هو البِقَدِّس و هُم البِكونو مُقَدَّسين، كُلَّهُم مِن واحِد. و بِالسَّبَب دا، هو ما بِخجَل يَسَمّوهُم أخوان.

غَلَاطِيَّه 3:24

و كِدا القانون كان مُعَلِّمنا البِقودنا لِلمَسيح، عَشان نِتبَرَّر بِالإيمان.

رُومِيَه 5:9

عَشان إتبَرَّرنا هَسَّع بِدَمّو، كيف بِالأكتَر جِدّاً بِنَخلَص بيهو مِن الغَضَب!

رُومِيَه 3:24

و يِتبَرَّرو مَجّاناً، بِنِعمَتو، بِالفِداء الجّا بِيَسُوع المَسيح.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

غَلَاطِيَّه 3:8

الكِتاب إتقَدَّم و شاف أن الله يَبَرِّر الأُمَم بِالإيمان. و بَشَّر إِبْرَاهِيم مِن قُبّال و قال: ”كُل الأُمَم يَكونو مُبارَكين فيك.“

رُومِيَه 4:5

و الزّول الما بيَعمِل لَكِن بِآمِن بِالله اليَبَرِّر الخاطي، إيمانو إتحَسَب ليهو بِر.

لُوقَا 18:14

بَقول ليكُم: الزّول دا مَشى لِبيتو مَبَرَّر عَن التّاني، عَشان كُلّو واحِد اليَرفَع نَفسو يَخُتّوهو تِحِت، و اليَخُت نَفسو تِحِت يَرفَعوهو.“

يُوحَنَّا 13:10

يَسُوع قال ليهو: ”الإتغَسَّل ما عاوِز إلّا غَسل رِجلينو بَس، عَشان جِسمو كُلّو نَضيف. و إنتو نُضاف، لَكِن مُش كُلُّكُم.“

يُوحَنَّا 13:8

بُطْرُس قال ليهو: ”إنتَ ما تَغَسِّل رِجليني أبَداً.“ يَسُوع قال ليهو: ”إن كُنتَ ما بَغَسِّلَك، ما عِندَك جُزو مَعاي.“

عِبرانيين 10:29

و شِنو بِكون لِلزّول الدّاس إبن الله تِحِت رِجلينو، و إفتَكَر الإتِّفاق القَدَّسو حاجَه وَسخانَه، و شَتَم روح النِّعمَه؟ فَكِّرو كيف هو يِستَحِق جِزا أشَدّا!

١ يُوحَنَّا 2:12

أكتِب ليكُم، يا أولاد، عَشان خَطاياكُم مَغفورَه ليكُم عَشان خاطِر إسمو.

مَتَّى 20:4

و قال ليهُم: أمشو إنتو كَمان لِجِنينتي، و أنا بَدّيكُم أُجرَه تَمام. و هُم مَشو.

يُوحَنَّا 5:4

كُلَّهُم مُنتَظِرين المويَه تِتحَرَّك.