١ كُورِنْثُوس 5:4 - كِتاب العَهد الجَّديد مِن الكِتاب المُقَدَّس

⁴ و لَمّا إنتو و روحي مِتلَمين بِإسم رَبَّنا يَسُوع، مَعَ قُوَّة رَبَّنا يَسُوع،

١ كُورِنْثُوس 5:4 Referans Kwoze

كُولُوسِّي 3:17

و كُل البِتَعمِلو، إذا بِكِلمَه ولّا عَمَل، أعمِلو الكُل بِإسم الرَّب يَسُوع، شاكِرين الله الأبو بيهو.

٢ كُورِنْثُوس 13:3

عَشان إنتو تَطلُبو بيّنَه إنّو المَسيح بِتكَلَّم فِيني. و هو ما ضَعيف في عَمَلو مَعاكُم، لَكِن هو قَوّي فيكُم.

يُوحَنَّا 20:23

إذا تَغفِرو لِأي زول خَطاياهو، تَكون مَغفورَه. و إذا ما تَغفِرو لِأي زول خَطاياهو، ما تَكون مَغفورَه.“

٢ تَسَالُونِيكِي 3:6

و نَدّيكُم أمر، يا أخوان، بِإسم رَبَّنا يَسُوع المَسيح، كونو بَعيدين مِن كُلّو أخو البِكون كَسلان و الما بِعِيش حَسَب التَّعليم القِبِلتوهو مِنَّنا.

مَتَّى 16:19

و بَدّيك مَفاتيح مَلَكوت السَّما. و كُل الأنتَ بِتَربُطو عَلى الأرض، بِكون الكان مَربوط في السَّما. و كُل الأنتَ بِتفِك عَلى الأرض، بِكون الفَكّوهو في السَّما.“

أفَسُس 5:20

و تَشكُرو كُلّو وَكِت لِكُلّو حاجَه لِلَّه الأبو، في إسم رَبَّنا يَسُوع المَسيح.

٢ كُورِنْثُوس 13:10

عَلَشان كِدا بَكتِب دا و أنا ما مَعاكُم، عَشان لَمّا بَجي، ما لازِم أكون شَديد بِحَسَب السُّلطَه الأدّاها لَي الرَّب. و هو أدّاني السُّلطَه دي عَشان أبنيكُم، مُش عَشان أخَرِّبكُم.

أعمال الرُّسُل 16:18

و هي عَمَلَت كِدا أيام كَتيرَه، حَتّى بُولُس تِعِب كَتير مِن دا، و إتلَفَت و قال لِلرّوح: ”أنا آمُرَك بِإسم يَسُوع المَسيح، أمرُق مِنَّها.“ و مَرَق في الدَّقيقَه ديك.

أعمال الرُّسُل 3:6

و بُطْرُس قال: ”ما عِندي فِضَّه ولّا دَهَب، لَكِن العِندي بَدّيهو ليك. بِإسم يَسُوع النّاصِري، قوم و أمشي.“

مَتَّى 28:20

و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

مَتَّى 28:18

و يَسُوع قَرَّب ليهُم و قال: ”الله أدّا لَي كُلّو سُلطَه في السَّما و عَلى الأرض.

مَتَّى 18:20

عَشان في المَحَل الإتلَمّو فيهو إتنين ولّا تلاتَه بِإسمي، أنا بَكون هِناك في وَسِطُم.“

أعمال الرُّسُل 4:30

مِد إيدَك عَشان تَسَبِّب الشِّفا و العَلامات و العَجايِب بِإسم إبنَك القُدّوس يَسُوع.“

٢ كُورِنْثُوس 2:6

و كِفايَه لِلزّول دا، عَلَشان كَتيرين مِنَّكُم أدّوهو جِزا.