١ كُورِنْثُوس 4:14 - كِتاب العَهد الجَّديد مِن الكِتاب المُقَدَّس

¹⁴ ما بَكتِب دا عَشان أخَجِّلكُم، لَكِن أحَزِّركُم مِثِل أولادي المَحبوبين.

١ كُورِنْثُوس 4:14 Referans Kwoze

١ تَسَالُونِيكِي 2:11

عَشان تَعرِفو كيف كُنّا نَعَزّي كُلّو واحِد مِنَّكُم، زي أبو لِأولادو، و كُنّا نَشَجِّعكُم،

٣ يُوحَنَّا 1:4

ما عِندي فَرَح أعظَم مِن دا، يَعني أسمَع أن أولادي يَمشو في الحَق.

١ كُورِنْثُوس 9:15

و لَكِن أنا ما إشتَغَلتَ بِشي مِن دا. و ما بَكتِب دا عَشان آخُد لَي زي دا. عَلَشان أحسَن لَي أموت مِن أن واحِد ياخُد مِنّي سَبَب فَخري.

١ كُورِنْثُوس 4:15

عَشان إن كان عِندَكُم عَشَرَة آلاف مِن المُعَلِّمين في المَسيح، ما عِندَكُم أبَهات كَتيرين. عَشان أنا بِقيت أبوكُم في المَسيح يَسُوع بِالإنجيل.

١ تَسَالُونِيكِي 5:14

و نَطلُب ليكُم، يا أخوان، حَزِّرو النّاس الكَسلانين، و شَدِّدو الخايفين، ساعِدو الضَّعيفين، و أصبُرو عَلى الكُل.

كُولُوسِّي 1:28

و نِحنا نَبَشِّر بيهو، و نَحَذِّر كُلّو زول و نَعَلِّم كُلّو زول بِكُلّو حِكمَه. و نَسَوّي دا عَلَشان نَقَدِّم كُلّو زول كامِل في المَسيح.

٢ كُورِنْثُوس 12:19

و تَفتَكِرو كُل الوَكِت دا نِحنا بِنَعمِل نُفوسنا بارين قِدّامكُم؟ نِحنا نِتكَلَّم قِدّام الله في المَسيح، لَكِن، يا مَحبوبين، بِنَعمِل كُلّو حاجَه، عَشان نَقَويكُم.

٢ كُورِنْثُوس 11:11

لِشِنو؟ عَلَشان ما بَحِبّكُم؟ الله بِيَعرِف أنا بَحِبّكُم!

٢ كُورِنْثُوس 7:3

و ما بَقول دا عَشان أحكُم عَليكُم. عَشان زي ما قُلتَ قُبّال دا، إنتو في قُلوبنا، عَشان نَموت مَعاكُم و نَعيش مَعاكُم.

١ كُورِنْثُوس 15:34

أرجَعو لِنُفوسكُم زي الواجِب، و ما تَعمِلو خَطيَّه. عَشان بَعض مِن النّاس ما عِندَهُم مَعرِفَه بِالله. بَقول داك عَشان أخَجِّلكُم.

١ كُورِنْثُوس 6:5

أقول دا عَشان بِتكونو خَجلانين. صَحيح ما في راجِل فَهيم و لا واحِد بينكُم، البِقدَر يَحكُم بين أخوانو؟

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

١ كُورِنْثُوس 4:17

عَشان كِدا رَسَّلتَ ليكُم تِيمُوثَاوُس، إبني الحَبيب و الأمين في الرَّب. و هو بِذَكِّركُم بِطُرُقي في المَسيح زي ما بَعِلِّم في كُلّو مَحَل في كُلّو كَنيسَه.

٢ تَسَالُونِيكِي 3:14

إذا كان أي واحِد ما بِطيع كَلامنا في الجَّواب دا، خَلّو بالكُم مِنّو. ما تَقعُدو مَعاهو، عَشان هو بِكون خَجلان.

فِلِيمُون 1:10

أطلُب ليك فِشان وَلَدي أُونِسِيمُوس الوَلَدتو في الجَّنازِير.

١ يُوحَنَّا 2:1

يا أولادي، أكتِب ليكُم دا عَشان ما تَعمِلو خَطيَّه. و لَكِن إذا واحِد يَعمِل خَطيَّه، عِندَنا وَسيط مَعَ الأبو، يَسُوع المَسيح البار.