١ كُورِنْثُوس 4:12 - كِتاب العَهد الجَّديد مِن الكِتاب المُقَدَّس

¹² و نَتعَب مِشتَغِلين بِإيدينا. هُم يَشتِمونا، و نِحنا نَبارِك. يَطرُدونا، و نِحنا نِتحَمَّل.

١ كُورِنْثُوس 4:12 Referans Kwoze

١ بُطْرُس 3:9

ما تَرَجِّعو شَر بِشَر، ولّا شَتيمَه بِشَتيمَه. لَكِن بِالعَكس بارِكو، عَشان الله ناداكُم لِدا، لِتورَسو البَرَكَه.

مَتَّى 5:11

مُبارَكين إنتو لَمّا يَشتِموكُم و يَطرُدوكُم و يَقولو كُلّو كِلمَه بَطّالَه عَليكُم عَشانّي بِالكِضِب.

رُومِيَه 12:14

بارِكو البِطرُدوكُم. بارِكو و ما تَلعَنو.

رُومِيَه 12:20

لَكِن إذا عَدوَّك جَاع، أدّيهو أكل. و إذا عَطَش، أدّيهو مويَه. عَشان إذا كان عَمَلتَ كِدا، هو بِكون خَجلان مِن عَمَلو.

أعمال الرُّسُل 18:3

و فِشان كان مِن نَفس الشُّغل زيَهُم، قَعَد مَعاهُم يَشتَغِل مَعاهُم. و هُم كانو بيَعمِلو خيام.

لُوقَا 6:28

و بارِكو البِقولو عَليكُم لَعنَه. و صَلّو عَشان اليَعمِلو حاجَه بَطّالَه ليكُم.

١ بُطْرُس 3:14

و لَكِن إذا تِتوَجَّعو عَشان خاطِر البِر، إنتو مُبارَكين. ما تَخافوهُم، و ما تَضطَرِبو.

١ بُطْرُس 2:23

لَمّا شَتَموهو، هو ما رَدَّ الشَّتيمَه، و لَمّا إتوَجَّع، ما هَدَّد، لَكِن إتَّكَل عَلى البِحكُم بِالعَدِل.

لُوقَا 23:34

و يَسُوع قال: ”يا أبوي، أغفِر ليهُم، عَشان هُم ما عارِفين شِنو العَمَلوهو.“ و وَكِت هُم قَسَمو هِدومو، رَمو عَليهو القُرعَه.

مَتَّى 5:44

و لَكِن أنا أقول ليكُم، حِبّو عُدوانكُم و صَلّو عَشان اليَطرُدوكُم،

أعمال الرُّسُل 7:60

و بَعَد دا، وَقَع عَلى رُكبَتيهو و كورَك بِصوت عالي: ”يا رَب، ما تَخُت الخَطيَّه دي لِحِسابُم.“ و لَمّا قال كِدا، هو نام.

يُوحَنَّا 15:20

إتزَكَّرو الكَلام القُلتو ليكُم: الخَدّام ما أكبَر مِن سيدو. إذا طَرَدوني، هُم ماشين بِطرُدوكُم. و إذا كانو حَفَظو كَلامي، هُم بِحفَظو كَلامكُم.

يَهُوذَا 1:9

و لَكِن مِخائيل، رَئيس المَلائكَه، لَمّا شاكَل إبْلِيس عَن جِسِم مُوسَى، خاف يَجيب حُكم بِشَتيمَه، لَكِن قال: ”الرَّب يَوَبِّخَك!“

١ تِيمُوثَاوُس 4:10

و عَشان دا نَتعَب و نَشتَغِل شَديد، عَلَشان خَتّينا رَجاءنا في الله الحَي، مُخَلِّص كُل النّاس، خُصوصاً المؤمِنين.

٢ تَسَالُونِيكِي 3:8

و ما أكَلنا عيش واحِد زول مَجّاناً. لَكِن كُنّا نَشتَغِل بِتَعب شَديد ليل و نَهار، عَلَشان ما نَكون حِمِل لِأي واحِد مِنَّكُم.

١ تَسَالُونِيكِي 2:9

و إنتو تِتزَكَّرو، يا أخوان، الشُّغل بِتاعنا و التَّعب. إشتَغَلنا بِاللّيل و بِالنَّهار عَشان ما نَكون حِمِل عَلى أي واحِد مِنَّكُم وَكِت ما بَشَّرنا بِإنجيل الله.

١ كُورِنْثُوس 9:6

ولّا أنا و بَرْنَابَا بَس ما عِندَنا سُلطَه عَشان ما نَشتَغِل؟

أعمال الرُّسُل 20:34

إنتو نُفوسكُم بِتَعرِفو الإيدين ديل كانَت تَخدِم إحتِياجاتي، و إحتِياجات الكانو مَعاي.

١ بُطْرُس 4:19

عَلَشان كِدا، البِتوَجَّعو بِحَسَب إرادَة الله، خَلّوهُم يَدّو نُفوسُم لِلخالِق الأمين، و يَعمِلو الخير.

رُومِيَه 8:35

مِنو بِقطَعنا عَن مَحَبَّة المَسيح؟ تَعب، ولّا ضيق، ولّا طَرد، ولّا جوع، ولّا عَشان نِحنا عَريانين، ولّا خَطَر، ولّا سيف؟

٢ كُورِنْثُوس 11:8

أنا سَرَقتَ مِن كَنايس تانيين و كُنتَ باخُد أُجرَه مِنَّهُم فِشان أخدِمكُم.

أفَسُس 4:28

ما تَخَلّي الكان بِسرِق يَسرِق تاني مَرَّه. لَكِن خَليهو يَشتَغِل بِإيدينو حاجَه طَيبَه، عَشان بِكون عِندو حاجَه عَشان يَدّي لِلزّول العِندو إحتِياج.