١ كُورِنْثُوس 4:1 - كِتاب العَهد الجَّديد مِن الكِتاب المُقَدَّس

¹ خَلّي الزّول يَحسِبنا زي خَدّامين المَسيح و وُكَلا أسرار الله.

١ كُورِنْثُوس 4:1 Referans Kwoze

١ بُطْرُس 4:10

خَلّي كُلّو واحِد مِنَّكُم يَخدِم التّانيين بِالهَدِيَّه القِبِلا، مِثِل وُكَلا طَيبين لِنِعمَة الله المُختَلِفَه.

تِيطُس 1:7

و المُلاحِظ يَكون بِدون لوم عَلَشان هو وَكيل الله. و هو ما لازِم بِكون مِتكَبِّر و ما بِزعَل قَوام، و ما بِسكَر، و ما بِضرُب، و ما طَمّاع في قُروش وَسخان.

١ تِيمُوثَاوُس 3:9

و هُم قاعِدين يَمسِكو سِر الإيمان بِضَمير نَضيف.

٢ كُورِنْثُوس 4:5

عَشان ما نَبَشِّر بِنُفوسنا، لَكِن بِيَسُوع المَسيح الرَّب. و نِحنا خَدّامين ليكُم عَشان خاطِر يَسُوع.

أفَسُس 6:19

و صَلّو فِشانّي لَمّا أفتَح خَشمي عَشان أتكَلَّم، يَدّيني كَلام عَلَشان أوَرّي سِر الإنجيل بِدون خوف.

كُولُوسِّي 2:2

أنا بَعمِل دا عَلَشان قُلوبُم يِتعَزّو و بِكونو واحِد في المَحَبَّه، و بِكونو عِندَهُم كُلّو غِنى بِتاع تأكيد الفَهم. و عَلَشان كِدا يَعرِفو سِر الله، و هو المَسيح.

رُومِيَه 16:25

و لِلقادِر يَثَبِّتكُم حَسَب إنجيلي الأنا أبَشِّر بِيَسُوع المَسيح، و حَسَب السِّر الكان مَدسوس في الزَّمَن الأبَديَّه.

كُولُوسِّي 4:3

و صَلّو سَوا فِشانّا كَمان، عَشان الله يَفتَح لينا باب لِلكِلمَه، عَشان نِتكَلَّم بِسِر المَسيح. و بِالسَّبَب دا أنا مَربوط بِجَنازِير.

أفَسُس 1:9

و هو فَهَّمنا سِر إرَادَتو حَسَب فَرَحو الجَّهَّزو في المَسيح.

٢ كُورِنْثُوس 12:6

عَشان إذا عاوِز أشكُر نَفسي، ما بَكون غَشيم، عَلَشان بَقول الحَق. لَكِن أبيت أسَوّي كِدا، عَلَشان واحِد ما يَفتَكِر فِيني فوق ما هو بِشوف فِيني و بِسمَع مِنّي.

٢ كُورِنْثُوس 11:23

هُم خَدّامين المَسيح؟ أنا أحسَن. بَتكَلَّم زي المَجنون. أنا تِعِبتَ زِيادَه كَتير، جَلَدوني أكتَر، كُنتَ في السِّجِن مَرّات أكتَر، و في خَطَر الموت مَرّات كَتيرَه.

لُوقَا 12:42

و يَسُوع قال ليهو: ”مِنو هو الوَكيل الأمين و العاقِل، السيدو بيَعمِلو مَسؤول عَن خَدّامينو؟ و هو المَسؤول عَشان يَدّيهو الأكل في وَكتو.

مَتَّى 24:45

كِدا، مِنو هو الخَدّام الأمين الشّاطِر، إذا سيدو عَمَلو وَكيل عَلى خَدّامينو عَشان بِدّيهُم الأكِل بِتاعُم في الوَكِت المَظبوط؟

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

١ تِيمُوثَاوُس 3:6

و لَكِن هو ما لازِم يَكون جَديد في الإيمان، عَشان يِمكِن يَشكُر نَفسو و يَقَع في حُكم إبْلِيس.

٢ كُورِنْثُوس 6:4

لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

١ كُورِنْثُوس 4:13

لَمّا يَكَضِّبو عَلينا، نَرُد بِكَلام لَطيف. بِقينا زي الحاجات الخَربانَه بِتاعَت الدُّنيا و وَساخَه كُلّو حاجَه لِغايَة هَسَّع.

١ كُورِنْثُوس 3:5

عَلَشان مِنو أَبُلُّوس، و مِنو بُولُس؟ هُم خَدّامين، و إنتو آمَنتو بِواسِطَتُم زي ما الرَّب أدّا لِكُلّو واحِد.

١ كُورِنْثُوس 2:7

لَكِن نِتكَلَّم بِحِكمَة الله في السِّر، الحِكمَه المَدسوسَه الجَّهَّزا الله مِن قَبل الأزمان لِمَجدنا.

مَرْقُس 4:11

و قال ليهُم: ”أدّو ليكُم تَعرِفو سِر مَلَكوت الله، و لَكِن ليهُم الفي بَرَّه، كُلّو شي بِأمثال،

مَتَّى 13:11

و رَدَّ و قال ليهُم: ”الله أدّا ليكُم تَعرِفو سِر مَلَكوت السَّما. و لَكِن ما أدّا ليهُم.

لُوقَا 8:10

و قال: ”الله أدّا ليكُم تَعرِفو أسرار مَلَكوت الله، لَكِن لِلتّانيين بِأمثال، عَشان يَعاينو و ما يَشوفو، و يَسمَعو و ما يَفهَمو.

لُوقَا 1:2

و النّاس الشّافوها بِعُيونُم مِن الأوَّل و كانو خَدّامين الكِلمَه سَلَّموها لينا.

رُومِيَه 11:25

عَشان أنا عاوِزكُم، يا أخوان، تَكونو فاهمين بِالسِّر دا، عَلَشان ما تَكونو شاطرين قِدّام نُفوسكُم. و قِسم مِن إِسْرَائِيل، روسينُم بِقو قَوّيَّه لِغايَة ما يَدخُل عَدَد كامِل مِن الأُمَم.

١ كُورِنْثُوس 4:2

و كَمان الوَكيل لازِم يَكون أمين.