١ كُورِنْثُوس 2:14 - كِتاب العَهد الجَّديد مِن الكِتاب المُقَدَّس

¹⁴ و لَكِن الزّول الما عِندو الرّوح ما يَقبَل حاجات روح الله، عَشان دي عِندو حاجَه بَليدَه. و هو ما بِقدَر يَعرِفا، عَشان الحاجات دي مَفهومَه بِالرّوح.

١ كُورِنْثُوس 2:14 Referans Kwoze

١ كُورِنْثُوس 1:18

عَلَشان كِلمَة الصَّليب عِند البِموتو كَلام فاضي، لَكِن عِندَنا المُخَلَّصين هي قُوَّة الله.

١ يُوحَنَّا 2:27

لَكِن المَسحَه القِبِلتوها مِنّو تَسكُن فيكُم، و ما في إحتِياج لِأي واحِد يَعَلِّمكُم. لَكِن المَسحَه دي تَعَلِّمكُم عَن كُلّو حاجَه، و هي حَق و ما كِضِب. و زي المَسحَه دي عَلَّمَتكُم، أسكُنو في الإبن.

١ كُورِنْثُوس 15:46

لَكِن الرّوحي ما جا في الأوَّل لَكِن الطَّبيعي، و بَعَد داك الرّوحي.

يَهُوذَا 1:19

ديل، هُم البِسَوو أقسام بينكُم، و أفكارُم في حاجات الدُّنيا، و ما عِندَهُم الرّوح.

يَعْقُوب 3:15

الحِكمَه دي ما بِتَنزِل مِن فوق، لَكِن هي أرضيَه، جِسميَّه، شيطانيَه.

١ يُوحَنَّا 2:20

و لَكِن إنتو عِندَكُم مَسحَه مِن القُدّوس، و بِتَعرِفو كُلّو شي.

١ كُورِنْثُوس 15:44

يَزرَعوها جِسِم طَبيعي، و يَقوم جِسِم روحي. إذا في جِسِم طَبيعي، في جِسِم روحي كَمان.

١ كُورِنْثُوس 2:12

و نِحنا ما أخَدنا روح الدُّنيا، لَكِن الرّوح المِن الله، عَشان نَعرِف الحاجات الأدّاهُم لينا الله.

يُوحَنَّا 12:37

و مَعَ إنّو يَسُوع عَمَل عَلامات كَتيرَه زي دي قِدّامُم، هُم لِسَّع ما آمَنو بيهو.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

مَتَّى 16:23

و لَكِن إتلَفَت و قال لِبُطْرُس: ”أمشي مِنّي، يا شيطان! إنتَ سَبَب وقوع لَي، عَشان إنتَ ما بِتفَكِّر في حاجات الله لَكِن في حاجات النّاس.“

يُوحَنَّا 14:26

و لَكِن المُساعِد، الهو الرّوح القُدُس، الأبو بِرَسِّلو بِإسمي، هو بِعَلِّمكُم كُلّو حاجَه، و يَزَكِّركُم بِكُل القُلتو ليكُم.

أعمال الرُّسُل 16:14

و كانَت في مَرَه بِتَسمَعنا إسِما لِيدِيَّه البِتبيع قُماش بَنَفسَجي، مِن مَدينَه ثَيَاتِيرَا، و بِتخاف الله. و الرَّب فَتَح قَلبا عَشان تَخَلّي بالا لِلبِقولو بُولُس.

يُوحَنَّا 8:43

لِشِنو إنتو ما بِتَفهَمو كَلامي؟ عَشان إنتو ما تَقدَرو تَسمَعو كَلامي.

١ كُورِنْثُوس 1:23

و لَكِن نِحنا نَبَشِّر بِالمَسيح المَصلوب، لِليَهود عَترَه و لِناس إغريقيين حاجَه بَليدَه.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

أعمال الرُّسُل 25:19

و لَكِن كانو عِندَهُم عَليهو أسئلَه بِخُصوص الدّين بِتاعُم، و عَن إنسان إسمو يَسُوع، المات، و بُولُس كان بِقول هو حَي.

يُوحَنَّا 15:26

و لَمّا المُساعِد يَجي، الأنا بَرَسِّلو ليكُم مِن الأبو، يَعني روح الحَق البِجي مِن الأبو، هو بِشهَد لَي.

أعمال الرُّسُل 18:15

و لَكِن إذا كان سؤَال عَن كِلمات و أسامي و عَن قانونكُم، شوفوها إنتو. أنا ما داير أكون قاضي في الحاجات دي.“

أعمال الرُّسُل 17:32

و لَمّا سِمِعو عَن القيامَه مِن بين المَيِّتين، بَعض مِنَّهُم ضِحِكو عَليهو. و تانيين قالو: ”بِنَسمَع مِنَّك عَن دا مَرَّه تانيَه.“

يُوحَنَّا 10:20

و كُتار مِنَّهُم قالو: ”هو عِندو شيطان، و هو مَجنون. عَشان شِنو بِتَسمَعو ليهو؟“

أعمال الرُّسُل 17:18

و بَعض مِن النّاس مِن المِتعَلِّمين قابَلوهو، الأَبِيكُورِيِّين و الرِّوَاقِيِّين. و بَعض مِنَّهُم قالو: ”الغَلَباوي دا عاوِز يَقول شِنو؟“ و تانيين قالو: ”يَظهَر إنّو يَنادي بِآلِهَه غَريبَه.“ و قالو كِدا عَلَشانو كان بِبَشِّر بِيَسُوع و القيامَه.

يُوحَنَّا 14:17

ناس الدُّنيا ما بِقدَرو يَقبَلوهو، عَشان هُم ما يَشوفوهو و لا يَعرِفوهو. لَكِن إنتو بِتَعرِفوهو، عَشان هو قاعِد مَعاكُم و بِكون فيكُم.

١ كُورِنْثُوس 1:21

عَشان إذا كان الدُّنيا، في حِكمَة الله، ما عِرِفَت الله بِالحِكمَه، إنبَسَط الله أن يَخَلِّص المؤمِنين بِبَلادَة البِشارَه.

١ كُورِنْثُوس 1:25

عَشان الشّي البَليد بِتاع الله عِندو حِكمَه أكتَر مِن حِكمَة النّاس، و ضُعف الله قَوّي مِن النّاس.

١ كُورِنْثُوس 3:1

و أنا، يا أخوان، ما قِدِرتَ أكَلِّمكُم زي ناس روحيين، لَكِن زي ناس جِسميين، زي أطفال صُغار في المَسيح.