١ كُورِنْثُوس 15:3 - كِتاب العَهد الجَّديد مِن الكِتاب المُقَدَّس

³ عَشان سَلَّمتَ ليكُم في الأوَّل القِبِلتو أنا كَمان، إنّو المَسيح مات فِشان خَطايانا بِحَسَب الكُتُب.

١ كُورِنْثُوس 15:3 Referans Kwoze

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

غَلَاطِيَّه 1:12

أنا ما قِبِلتو مِن زول، ولّا إتعَلَّمتو مِن زول، لَكِن قِبِلتو بِرؤيا يَسُوع المَسيح.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رُومِيَه 4:25

هُم سَلَّموهو لِلموت عَشان خَطايانا. و الله قَوَّمو عَشان نِتبَرَّر.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

١ كُورِنْثُوس 11:23

عَشان القِبِلتَ مِن الرَّب، كَمان سَلَّمتو ليكُم. يَعني، الرَّب يَسُوع، في اللّيلَه لَمَّن خانوهو، أخَد عيش.

أعمال الرُّسُل 3:18

و كِدا الله عَمَل الهو كَلَّمنا بيهو مِن قُبّال بِخَشم كُل الأنبياء إنّو مَسيحو لازِم يَتعَب.

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.

أفَسُس 1:7

و فيهو عِندَنا الفِداء بِدَمّو، غُفران الخَطايا، بِحَسَب غِنى نِعمَتو.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

رُومِيَه 3:25

الله قَدَّم يَسُوع ضَبيحَه عَلَشان يَصالِحنا بِالإيمان بِدَمّو عَشان يَوَرّي بِرّو. في الزَّمَن الفات بِسَبَب صَبرو الطَّويل، هو مَرَّه بِخَطاياهم.

مَتَّى 26:28

عَشان دا هو دَمّي لِلإتِّفاق الجَّديد، اليِتدَفَّق لِناس كَتيرين عَشان يَغفِر الخَطايا.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

عِبرانيين 5:3

و بِالسَّبَب دا، هو لازِم يَقَدِّم ضَبايح عَن الخَطايا لِنَفسو، زي ما يَقَدِّم لِلنّاس.

عِبرانيين 5:1

و هُم ياخُدو كُلّو رَئيس قُسُس مِن بين النّاس. و يَختاروهو فِشان النّاس في حاجات الله، عَشان يَقَدِّم هَدايا و ضَبايح عَن الخَطايا.

١ كُورِنْثُوس 11:2

أحمَدكُم عَشانكُم تِتزَكَّروني في كُلّو شي، و تَحفَظو التَّعاليم زي ما سَلَّمتَها ليكُم.

مَتَّى 26:24

صَحيح، إبن الإنسان ماشي زي ما مَكتوب عَنّو. لَكِن حُزن لِلزّول داك اليَسَلِّم إبن الإنسان. كان أحسَن لِلزّول داك إذا ما كان مَولود.“

لُوقَا 24:25

و هو قال ليهُم: ”يا بَليدين و قُلوبكُم تَقيلَه عَشان تَصَدِّقو كُل القالوهو الأنبياء.

أعمال الرُّسُل 8:32

و دا هو فَصِل الكِتاب الكان بِقراهو: ”زي ما يَسوقو الخَروف لِلضَّبيحَه، و زي حَمَل يَسكُت قِدّام البِقطَع شَعرو، كِدا ما فَتَح خَشمو.

أعمال الرُّسُل 17:2

و بُولُس دَخَل بيت الرَّب حَسَب عادَتو، و كان بِتكَلَّم مَعاهُم بِبيِّنات مِن الكُتُب تلاتَه سُبوت.