١ كُورِنْثُوس 15:2 - كِتاب العَهد الجَّديد مِن الكِتاب المُقَدَّس

² و بِالإنجيل دا تَخلَصو إذا كُنتو تَمسِكو بِالكَلام البَشَّرتَكُم بيهو، إذا ما آمَنتو بِدون فايدَه.

١ كُورِنْثُوس 15:2 Referans Kwoze

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

عِبرانيين 2:1

عَلَشان كِدا، لازِم نَخَلّي بالنا أكتَر لِلحاجات السِّمِعناها، عَشان ما نَخَلّيها تَمرُق مِنَّنا.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

٢ تِيمُوثَاوُس 1:9

هو خَلَّصنا و إختارنا إختِيار مُقَدَّس، مُش بِحَسَب أعمالنا، لَكِن بِفِكرو و نِعمَتو. و هو أدّانا النِّعمَه دي في المَسيح يَسُوع مِن قُبّال الوَكِت الأبَدي،

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

أفَسُس 2:8

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

١ كُورِنْثُوس 1:18

عَلَشان كِلمَة الصَّليب عِند البِموتو كَلام فاضي، لَكِن عِندَنا المُخَلَّصين هي قُوَّة الله.

يَعْقُوب 2:26

زي ما الجِّسِم بِدون روح هو ميت، كِدا كَمان الإيمان بِدون أعمال هو مَيِّت.

يَعْقُوب 2:14

شِنو الفايدَه، يا أخواني، إذا واحِد يَقول إنّو عِندو إيمان و لَكِن ما عِندو أعمال؟ الإيمان داك يَقدَر يَخَلِّصو؟

عِبرانيين 10:23

و خَلّونا نَمسِك بِشَهادَة الرَّجاء ثابِتين، عَشان هو الوَعَدنا أمين.

لُوقَا 8:13

و ديلاك العَلى الحَجَر، هُم البَعَد ما سِمِعو، يَقبَلو الكِلمَه بِفَرَح. و ديل ما عِندَهُم عُروق، اليأَمِنو لِمُدَّه، و وَكِت التَجرِبَه، يَرجَعو.

يَعْقُوب 2:17

و كِدا كَمان الإيمان، إذا ما عِندو أعمال، هو مَيِّت في نَفسو.

عِبرانيين 4:14

عَلَشان كِدا، ما دام عِندَنا رَئيس قُسُس عَظيم، المَشى لِجُوَّه السَّما، يَسُوع إبن الله، خَلّونا نَمسِك بِشَهادَة أيمانّا.

٢ تَسَالُونِيكِي 2:15

عَلَشان كِدا، يا أخوان، كونو ثابِتين و أمسِكو التَّعاليم الإتعَلَّمتوها، إذا بِكَلامنا ولّا بِجَوابنا.

غَلَاطِيَّه 3:4

تِعِبتو قَدُر دا بِدون فايدَه؟ إذا بِالحَق يَكون بِدون فايدَه.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

٢ كُورِنْثُوس 2:15

عَشان نِحنا لِلَّه زي الرّيحَه الحِلوَه بِتاعَت المَسيح بين البِخلَصو و البِهلِكو.

١ كُورِنْثُوس 15:14

و إذا المَسيح ما قام، بِشارَتنا بِدون فايدَه، و إيمانكُم كَمان بِدون فايدَه.

١ كُورِنْثُوس 1:21

عَشان إذا كان الدُّنيا، في حِكمَة الله، ما عِرِفَت الله بِالحِكمَه، إنبَسَط الله أن يَخَلِّص المؤمِنين بِبَلادَة البِشارَه.

رُومِيَه 11:22

عَلَشان كِدا، شوف لُطف الله و شِدَّتو. الشِّدَّه عَلى الوَقَعو، لَكِن ليك لُطف الله إذا تِستَمِر في لُطفو، و إلّا بِقطَعوك كَمان.

أعمال الرُّسُل 8:13

و سيمون نَفسو آمَن. و بَعَد ما إتعَمَّد، كان بِستَمِر مَعَ فِيلُبُّس دايماً. و إستَغرَب لَمّا شاف العَلامات الكَبيرَه و العَجايِب.

أعمال الرُّسُل 2:47

و كانو يَحمَدو الله و يَلقو نِعمَه قِدّام كُل النّاس. و الرَّب جَمَع لِلكَنيسَه كُلّو يوم الكانو بِخلَصو.

١ كُورِنْثُوس 11:2

أحمَدكُم عَشانكُم تِتزَكَّروني في كُلّو شي، و تَحفَظو التَّعاليم زي ما سَلَّمتَها ليكُم.