١ كُورِنْثُوس 14:1 - كِتاب العَهد الجَّديد مِن الكِتاب المُقَدَّس

¹ أتبَعو المَحَبَّه، و لَكِن حِبّو شَديد الهَدايا الرّوحيَّه، خُصوصاً عَشان تِتنَبّو.

١ كُورِنْثُوس 14:1 Referans Kwoze

١ كُورِنْثُوس 14:39

عَشان كِدا، يا أخواني، حِبّو شَديد أن تِتنَبّو، و ما تَمنَعو البِكَلِّم بِلُغات.

عِبرانيين 12:14

أتبَعو السَّلام مَعَ كُل النّاس و القَداسَه، عَلَشان ما في واحِد بِشوف الله بِدون القَداسَه.

١ تِيمُوثَاوُس 4:14

ما تَكون كَسلان بِهَديتَك الأدّوها ليك بِالنُّبوَّه لَمّا الشُّيوخ خَتّو إيدينُم عَليك.

١ كُورِنْثُوس 16:14

أعمِلو كُلّو حاجَه بِمَحَبَّه.

١ كُورِنْثُوس 12:1

هَسَّع عَن الهَدايا الرّوحيَّه، يا أخوان، ما بَدوركُم تَكونو بِدون مَعرِفَه.

١ كُورِنْثُوس 13:13

و هَسَّع يِستَمِرّو الإيمان و الرَّجاء و المَحَبَّه، التّلاتَه ديل. و لَكِن الأكبَر فيهُم المَحَبَّه.

١ تَسَالُونِيكِي 5:20

ما تَقولو النُّبوات ما مُهِمَّه.

١ تِيمُوثَاوُس 6:11

و إنتَ، يا راجِل الله، أهرَب مِن دا. و أتبَع البِر، و خوف الله، و الإيمان، و المَحَبَّه، و الصَّبر، و الوَداعَه.

١ كُورِنْثُوس 14:37

إن واحِد يَحسِب نَفسو نَبي ولّا روحي، خَليهو يَعرِف الأنا أكتِبو ليكُم هو أمر الرَّب.

١ تِيمُوثَاوُس 5:10

و النّاس يَعرِفوها بِأعمالا الكوَيسَه. هي كانَت رَبَّت الأولاد، و فَتَحَت بيتا لِلغَريبين، و غَسَّلَت كِرعين القِدِّسين، و ساعَدَت المَظلومين، و أدَّت نَفسَها لِكُلّو عَمَل كوَيس.

أفَسُس 1:3

مُبارَك الله أبو رَبَّنا يَسُوع المَسيح البارَكنا بِكُلّو بَرَكَه روحيَّه في المَحَلّات الفي السَّما في المَسيح.

١ كُورِنْثُوس 12:31

لَكِن حِبّو شَديد الهَدايا الأحسَن. و كَمان بَوَرّيكُم طَريق أحسَن بِكَتير.

٣ يُوحَنَّا 1:11

يا حَبيبي، ما تَتبَع الشَّر، لَكِن الخير. البِعمِل الخير هو مِن الله، و البِعمِل الشَّر هو ما شاف الله.

٢ بُطْرُس 1:7

و لِخوف الله حُب الأخوان، و لِحُب الأخوان المَحَبَّه.

رُومِيَه 12:6

لَكِن عِندَنا هَدايا مُختَلِفَه، بِحَسَب النِّعمَه الأدّاها لينا. العِندو هَديَّة النُّبوَّه، خَليهو يَشتَغِل بيهو بِحَسَب إيمانو.

٢ تِيمُوثَاوُس 2:22

أجري مِن الشَّهوات بِتاعَت الشَّباب، و أمشي وَرا البِر و الإيمان و المَحَبَّه و السَّلام مَعَ النّاس البِنادو بِالرَّب مِن قَلِب نَضيف.

رُومِيَه 9:30

عَلَشان كِدا بِنقول شِنو؟ الأُمَم الما يَطلُبو البِر، هُم حَصَّلو عَلى البِر، يَعني البِر البِإيمان.

رُومِيَه 14:19

عَلَشان كِدا، خَلّونا نَتبَع الحاجات التَّعمِل السَّلام و الحاجات التَّشَدِّدنا بَعَضَنا بَعض.

١ كُورِنْثُوس 13:2

و إذا كان عِندي هَديَّة النُّبوَّه، و بَعرِف كُل الأسرار، و كُلّو مَعرِفَه، و إذا كان عِندي كُل الإيمان لِغايَة ما أحَرِّك الجِبال، و لَكِن ما عِندي مَحَبَّه، أنا ما حاجَه.

١ كُورِنْثُوس 14:22

كِدا اللُّغات عَلامَه، مُش لِلمؤمِنين لَكِن لِلما مؤمِنين. لَكِن النُّبوَّه مُش لِلما مؤمِنين لَكِن لِلمؤمِنين.