١ كُورِنْثُوس 13:3 - كِتاب العَهد الجَّديد مِن الكِتاب المُقَدَّس

³ و إذا أَدِّي كُل العِندي لِلمَساكين، و سَلَّمتَ جِسمي عَشان يَحرَقوهو، و لَكِن ما عِندي مَحَبَّه، ما في فايدَه لَي.

١ كُورِنْثُوس 13:3 Referans Kwoze

يُوحَنَّا 15:13

ما في إنسان عِندو مَحَبَّه أعظَم مِن كِدا، أن واحِد بِدّي نَفسو فِشان المَحبوبين.

مَتَّى 23:5

كُلّو شي اليَعمِلوهو، يَعمِلوهو عَشان النّاس يَشوفوهُم. و يَلبَسو عَلامَه عَريضَه في راسُم مَكتوبَه فوقا كِلمات الله. و يَعمِلو طَرَف عَريض عَلى هِدُومُم.

غَلَاطِيَّه 5:26

واجِب عَلينا أن ما نَشكُر نُفوسنا، ولّا نَزَعِّل بَعَضَنا بَعض، ولّا نَحسُد بَعَضَنا بَعض.

لُوقَا 18:28

و بُطْرُس قال: ”شوف! خَلّينا كُلّو شي و تِبِعناك.“

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

١ تِيمُوثَاوُس 4:8

عَشان رياضَة الجِّسم عِندَها فايدَه قَليلَه، لَكِن خوف الله عِندو فايدَه لِكُلّو حاجَه. عَشان عِندو وَعد لِلحَياة الفي هَسَّع و الجّايَه.

يُوحَنَّا 12:43

عَشان هُم حَبّو مَجد النّاس أكتَر مِن مَجد الله.

لُوقَا 18:22

و لَمّا يَسُوع سِمِع دا، قال ليهو: ”لِسَّع ناقِص ليك حاجَه واحدَه. بيع كُل العِندَك، و قَسِّمو بين المَساكين، و بِكون عِندَك كَنز في السَّما. و تَعال، أتبَعني.“

أعمال الرُّسُل 21:13

لَكِن بُولُس رَدَّ و قال: ”مالكُم بِتَبكو و تَكسِرو قَلبي؟ أنا جاهِز مُش أكون مَربوط بَس، لَكِن أموت كَمان في أُورُشَلِيم فِشان خاطِر إسِم الرَّب يَسُوع.“

يُوحَنَّا 13:37

بُطْرُس قال ليهو: ”يا سَيِّد، عَشان شِنو ما بَقدَر أتبَعَك هَسَّع؟ أنا بَدّي حَياتي فِشانَك.“

يُوحَنَّا 6:63

الرّوح هو البِدّي حَياة، لَكِن الجِّسم ما فيهو فايدَه. الكَلام البَقولو ليكُم هَسَّع، هو روح و حَياة.

لُوقَا 19:8

و زَكَّا وَقَف و قال لِلرَّب: ”شوف، يا رَب، بَدّي نُص أموالي لِلمَساكين. و إذا كان ظَلَمتَ زول، بَرَجِّع ليهو أربَعَه مَرّات.“

فيلِبّي 2:3

ما تَعمِلو أي شي بِمَحَبَّة النَّفس، ولّا بِكِبر. و لَكِن خُتّو نُفوسكُم تِحِت، و أحسِبو التّانيين أحسَن مِن نُفوسكُم.