١ كُورِنْثُوس 12:11 - كِتاب العَهد الجَّديد مِن الكِتاب المُقَدَّس

¹¹ لَكِن الرّوح الواحِد نَفسو يَعمِل كُلّو دا، و يَدّي كُلّو واحِد بَراهو زي ما هو داير.

١ كُورِنْثُوس 12:11 Referans Kwoze

١ كُورِنْثُوس 12:4

و في أنواع هَدايا، و لَكِن الرّوح واحِد.

عِبرانيين 2:4

و الله كَمان شِهِد بيهو مَعاهُم بِالعَلامات و العَجايِب و القُوّات المُختَلِفَه و هَدايات الرّوح القُدُس، الهو قَسَّمُم حَسَب إرَادَتو.

٢ كُورِنْثُوس 10:13

لَكِن ما نَشكُر نُفوسنا بِدون قِياس، لَكِن حَسَب الخِدمَه القَسَما لينا الله. و الخِدمَه دي تَجِيبنا ليكُم كَمان.

أفَسُس 4:7

و لَكِن هو أدّا لِكُلّو واحِد مِنَّنا النِّعمَه حَسَب قِياس هَديَّة المَسيح.

١ كُورِنْثُوس 12:6

و في أنواع أعمال، لَكِن الله واحِد البيَعمِل كُلّو شي في كُل النّاس.

يَعْقُوب 1:18

مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

أفَسُس 1:11

و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

١ كُورِنْثُوس 7:17

عَلى كُلّو حال، خَلّي كُلّو واحِد يَمشي زي ما الله قَسَم لِكُلّو واحِد، زي ما الرَّب نادى كُلّو واحِد. دا أمري في كُل الكَنايس.

١ كُورِنْثُوس 7:7

أنا داير كُل النّاس يَكونو زي ما أنا. لَكِن كُلّو واحِد عِندو هَديتو المَخصوص مِن الله. الواحِد كِدا و التّاني كِدا.

رُومِيَه 12:6

لَكِن عِندَنا هَدايا مُختَلِفَه، بِحَسَب النِّعمَه الأدّاها لينا. العِندو هَديَّة النُّبوَّه، خَليهو يَشتَغِل بيهو بِحَسَب إيمانو.

رُومِيَه 9:18

عَلَشان كِدا، الله يَرحَم الزّول الهو بِدور يَرحَمو، و يَقَوّي راس الزّول الهو بِدور يَقَوّيهو.

يُوحَنَّا 5:21

زي ما الأبو يَقَوِّم المَيِّتين و يَدّيهو الحَياة، كَمان الإبن يَدّي ليهُم الحَياة زي ما هو عاوِز.

يُوحَنَّا 3:27

يُوحَنَّا رَدَّ و قال ليهُم: ”ما في إنسان ياخُد حاجَه، إذا الله ما أدّاها ليهو مِن السَّما.

يُوحَنَّا 3:8

الريح تَحِب لِلمَكان العاوِزا، و تَسمَع صوتا. لَكِنَّك ما بِتَعرِف مِن وين بِتَجي، ولّا لِوين بِتَمشي. و البِتوَلَد مِن الرّوح، هو كِدا.“

مَتَّى 20:15

ما بِالقانون أن أعمِل زي ما أنا عاوِز بِمالي؟ ولّا إنتَ عِندَك قَلب بَطّال عَشان أنا راجِل كَريم؟

مَتَّى 11:26

أيوَه، يا أبو، عَشان دا طَيب قِدَّامَك.

١ كُورِنْثُوس 12:18

لَكِن الله خَتَّ الأعضاء كُلّو واحِد مِنَّها في الجِّسِم زي ما كان عاوِز.