١ كُورِنْثُوس 1:8 - كِتاب العَهد الجَّديد مِن الكِتاب المُقَدَّس

⁸ هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

١ كُورِنْثُوس 1:8 Referans Kwoze

١ تَسَالُونِيكِي 3:13

عَشان يَشَدِّد قُلوبكُم بِدون لوم في القَداسَه قِدّام الله أبونا لَمّا رَبَّنا يَسُوع المَسيح بِجي مَعَ كُلّو قِدِّسِينو.

كُولُوسِّي 1:22

لَكِن هَسَّع هو صالَحكُم بِجِسمو الإنساني بِالموت. و هو عَمَل دا عَلَشان يَجيبكُم قِدّامو قِدِّيسين و بِدون عيب ولّا لوم.

فيلِبّي 1:6

و أنا مِتأكِّد في الحاجَه دي، إن هو الإبتَدا عَمَل كوَيس فيكُم، بِكَمِّلو لِغايَة يوم المَسيح يَسُوع.

٢ تَسَالُونِيكِي 3:3

لَكِن الرَّب أمين، و هو بِثَبِّتكُم و بِحفَظكُم مِن الشَّرّير.

أفَسُس 5:27

عَشان يَقَدِّما لِنَفسو كَنيسَه مَجيدَه، ما فيها نُقطَه ولّا كَرمَش ولّا أي شي زي دا، و لَكِن تَكون مُقَدَّسَه و بِدون عيب.

رُومِيَه 16:25

و لِلقادِر يَثَبِّتكُم حَسَب إنجيلي الأنا أبَشِّر بِيَسُوع المَسيح، و حَسَب السِّر الكان مَدسوس في الزَّمَن الأبَديَّه.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

فيلِبّي 1:10

عَشان تَفهَمو الأحسَن في الحاجات، و تَكونو نُضاف و بِدون لوم لِغايَة يوم المَسيح.

٢ بُطْرُس 3:14

عَلَشان كِدا، يا مَحبوبين، و إنتو مِستَنّين الحاجات دي، إشتَغِلو شَديد عَشان تَكونو نُضاف و بِدون عيب و عَشان يَكون عِندَكُم سَلام مَعاهو.

رُومِيَه 14:4

مِنو إنتَ حَتّى تَحكُم عَلى خَدّام واحِد تاني؟ عَشانو لِسيدو يَقيف ولّا يَقَع. و هو بِقيف، عَشان الرَّب قادِر يَثَبِّتو.

٢ بُطْرُس 3:10

و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.

٢ كُورِنْثُوس 1:21

لَكِن الله هو البِيَعمِلنا ثابِتين مَعاكُم في المَسيح. و هو مَسَحنا،

٢ كُورِنْثُوس 1:14

و إنتو فِهِمتونا كَمان بَعض مِن الفَهم، و فِهِمتو أن نِحنا فَخرَكُم زي ما إنتو فَخرَنا في يوم رَبَّنا يَسُوع.

١ كُورِنْثُوس 5:5

إنتو تَسَلِّمو الرّاجِل دا لِلشّيطان لِخَراب الجِّسم، عَشان روحو تَخَلَص في يوم الرَّب يَسُوع.

لُوقَا 17:24

عَشان زي البَرق يَنَوِّر السَّما مِن جِهَه واحدَه لِلتّانيَه، في يوم إبن الإنسان بِكون كِدا كَمان.

لُوقَا 17:30

و بِكون كِدا كَمان في اليوم الفيهو إبن الإنسان يَظهَر.

رُومِيَه 8:19

عَشان الخَليقَه تِستَنّى بِرَجاء شَديد لِغايَة أولاد الله يَظهَرو.

١ كُورِنْثُوس 3:13

عَمَل كُلّو واحِد بِبقى بايِن. عَشان اليوم بِوَرّيهو، و هو يَبَيِّن بِالنّار. و النّار بِتَمتَحِن عَمَل كُلّو واحِد هو مِن ياتو نوع.

٢ كُورِنْثُوس 1:13

عَشان ما نَكتِب ليكُم إلّا البِتَقدَرو تَقرو و تَفهَمو. و عِندي رَجاء إنتو بِتَفهَمو بِالتَّمام.

كُولُوسِّي 2:7

و خَلّو عُروقكُم يَكونو فيهو، و أبنو نُفوسكُم فيهو. و كونو ثابِتين في الإيمان، زي ما عَلَّموكُم، و زيدو في الشُّكر.

١ تَسَالُونِيكِي 5:2

عَشانكُم إنتو تَعرِفو بِالتّأكيد إنّو يوم الرَّب بِجي زي الحَرامي بِاللّيل.

٢ تَسَالُونِيكِي 2:2

ما تَخَلّو فِكرَكُم بِتغَيَّر و لا تِتحَيَّرو مِن ديل البِقولو يوم الرَّب جا خَلاص. حَتّى إذا الخَبَر دا كان مِن روح ولّا مِن كَلام، ولّا مِن جَواب هُم بِقولو هو جا مِنَّنا.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تِيمُوثَاوُس 1:18

و الرَّب يَدّي ليهو أن يَلقا رَحمَه مِن الرَّب في اليوم داك! و إنتَ بِتَعرِف كوَيس كيف هو خَدَّمني بِحاجات كَتيرَه في أفَسُس.