١ كُورِنْثُوس 1:2 - كِتاب العَهد الجَّديد مِن الكِتاب المُقَدَّس

² لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

١ كُورِنْثُوس 1:2 Referans Kwoze

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

عِبرانيين 13:12

و عَلَشان كِدا، يَسُوع كَمان إتوَجَّع بَرَّه مِن باب المَدينَه، عَشان يَقَدِّس النّاس بِدَمّو.

١ تَسَالُونِيكِي 4:7

عَشان الله ما نادانا لِلنَّجاسَه، لَكِن في القَداسَه.

عِبرانيين 10:10

و بِالإرادَه دي، نِحنا بِقينا مُقَدَّسين بِتَقدِمَة جِسم يَسُوع المَسيح مَرَّه واحدَه.

٢ كُورِنْثُوس 4:5

عَشان ما نَبَشِّر بِنُفوسنا، لَكِن بِيَسُوع المَسيح الرَّب. و نِحنا خَدّامين ليكُم عَشان خاطِر يَسُوع.

أعمال الرُّسُل 9:14

و كَمان عِندو إذِن مِن القُسُس الكُبار عَشان يَجي هِنا و يَقبُض كُل البِنادو بِإسمَك.“

رؤيا 19:16

و مَكتوب عَلى توبو و فَخدو الإسِم، مَلِك المُلوك و رَب الأرباب.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.

عِبرانيين 2:11

عَشان هو البِقَدِّس و هُم البِكونو مُقَدَّسين، كُلَّهُم مِن واحِد. و بِالسَّبَب دا، هو ما بِخجَل يَسَمّوهُم أخوان.

٢ تِيمُوثَاوُس 1:9

هو خَلَّصنا و إختارنا إختِيار مُقَدَّس، مُش بِحَسَب أعمالنا، لَكِن بِفِكرو و نِعمَتو. و هو أدّانا النِّعمَه دي في المَسيح يَسُوع مِن قُبّال الوَكِت الأبَدي،

١ تِيمُوثَاوُس 3:15

لَكِن إذا إتأخَّرتَ، إنتَ بِتَعرِف كيف النّاس لازِم يَعِيشو بين أهل بيت الله، الهو كَنيسَة الله الحَي، عَمود و أساس الحَق.

٢ تَسَالُونِيكِي 1:1

مِن بُولُس و سِلْوَانُس و تِيمُوثَاوُس لِكَنيسَة أهل تَسَالُونِيكِي في الله الأبو و الرَّب يَسُوع المَسيح.

١ تَسَالُونِيكِي 1:1

مِن بُولُس و سِلْوَانُس و تِيمُوثَاوُس لِكَنيسَة أهل تَسَالُونِيكِي في الله الأبو، و الرَّب يَسُوع المَسيح. نِعمَه ليكُم و سَلام.

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.

٢ كُورِنْثُوس 1:1

مِن بُولُس رَسول المَسيح يَسُوع بِإرادَة الله، و مِن تِيمُوثَاوُس الأخو، لِكَنيسَة الله الفي كُورِنْثُوس، مَعَ كُل النّاس المُقَدَّسين في كُلّو أَخَائِيَه.

١ كُورِنْثُوس 8:6

لَكِن لينا إلَه واحِد بَس، الأبو، المِنّو كُل الحاجات و نِحنا نَعيش ليهو، و رَب واحِد، يَسُوع المَسيح، البيهو كُل الحاجات و نِحنا نَعيش بيهو.

رُومِيَه 10:12

عَشان ما في فارِق بين اليَهودي و الإغريقي، عَشان في رَب واحِد لِلكُل، و هو غَني لِكُل البِنادو ليهو.

رُومِيَه 3:22

و بِر الله دا بِالإيمان بِيَسُوع المَسيح، لِكُل البِآمِنو. عَشان ما في فارِق،

أعمال الرُّسُل 22:16

و هَسَّع لِشِنو تِستَنّى؟ قوم و إتعَمَّد، و أغسِل خَطاياك، و نادي بِإسم الرَّب.‘

أعمال الرُّسُل 18:1

و بَعَد دا، بُولُس مَشى مِن أَثِينَا و جا لِكُورِنْثُوس.

أعمال الرُّسُل 15:9

و هو ما عَمَل فارِق بينَنا و بِينُم، عَشان نَضَّف قُلوبُم بِالإيمان.

أعمال الرُّسُل 10:36

و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 9:21

و كُل السِّمِعوهو إتعَجَّبو و قالو: ”دا هو الكان بِكتُل في أُورُشَلِيم البِنادو بِالإسِم دا؟ و هو جا هِنا عَشان يَسوقُم مَربوطين لِلقُسُس الكُبار.“

٢ تِيمُوثَاوُس 2:22

أجري مِن الشَّهوات بِتاعَت الشَّباب، و أمشي وَرا البِر و الإيمان و المَحَبَّه و السَّلام مَعَ النّاس البِنادو بِالرَّب مِن قَلِب نَضيف.

غَلَاطِيَّه 1:2

و مِن كُل الأخوان المَعاي، لِكَنايس غَلَاطِيَّه.

أعمال الرُّسُل 9:13

و لَكِن حَنانيّا رَدَّ و قال: ”يا رَب، سِمِعتَ مِن كَتيرين عَن الرّاجِل دا، بِكُل الحاجات البَطّالَه الهو عَمَل لِقِدِّسينَك في أُورُشَلِيم.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

١ كُورِنْثُوس 10:32

ما تَكونو سَبَب لِخَطيَّه لِليَهود ولّا لِناس إغريقيين ولّا لِكَنيسَة الله،

١ كُورِنْثُوس 12:27

و إنتو جِسِم المَسيح، و كُلّو واحِد مِنَّكُم بَراهو أعضاءو.

١ تِيمُوثَاوُس 2:8

عَلَشان كِدا، أنا بَدور الرُّجال في كُلّو مَحَل يَصَلّو و يَرفَعو إيدينُم القُدُّوس، بِدون زَعل ولّا شَكَل.

٢ تِيمُوثَاوُس 2:19

و لَكِن أساس الله الثّابِت يَقوم، و فوقو الخِتِم دا: ”الرَّب بِيَعرِف النّاس بِتاعو،“ و: ”كُلّو واحِد البِعتَرِف بِإسم الرَّب لازِم يَكون بَعيد مِن الخَطيَّه.“