١ كُورِنْثُوس 1:12 - كِتاب العَهد الجَّديد مِن الكِتاب المُقَدَّس

¹² يَعني كُلّو واحِد مِنَّكُم يَقول: ”أنا لِبُولُس،“ ولّا: ”أنا لِأَبُلُّوس،“ ولّا: ”أنا لِبُطْرُس،“ ولّا: ”أنا لِلمَسيح.“

١ كُورِنْثُوس 1:12 Referans Kwoze

يُوحَنَّا 1:42

و جابو لِيَسُوع. و يَسُوع عايَن ليهو و قال: ”إنتَ سِمْعَان وَلَد يُوحَنَّا. إنتَ إسمَك صَفا،“ يَعني بُطْرُس.

غَلَاطِيَّه 3:17

و بَقول دا: الله مِن قُبّال عَمَل إتِّفاق و وَعَد يَحفَظو. القانون الجّا بَعَد أُربُعمِيَّه و تَلاتين سَنَه، ما بِقدَر يَبَطِّل الإتِّفاق داك، و كِدا يَسَوي الوَعَد بِدون فايدَه.

غَلَاطِيَّه 2:9

و يَعْقُوب و بُطْرُس و يُوحَنَّا، و هُم المُحتَرمين زي عِمدان، أدّاني أنا و بَرْنَابَا يَمين الشَّرِكَه، لَمّا عِرفو النِّعمَه الأدّاني الله. هُم إتَّفَقو نِحنا نَمشي لِلأُمَم و هُم لِلمُطَهَّر.

٢ كُورِنْثُوس 9:6

لَكِن بَقول دا، البِزرَع قَليل، بِلِم قَليل. و البِزرَع بِالبَرَكات، بِلِم بِالبَرَكات كَمان.

١ كُورِنْثُوس 16:12

هَسَّع عَن أَبُلُّوس أخونا، طَلَبتَ ليهو كَتير عَشان يَجيكُم مَعَ الأخوان. و ما كان رَضيان أبَداً يَجي هَسَّع. و لَكِن هو بِجي لَمَّن عِندو فُرصَه.

١ كُورِنْثُوس 15:50

أقول دا، يا أخوان، أجسامنا المَصنوع مِن لَحَم و دَم ما بِقدَرو يورَثو مَلَكوت الله، و البِموت ما بِقدَر يورَث الما بِموت أبَداً.

١ كُورِنْثُوس 15:5

و ظَهَر لِبُطْرُس، و بَعدين لِلإتناشَر رَسول.

١ كُورِنْثُوس 9:5

ما عِندَنا سُلطَه أن ناخُد مَعانا مَرَه مِآمِنَه؟ زي باقي الرُّسُل و أخوان الرَّب و بُطْرُس؟

١ كُورِنْثُوس 7:29

يَعني، الوَكِت بِقى قِصَير، يا أخوان. مِن هَسَّع، خَلّو العِندَهُم نِسوان يَكونو زي الما عِندَهُم،

١ كُورِنْثُوس 4:6

عَشان خاطِركُم يا أخوان، خَتّيت دا كُلّو عَلى نَفسي و عَلى أَبُلُّوس، زي مَثَل عَشان تِتعَلَّمو مِنَّنا أن ما تَفَكِّرو في النّاس فوق ما الكِتاب يَقول. و كِدا إنتو ما بِتكونو مِتكَبِّرين الواحِد فوق التّاني.

أعمال الرُّسُل 18:24

و في الزَّمَن دا، يَهودي إسمو أَبُلُّوس مِن ناس الإسكَندَريَّه جا لِأفَسُس. و هو راجِل عِندو قُدرَه في الكَلام و في الكُتُب.

مَتَّى 23:8

لَكِن ما تَخَلّو النّاس يَسَمّوكُم سَيِّد، عَلَشان مُعَلِّمكُم واحِد بَس، و كُلَّكُم أخوان.

أعمال الرُّسُل 19:1

و حَصَل لَمّا أَبُلُّوس كان في كُورِنْثُوس، بُولُس فات بِالمَحَلّات العاليَه و جا لِأفَسُس. و هِناك لِقى بَعض مِن التَّلاميذ.

١ كُورِنْثُوس 1:11

عَشان أهل خُلُوِي خَبَّروني، يا أخواني، عَن الشَّكلات الفي بينكُم.

٢ كُورِنْثُوس 10:7

إنتو تَعاينو لِلحاجَه القِدّامكُم. إذا واحِد يَتَّكِل عَلى نَفسو هو لِلمَسيح، خَليهو يَفتَكِر كَمان في نَفسو، نِحنا كَمان لِلمَسيح زي ما هو لِلمَسيح.