Vibraaniyyiin 9:14 - Kitaab al Vahd aj Jadid 1978

¹⁴ Wa valashaan da_l ḥagg, kam be_l aktar damm al Masiiḥ vamal leena! Huwa gaddam nafsu le Allaah be_r Ruuḥ al abadi biduun veeb. Wa dammu binaḍḍif ḍamaayirna min al avmaal al meyyita vashaan naxdim Allaah al ḥai.

Vibraaniyyiin 9:14 Referans Kwoze

Vibraaniyyiin 10:22

Valashaan kida, xalluuna nagarrib be galib amiin wa fi kullu ta’kiid al iimaan, wa guluubna marshuusha vashaan yanaḍḍifna min ḍamiir baṭṭaal wa ajsaamna maghsuuliin be mooya naḍiifa.

1 Buṭrus 1:19

laakin be damm kariim zei min ḥamal biduun veeb walla aiyi shi naagiṣ, hu damm al Masiiḥ.

1 Yuuḥanna 1:7

Wa laakin iza namshi fi_n nuur zei maa huwa fi_n nuur, vindana sharika bavḍana mava bavḍ. Wa damm Yasuuv Ibnu yanaḍḍifna min kullu xaṭiyya.

Vibraaniyyiin 9:12

Hu maa daxal be damm ghanam wa vujuul, laakin be damm nafsu marra waaḥda le Gudus al Agdaas, wa jaab leena fidaa abadi.

1 Buṭrus 2:24

Hu nafsu ḥamal xaṭaayaana fi jismu val_ṣ ṣaliib, vashaan niḥna namuut van al xaṭiyya wa naviish le_l birr. Wa be juruuḥu, hu shafaakum.

1 Buṭrus 3:18

Vashaan al Masiiḥ kamaan maat marra waaḥda fishaan al xaṭaaya, maat al baarr van al muznib vashaan yagarribna le Allaah. Kataloohu fi_j jism, laakin vamaloohu ḥai fi_r ruuḥ.

Vibraaniyyiin 7:27

Wa mush zei ru’asaa al gusus deel, huwa maa vindu iḥtiyaaj ’an yagaddim kullu yoom ḍabaayiḥ van xaṭaayaahu fi_l awwal, wa bavdeen van xaṭaaya an naas. Hu vamal da marra waaḥda lamma gaddam nafsu.

1 Buṭrus 4:2

Vashaan maa yaviish al wakit al baagi fi_j jisim le shahwaat an naas, laakin le iraadat Allaah.

Vibraaniyyiin 1:3

Wa_l Ibn huwa an nuur al binawwir bitaav majd Allaah, wa hu ṣuurat ṭabiivatu, wa shaayil kullu_l ḥaajaat be kilmat gudratu. Wa bavd maa hu vamal naḍaafa le_l xaṭaaya, hu gavad van yamiin Allaah al Vaẓiim fi_s sama.

Tiiṭus 2:14

Huwa adda nafsu fishaanna vashaan yafdiina min kullu zanb, wa yanaḍḍif le nafsu naas yakuunu mulku, wa vindahum ghiira le kullu_l avmaal al kwaisa.

Ru’ya 1:5

Wa min Yasuuv al Masiiḥ ash shaahid al amiin wa_l bikr min been al meyyitiin wa ra’iis muluuk al arḍ. Leehu_l biḥibbna wa addaana al ḥurriyya min xaṭaayaana be dammu.

Vibraaniyyiin 6:1

Valashaan kida, xalluuna nasiib at tavaaliim al fi_l bidaaya van al Masiiḥ, wa nitgaddam le_l kamaal. Wa maa naxuṭṭ marra taanya asaas at tooba min al avmaal al meyyita wa_l iimaan be Allaah,

Ruumiya 6:13

Wa maa taddu avḍaa jisimkum le_l xaṭiyya vashaan tavmilu_sh sharr, laakin addu nufuuskum le Allaah zei naas ḥaiyiin bavd maa kuntu meyyitiin. Wa addu avḍaa jisimkum vashaan tavmilu birr Allaah.

1 Yuuḥanna 3:5

Wa bitavrifu huwa ẓahar vashaan yashiil vanna xaṭaayaana, wa maa fiihu xaṭiyya.

Ruumiya 6:22

Laakin hassav bigiitu ḥurriin min al xaṭiyya, wa bigiitu xaddaamiin le Allaah. Wa vindakum faaida fi_l gadaasa, wa_n nihaaya, ḥayaat abadiyya.

Vibraaniyyiin 10:2

Wa iza da kaan mumkin, (?) maa kaanu wagafu yagaddimuuha? Wa valashaan al biyavbudu bigu nuḍaaf marra waaḥda, hum bavd da maa bikuunu vindahum ḍamiir van xaṭaaya.

Afasus 5:2

Wa viishu fi_l maḥabba, zei al Masiiḥ ḥabbaana wa adda nafsu vashaan xaaṭirna, tagdima wa ḍabiiḥa le Allaah zei riiḥa kwaisa.

Afasus 2:5

vamalna ḥaiyiin mava al Masiiḥ lamma kunna meyyitiin be_l xaṭaaya. Vashaan be_n nivma intu muxallaṣiin.

2 Kuurintuus 5:21

Al Masiiḥ maa vamal al xaṭiyya, laakin Allaah xaṭṭa xaṭaayaana valeehu. Wa valashaan kida niḥna nabga baarriin giddaam Allaah fi_l Masiiḥ.

Ruumiya 11:12

Laakin iza zanbum kaan ghina le_d dunya, wa xasaaratum ghina le_l umam, keef be_l aktar lamma yakuunu kaamiliin!

Luuga 1:74

’Innu yaxalliṣna min iideen vudwaanna vashaan naxdimu biduun xoof,

1 Buṭrus 2:22

Wa huwa maa vamal xaṭiyya, wa maa kaan mawjuud fi xashmu ghishsh.

1 Timutaawus 1:17

Wa le_l Malik al abadi, al maa bimuut, al maa nagdar nashuufu, al Ilaah al waḥiid, leehu_l iḥtiraam wa_l majd le_l abad. Aamiin.

Ghalaaṭiyya 2:19

Vashaan be_l gaanuun ana mutta le_l gaanuun, vashaan aviish le Allaah.

2 Kuurintuus 6:16

Wa_l ittifaag shinu been heekal Allaah wa_l aṣnaam? Vashaan niḥna heekal Allaah al ḥai, zei maa Allaah gaal, “Ana baskun fiihum wa amshi fi wasiṭum, wa bakuun leehum Ilaah, wa hum bikuunu leiya naas.

Ruumiya 11:24

Intu_l umam, zei farav min shajarat zeetuun al xala, kaan magṭuuv. Wa bavdeen, be_l vaks le_ṭ ṭabiiva, al farav kaan majmuuv le shajarat az zeetuun aṭ ṭaiba. Al Yahuud zei shajarat az zeetuun aṭ ṭaiba di. Wa kida keef saahil le Allaah yalimm al furuuv aṭ ṭabiiviyya le shajaratum al maxṣuuṣa.

Ruumiya 1:20

An naas maa bigdaru yaguulu hum maa vaarifiin van Allaah. Min xaliigat ad dunya an naas gidru yashuufu Allaah mitil shinu min al ḥaajaat al huwa xalaga. Da yawarri gudratu al bitistamirr le_l abad. Wa da yawarri hu Allaah.

Yuuḥanna 3:34

Wa_r rassalu Allaah, da huwa al yitkallam be kalaam Allaah. Vashaan Allaah maa biddi_r Ruuḥ be_l meezaan.

Luuga 4:18

“Ruuḥ Allaah valeiya, Valashaanu masaḥni fishaan abashshir al masaakiin. Wa rassalni vashaan anaadi le_l maḥbuusiin be_l ḥurriyya, wa le_l vamyaaniin vashaan yashuufu, wa be_l ḥurriyya le_l guluubum maksuura

Matta 20:28

Zei maa Ibn al insaan maa ja vashaan an naas yaxdimuuhu, laakin vashaan yaxdim an naas, wa vashaan yaddi nafsu fidaa le naas kutaar.”

Vibraaniyyiin 11:21

Be_l iimaan Yavkuub, lamma kaan bimuut, baarak kullu waaḥid min waladeen Yuusif. Wa huwa intakal vala raas vaṣaahu wa ṣalla.

Vibraaniyyiin 9:9

Wa da masal le_l wakit al ḥaaḍir, al biwarri ’innu_l hadaaya wa_d ḍabaayiḥ al hum gaddamooha maa gidiru yavmilu ḍamiir az zool al yaxdim kaamil.

Avmaal 14:15

“Yaa rujaal, bitsawwu da le shinu? Niḥna kamaan naas, vindana nafs aṭ ṭabiiva zeiyakum. Wa nabashshirkum vashaan tarjavu min al ḥaajaat al biduun faaida di le Allaah al ḥai, al xalag as sama wa_l arḍ wa_l baḥar wa kullu_l fiiha.

Avmaal 10:38

keef Allaah masaḥ Yasuuv al min an Naaṣira be_r Ruuḥ al Gudus wa_l guwwa. Wa huwa kaan bimshi fi kullu maḥall wa biyavmil al xeer, wa bishfi kulluhum al kaanu tiḥit sulṭat Ibliis. Vashaan Allaah kaan mavaahu.

Vibraaniyyiin 9:7

Laakin ra’iis al gusus bass kaan bidxul al maḥall at taani, marra waaḥda fi_s sana. Wa hu maa daxal biduun damm, al huwa gaddamu van nafsu wa van xaṭaaya an naas al vamalooha biduun mavrifa.

1 Timutaawus 3:15

Laakin iza it’axxarta, inta bitavrif keef an naas laazim yaviishu been ahl beet Allaah, al huwa kaniisat Allaah al ḥai, vamuud wa asaas al ḥagg.

1 Tasaluniiki 1:9

Valashaan hum nufuusum yaxabbiru keef gibiltuuna, wa keef rajavtu le Allaah min al aṣnaam vashaan taxdimu Allaah al ḥai al ḥagiigi.

Avmaal 1:2

lighaayat al yoom al axadoohu le_s sama. Wa gubbaal maa axadoohu le_s sama, hu amar be_r Ruuḥ al Gudus ar rusul al huwa ixtaarum.

Luuga 12:28

Wa iza kaan Allaah yalabbis kida al geshsh al fi_z ziraava an nahaar da, wa bukra birmuuhu fi_l furn, kam be_l aktar yalabbiskum, yaa galiiliin al iimaan.

Luuga 12:24

Fakkiru fi_ṭ ṭuyuur, al maa bizravu wa laa bijmavu_d dura, wa maa vindahum beet wa laa maxzan, wa Allaah biddiihum akil. Wa intu aḥsan min aṭ ṭuyuur be katiir!

Matta 12:28

Wa laakin iza ana be Ruuḥ Allaah baṭalliv ash sheyaaṭiin, da yavni malakuut Allaah ja leekum.

Matta 7:11

Kida iza intu al baṭṭaaliin tavrifu keef taddu awlaadkum hadaaya kwaisa, (?) kam yakuun Abuukum al fi_s sama aḥsan, al yaddi hadaaya katiira leekum al yas’aluuhu?

Ruumiya 1:4

Wa_r Ruuḥ al Gudus xabbar be guwwa ’innu Yasuuv al Masiiḥ huwa Ibn Allaah lamma gawwamu min been al meyyitiin.

Matta 16:16

Simvaan Buṭrus radda valeehu wa gaal, “Inta_l Masiiḥ, Ibn Allaah al Ḥai!”

Avmaal 15:9

Wa hu maa vamal farig beenana wa beenum, vashaan naḍḍaf guluubum be_l iimaan.

1 Kuurintuus 15:45

Kida kamaan maktuub, “Aadam al insaan al awwal biga nafs ḥaiya.” Wa Aadam al axiir biga ruuḥ biddi ḥayaat.

Vibraaniyyiin 3:12

Shuufu, yaa axwaan, vashaan maa bikuun fi aiyi waaḥid minnakum galib baṭṭaal wa biduun iimaan, al birajjiv van Allaah al ḥai.

Vibraaniyyiin 7:16

Wa huwa biga gassiis, mush vala asaas gaanuun wa amr jismi, laakin vala asaas guwwat ḥayaat maa vindaha nihaaya.

Vibraaniyyiin 9:26

Vashaan iza kida, al Masiiḥ kaan laazim yatvab marraat katiira min xaliigat ad dunya. Laakin hassav huwa ẓahar marra waaḥda fi nihaayat az zaman vashaan yawaggif al xaṭiyya be ḍabiiḥat nafsu.

Vibraaniyyiin 10:10

Wa be_l iraada di, niḥna bigiina magaddasiin be tagdimat jism Yasuuv al Masiiḥ marra waaḥda.

Vibraaniyyiin 10:12

Laakin al gassiis da, bavd maa gaddam van al xaṭaaya ḍabiiḥa waaḥda le_l abad, hu gannab van yamiin Allaah.

Vibraaniyyiin 13:12

Wa valashaan kida, Yasuuv kamaan itwajjav barra min baab al madiina, vashaan yagaddis an naas be dammu.