Ruumiya 12:1 - Kitaab al Vahd aj Jadid 1978

¹ Valashaan kida, aṭlub leekum, yaa axwaan, be maraaḥim Allaah, tagaddimu ajsaamkum ḍabiiḥa ḥaiya, magaddasa, magbuula giddaam Allaah. Wa di xidmatkum al mavguula.

Ruumiya 12:1 Referans Kwoze

1 Buṭrus 2:5

W_intu kamaan mitil ḥujaar ḥaiya, tinbanu beet ruuḥi wa gusus magaddasiin, vashaan tagaddimu ḍabaayiḥ ruuḥiyya magbuula vind Allaah be Yasuuv al Masiiḥ.

Ruumiya 6:13

Wa maa taddu avḍaa jisimkum le_l xaṭiyya vashaan tavmilu_sh sharr, laakin addu nufuuskum le Allaah zei naas ḥaiyiin bavd maa kuntu meyyitiin. Wa addu avḍaa jisimkum vashaan tavmilu birr Allaah.

Ruumiya 6:19

Batkallam be kilmaat az zool, valashaan, aḍ ḍuvf al fi jisimkum. Kuntu taddu avḍaakum xaddaamiin le_n najaasa wa_sh sharr al katiir. Kida kamaan hassav addu avḍaakum xaddaamiin le_l birr wa le_l gadaasa.

Ruumiya 12:2

Wa maa takuunu zei az zaman da, laakin itghayyaru min juwwa be afkaar jadiida. Fishaan tamtaḥinu iraadat Allaah, iraadatu al kwaisa, wa_l magbuula, wa_l kaamla.

Afasus 4:1

Valashaan kida, ana, al maḥbuus fi_r Rabb, baṭlub leekum taviishu zei maa yistaḥigg al ixtiyaar al huwa ixtaarkum leehu.

Ruumiya 6:16

(?) Maa bitavrifu lamma taddu nufuuskum zei xaddaamiin vashaan taṭiivu waaḥid, intu be_l ḥagg xaddaamiin leehu at taṭiivuuhu? yaa le_l xaṭiyya al bitsuug le_l moot walla le_ṭ ṭaava al bitsuug le_l birr.

2 Kuurintuus 4:16

Valashaan kida maa naguul maa fih faaida. Laakin iza kaan jisimna yabga ḍaviif, nafsana al fih juwwa bitabga jadiida yoom be yoom.

1 Tasaluniiki 4:1

Fi_l aaxir, yaa axwaan, itvallamtu minnana keef intu laazim taviishu wa tabsiṭu Allaah. Wa zei maa kuntu taviishu kida, hassav naṭlub leekum wa nashaddidkum fi_r Rabb Yasuuv tavmilu ziyaada wa ziyaada.

2 Kuurintuus 5:20

Valashaan kida niḥna sufaraa al Masiiḥ zei maa Allaah yaṭlub beena, niḥna naṭlub minnakum fishaan al Masiiḥ, avmilu salaam mava Allaah.

Afasus 5:10

Jarribu ’an tavrifu_l ḥaaja at tabsiṭ ar Rabb.

Fiilibbi 2:17

Wa iza yakubbuuni zei tagdiim vala ḍabiiḥat iimaankum wa xidmatu, ana mabsuuṭ wa afraḥ mava kullukum.

1 Kuurintuus 1:10

Laakinni aṭlub leekum, yaa axwaan, b_ism Rabbana Yasuuv al Masiiḥ, kullukum taguulu kalaam waaḥid. Wa maa yakuunu beenkum agsaam, laakin taftakiru fikir waaḥid be vagl waaḥid.

Ruumiya 2:4

(?) Walla tashtim ghina luṭfu wa iḥtimaalu wa ṣabru_ṭ ṭawiil? Wa maa bitavrif Allaah yawarri luṭfu vashaan yaguudak le_t tooba?

1 Buṭrus 2:20

Laakin keef bikuun ḥamd leekum iza yaḍrubuukum w_intu vaamiliin ash sharr, wa taṣburu? Wa laakin iza titwajjavu w_intu vaamiliin al xeer, wa taṣburu, da magbuul giddaam Allaah.

Fiilibbi 4:18

Gibilta kullu shi, wa ana fi raaḥa. Ana bigiit malyaan min wakt axadta min Abafruuditus hadaayaakum al intu rassaltuuha. Hiya hadiiya riiḥata ṭaiba, wa ḍabiiḥa magbuula, al yabsiṭ Allaah.

2 Kuurintuus 6:1

Wa niḥna nashtaghil mavaahu, wa naṭlub minnakum ’an maa tagbalu nivmat Allaah biduun faaida.

Ruumiya 15:30

Aṭlub leekum, yaa axwaan, be Rabbana Yasuuv al Masiiḥ wa be maḥabbat ar Ruuḥ, ’an tatvabu mavaai fi_ṣ ṣalawaat le Allaah fishaanni.

Ruumiya 15:16

Wa vashaan akuun xaddaam le_l Masiiḥ Yasuuv fishaan al umam. Wa abashshir xidmat al injiil zei gassiis, valashaan al umam tabga hadiyya magbuula, magaddasa be_r Ruuḥ al Gudus.

Fiilibbi 1:20

Antaẓir wa vindi rajaa ’inni maa bakuun xajlaan abadan, wa laakin bikuun vindi shujaava ḥatta al Masiiḥ bikuun muḥtaram fi jismi hassav, zei fi kullu wakit, iza be_l ḥayaat walla be_l moot.

1 Timutaawus 2:3

Vashaan da kwaiyis wa magbuul giddaam Allaah Muxalliṣna.

1 Tasaluniiki 5:12

Laakin naṭlub leekum, yaa axwaan, ’an tavrifu_l yatvabu beenkum, wa yaguuduukum fi_r Rabb, wa yaḥazziruukum.

Luuga 7:47

Wa vala kida, aguul leek, itghafarat leeha xaṭaayaaha_l katiira, vashaan ḥabbat katiir. Wa_l yitghafar leehu galiil, yaḥibb galiil.”

Vibraaniyyiin 13:22

Bas’alkum, yaa axwaan, titḥammalu kilmat ash shujaava, valashaan katabta leekum jawaab ṣaghaiyir.

1 Timutaawus 5:4

Laakin iza armala vindaha awlaad walla awlaad awlaada, xalliihum yitvallamu fi_l awwal ’an yaḥtarimu ahl beetum wa yarajjivu xeer waalideehum leehum. Valashaan da magbuul giddaam Allaah.

1 Tasaluniiki 4:10

Intu bitavmilu kida kamaan le kull al axwaan al fi kullu Makiduuniyya. Wa aṭlub leekum, yaa axwaan, taziidu fi da aktar wa aktar.

Ruumiya 9:23

Wa vamal da valashaan yawarri ghina majdu vala buraam raḥma jahhaza min gubbaal le_l majd,

2 Kuurintuus 4:1

Wa valashaan Allaah addaana_l xidma di be raḥmatu, maa naguul maa fih faaida.

2 Kuurintuus 10:1

Wa baṭlub leekum be wadaavat al Masiiḥ wa ṣabru, ana nafsi, Buulus, al baxuṭṭ nafsi tiḥit lamma akuun mavaakum laakin vindi shujaava lamma akuun baviid.

Filimuun 1:9

Laakin fishaan al maḥabba, baṭlub be_l aktar, ana, Buulus ash sheex wa hassav maḥbuus al Masiiḥ kamaan.

Filimuun 1:10

Aṭlub leek fishaan waladi Unisiimus al waladtu fi_j janaaziir.