1 Kuurintuus 2:6 - Kitaab al Vahd aj Jadid 1978

⁶ Laakin nitkallam be ḥikma been al kaamiliin, wa_l ḥikma di maa min az zaman da, walla min mudiiriin az zaman da, al bikuunu biduun faaida.

1 Kuurintuus 2:6 Referans Kwoze

Vibraaniyyiin 5:14

Laakin al akil al gawwi huwa leehum al bigu kaamiliin wa daaiman istavmalu vaglum vashaan yaḥkumu been al kwaiyis wa_l baṭṭaal.

Yavkuub 3:15

Al ḥikma di maa bitanzil min foog, laakin hiya arḍiyya, jismiyya, sheeṭaaniyya.

2 Kuurintuus 4:4

Wa ilaah az zaman da vamal afkaar al maa mi’aaminiin vamyaaniin, valashaan maa bigdaru yashuufu nuur injiil majd al Masiiḥ al huwa ṣuurat Allaah.

1 Buṭrus 5:10

Wa Ilaah kullu nivma naadaakum le majdu_l abadi fi_l Masiiḥ. Wa bavd maa itwajjavtu wakit galiil, huwa nafsu bikammilkum wa bisabbitkum, wa bishaddidkum wa biyavmilkum umana.

1 Kuurintuus 2:8

Wa laa waaḥid min mudiiriin az zaman da fihim di. Iza kaanu fihmooha, maa kaanu ṣalabu Rabb al Majd.

1 Kuurintuus 1:28

Wa Allaah ixtaar al mitwaaḍiviin wa_l muḥtagariin fi_d dunya, wa_l ḥaajaat al maa mawjuuda, vashaan yawaggif al ḥaajaat al mawjuuda.

Kuuluussi 4:12

Wa Abafraas yasallim valeekum, wa huwa minnakum, wa xaddaam Yasuuv al Masiiḥ. Huwa daaiman biṣalli be kullu guwwatu fishaankum, valashaan tasbutu kaamiliin wa be ta’kiid tamaam fi kullu iraadat Allaah.

Afasus 2:2

Wa intu masheetu fiiha min gubbaal, ḥasab ṭurug ad dunya di, ḥasab ra’iis sulṭat al hawa, ar ruuḥ al bishtaghil hassav fi_n naas al maa biṭiivu.

Matta 5:48

Valashaan kida, kuunu kaamiliin zei maa Abuukum al fi_s sama hu kaamil.

2 Kuurintuus 1:12

Vashaan da faxrana: ḍamiirna yash‐had leena, niḥna masheena fi_d dunya fi_l gadaasa wa_l ixlaaṣ al min Allaah wa xuṣuuṣan min jihatkum. Wa maa vamalna kida be ḥikmat al insaan, laakin be nivmat Allaah.

Yavkuub 3:2

Vashaan kulluna nagav fi ḥaajaat katiira. Wa iza kaan waaḥid maa leehu ghalṭa fi_l kalaam, huwa raajil kaamil, wa yagdar yaghlib vala kullu_j jisim kamaan.

2 Kuurintuus 13:11

Wa fi_l axiir, yaa axwaan, kuunu mabsuuṭiin. Kuunu kaamiliin, kuunu shujaavaan, fakkiru fikra waaḥda, viishu fi_s salaam. Wa Ilaah al maḥabba wa_s salaam yakuun mavaakum.

1 Kuurintuus 14:20

Yaa axwaan, maa takuunu awlaad fi afkaarkum. Kuunu awlaad ṣughaar fi_sh sharr, laakin fi afkaarkum kuunu kaamiliin.

1 Kuurintuus 2:13

Wa nitkallam beeha kamaan, mush be kilmaat itvallamna min ḥikmat az zool, laakin be_l kilmaat ar Ruuḥ al Gudus yavallim. Wa natarjim al ḥaajaat al min ar ruuḥ be_l kilmaat al min ar ruuḥ.

1 Kuurintuus 2:1

Wa ana, lamma jiit leekum, yaa axwaan, maa jiit abashshir be shahaadat Allaah be kalaam vaali walla ḥikma vaẓiima.

Luuga 16:8

Wa_s saiyid ḥamad al wakiil aẓ ẓaalim vashaan vamal be_l vagl. Vashaan awlaad ad dunya fi waktum, shaaṭriin min awlaad an nuur.

Matta 19:21

Wa Yasuuv gaal leehu, “Iza kaan vaawiz takuun tamaam, amshi, wa biiv maalak, w_addi_l guruush minnu le_l masaakiin, wa bikuun vindak kanz fi_s sama. Wa tavaal atbavni.”

Matta 13:22

Wa_l kaan mazruuv fi wasṭ ash shook, da huwa al bismav al kilma, wa laakin mashghuuliyyat ad dunya wa maḥabbat al maal takuun katiira ḥatta yamnavu_l kilma, wa takuun biduun tamar.

1 Kuurintuus 3:1

Wa ana, yaa axwaan, maa gidirta akallimkum zei naas ruuḥiyyiin, laakin zei naas jismiyyiin, zei aṭfaal ṣughaar fi_l Masiiḥ.

1 Kuurintuus 12:8

Valashaan Allaah yaddi kalaam ḥikma be_r Ruuḥ le waaḥid, wa kalaam mavrifa le taani be ḥasab nafs ar Ruuḥ.

2 Kuurintuus 4:3

Wa iza injiilna maghaṭṭa, hu maghaṭta le_l bihliku.

Kuuluussi 1:28

Wa niḥna nabashshir beehu, wa naḥazzir kullu zool wa navallim kullu zool be kullu ḥikma. Wa nasawwi da valashaan nagaddim kullu zool kaamil fi_l Masiiḥ.

Vibraaniyyiin 6:1

Valashaan kida, xalluuna nasiib at tavaaliim al fi_l bidaaya van al Masiiḥ, wa nitgaddam le_l kamaal. Wa maa naxuṭṭ marra taanya asaas at tooba min al avmaal al meyyita wa_l iimaan be Allaah,