Taetas 3:4 - Tataroha Diana

⁴ Taꞌe maꞌalana e urine, na a God a Haꞌa-uuritaka e saediana mola hunikie, na e haataꞌinie manata-diananga ingeie hunikie

Taetas 3:4 Referans Kwoze

1 Timoti 4:10

Aana kolu esu aꞌailaꞌa mola aana kolu tohungei hiiwalaimoli oto aana God Mau-meuriꞌe, nge e sai haꞌa-uurie taꞌena nga iinoni, na kei haꞌa-uurikie mo iini kie hiiwalaimoli aana.

Hibru 9:26

Mala uri a Kraes ke lae peꞌi deu urine suli maholo, haꞌalaa a Kraes ko talei sasapesalu mola hunge-hungaꞌa uure oto aana maholo a God e haꞌaholaa walumalau, lae mai hule siꞌiri. !Taꞌe haꞌike! E lae mai hule aaka mo iinoni hautaꞌai mola aana mo dinge ooreta ienini huni haꞌamangoa oorahaꞌaa aana e niie maurihaꞌana mala nga uunu-olanga i saana God.

Uusu-uusu A Pol Hurula'aa Hunie Mo Rom 2:4

A God e tohungei saediana huniꞌomu, na e kaꞌa sai saewasu lau-leu ike, taꞌe ko tohungei toli rako mola peꞌiꞌomu. !Taꞌe iꞌomu, omu ko neꞌi-neꞌisae mwakataꞌinie mola tolahana! ?Aana e ue? ?Uri omu kaꞌa lio-lio saie ike uri a God e tohungei diana huniꞌomu urine, aena aana ko niie nga kele maholo huniꞌomu hunie uri omu ke oonisae mwaanie mo tolahai ola aaela iꞌomu?

Taetas 1:3

Oto aana tohungana maholo hunie, a God a Haꞌa-uuritaka e haataꞌinie Tataroha Diana, na e unue hunieu hunie ne ke tarohaꞌinie Tataroha Diana ngeena hunie ahutana mwala.

2 Timoti 1:10

Oto maholo ie, a Jisas Kraes e hule oto huni haataꞌinie aamasinge a God hunikie. A Haꞌa-uuritaka, a Jisas Kraes e haꞌamangoa oto maenga, na e haataꞌinie oto Tataroha Diana hunikie, nge ko haꞌasinelie saeka, na ko haataꞌinie tala huni toꞌo aana maurihe nge e saꞌa heꞌi mango loꞌu.

1 Timoti 2:3

Aana aarengaꞌinge urine ni e toꞌohie saena a God a Haꞌa-uuritaka.

1 Timoti 1:1

Saediananga mwaanieu a Pol, iini nge a God a Haꞌa-uuritaka na a Kraes Jisas kire mani unue ne ke neꞌi hurulaꞌaa nana a Kraes Jisas nge kie ko maaꞌoohi susutoꞌo hunie peꞌi hiiwalaimolinge aana.

Tataroha Diana I Sulie A Jisas Kraes Nge A Luk E Uusue 1:47

Na maurihaꞌaku ko ilenimwaꞌe aana God, a Haꞌa-uurileku,

1 Pita 2:3

Omu ke lulu i sulie haꞌa-uusulinge ingeie urine aana omu lio oodoie oto tolahana a Aalaha, na omu saie oto uri e diana oto liutaa.