Taetas 3:15 - Tataroha Diana

¹⁵ Ahutana mo iini mei leu peꞌieu kire ko sare niie saediananga ikire huniꞌo. Oto iꞌoe, o ke niie saediananga iꞌemeelu noꞌone hunie kira hiiwalaimoli wau i leune. No ko aarea God hunie hahuꞌana manata-diananga ingeie ke iiꞌo peꞌiꞌomu.

Taetas 3:15 Referans Kwoze

Hibru 13:25

No ko aarea God uri hahuꞌana manata-diananga ingeie ke iiꞌo peꞌie ahutemiu mango.

1 Timoti 1:5

Aena aana nga taa no ko sare haꞌa-uusulire aana ngeena, nge mola hunie kire ke mana-manata diana hunire hailiu aani sae manola, na aani manatanga rereꞌa, na aani hiiwalaimolinge toꞌohuu.

Kolosi 4:18

Ineu a Pol ni no ko niie saediananga ienini huniꞌomu, na no ko uusue oto mo wala ooreta ienini maraaku. Omu ke aamasitoꞌo aaku aana ineu i nume ni hoꞌo. No ko eitanaie a God hunie hahuꞌana manata-diananga ingeie ke iiꞌo peꞌiꞌomu.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

3 Jon 1:1

Saediananga mwaanieu Rato ni mwane aana soihaadaꞌinge, huniꞌo Kaeas. Nou tohungei manata diana huniꞌo, malahuku diana ineu,

Pilimon 1:5

No ko aama-aamasitoꞌo aamu sulie no ko rorongoa uri o ko tohungei manata diana liutaa hunie ahutana mwala a God, na hiiwalaimolinge iꞌoe e susu i lalo aana Jisas Aalaha ikie.

2 Timoti 4:22

No ko eitanaie Aalaha ikie ke iiꞌo i laona manatamu, na hahuꞌana manata-diananga ingeie ke iiꞌo peꞌiꞌo.

1 Timoti 1:2

No ko uusue oto ie huniꞌo kaleku Timoti, aana iꞌoe oto mwela maaꞌi ineu aani hiiwalaimolinge. No ko eitanaie a God Aamaka na Aalaha ikie a Kraes Jisas, uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

1 Korinit 16:23

na uri hahuꞌana manata-diananga ingeie ke iiꞌo peꞌiꞌomu.

Matiu 5:47

Na mala uri mo malahumiu haꞌalaa omu ko ere takoire, e kaꞌa aaopa ike noꞌone mwaanie iinoni aaopa. I leune hule aana mo puꞌo na kire sai teꞌurine noꞌone mola.

Palonga 20:34

Na omu saie oto maraamiu uri e ro nimeku nge e raretaꞌinieu huni terie taꞌena nga mei ola nge nou saetoꞌo aana, na hule aana nou raretaꞌinie noꞌone mo iini kire iiꞌo peꞌieu.