Taetas 2:7 - Tataroha Diana

⁷ Na iꞌoe, Taetas, o ke haataꞌinie noꞌone mei meu-meuringe diana aani esuilana mo ola diana hunie kire ke haimaaniꞌo. Mwaanie o eero-eero aana maholo o ko haꞌa-uusuli, taꞌe o ke haꞌa-uusuli peꞌie saenanaunge hunie mwala ke haꞌamaꞌu noꞌone aamu.

Taetas 2:7 Referans Kwoze

1 Pita 5:3

Na mwaanie omu haꞌapainaꞌaꞌomu maraamiu mala mo aalaha. Urine e kaꞌa kohi ike, taꞌe e diana oto liutaa uri omu ke haataꞌinie nga tala diana hunire aana iiꞌonga diana iꞌomu, hunie kire ke sai lae i suliꞌomu mala mo sipu e sai lae i sulie kakali sipu nge ko lio i sulire.

1 Timoti 4:12

O ke suꞌuri toliꞌaasie nga iini hunie ke loꞌongaꞌinie uri walamu e kaꞌa hiꞌe ike aana o saanau mola. Taꞌe o ke iiꞌo diana oto liutaa hunie kira hiiwalaimoli ke leesie walamu, na asunge iꞌoe, na manata-diananga iꞌoe, na hiiwalaimolinge iꞌoe, na iiꞌonga rereꞌa iꞌoe, hunie kire ke haimaaniꞌo.

Pilipae 1:10

No ko eitanaie a God urine hunie omu ke lio hilisie tohungei tala diana. Urine nge omu ke si iiꞌo rereꞌa na oodotaꞌi hule aana hai dinge nge a Kraes kei ooli loꞌu mei.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

2 Tesalonaeka 3:9

Maholo melu ko lae peꞌi esu urine, e kaꞌa ike i sulie uri melu kaꞌa toꞌo aana nga nanamanga huni da peꞌinge mwaaniꞌomu. !Haꞌike! Taꞌe melu sare haataꞌinie mola aamiu uri tohungei tala diana hunie uri omu ke lae i sulie ni otona.

Epesas 6:24

Na no ko eitanaie a God noꞌone uri ke haataꞌinie hahuꞌana manata-diananga ingeie huniꞌomu, mo iini nge manata-diananga iꞌomu hunie Aalaha ikie a Jisas Kraes e kaꞌa sai mou-mou ike aana taꞌena nga maholo.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

2 Korinit 8:8

Maholo no ko ere urine, nou kaꞌa neꞌie ike nga haꞌatolanga huniꞌomu. Taꞌe no ko ere urine mola aana nou leesie uri ngaeta mo soihaadaꞌinge kire ko tohungei mwaꞌe-mwaꞌe huni peꞌi-peꞌi, na mala uri omu ke peꞌi-peꞌi noꞌone urine, nge e haataꞌinie uri manata-diananga iꞌomu nga ola toꞌohuu taane.

1 Timoti 5:10

Mo nao keni urine kire ke neꞌie oto mo iini nge ahutana mwala kire lio saie uri kire ko esuie mo ola diana tarau. ?Uri e haꞌasai diana taane aana mo mwela ingeie? ?Uri e totola konie taane mo awataa? ?Uri e rararetaꞌinie taane kira hiiwalaimoli peꞌi haꞌamwai-mweiꞌanga? ?Uri e peꞌi-peꞌie taane kira siꞌohaꞌa? ?Uri e oꞌoꞌo aakau taane huni peꞌie taꞌena nga iinoni? Mo nao keni repo nge tolahada e diana urine o ke si uusue satada hunie soihaadaꞌinge ke lio i sulire.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.