Taetas 2:15 - Tataroha Diana

¹⁵ O ke haꞌa-uusulire tarau i sulie walu ola nge no ko unuꞌi huniꞌo ienini. O ke ere haꞌasusure, na o ke haꞌa-oodohie mo iini kire ko lae takalo mwaanie tala diana ngeena. O toꞌo aana oto nanamanga huni deu urine, oto o ke suꞌuri toliꞌaasie nga mo iini kire ke loꞌongaꞌi mwakataꞌiniꞌo.

Taetas 2:15 Referans Kwoze

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

Taetas 1:13

Na aena leune e toꞌohuu oto, o ke tohungei ere hiitoꞌo hunire hunie ikire noꞌone kire ke hiiwalaimoli toꞌohuu.

1 Timoti 5:20

Taꞌe mala uri nga naꞌohai mwane ko lae peꞌi oorahaꞌaala, nge o ke ere aana huni haꞌa-oodohie, na o ke asuie oto urine i naꞌona pulitaa aana soihaadaꞌinge hunie ke neꞌi haꞌapasunge hunie ahutana mo iinoni loꞌu aana ruruhaa.

Matiu 7:29

aana haꞌa-uusulinge ingeie e kaꞌa urihana ike mo haꞌa-uusuli aana mo Haꞌatolanga a Mosis, aana e haꞌa-uusuli aana nanamanga.

Tataroha Diana I Sulie A Jisas Kraes Nge A Mak E Uusue 1:22

Na ahutana mwala ko meni pangataꞌinie haꞌa-uusulinge ingeie, aana haꞌa-uusulinge ingeie e kaꞌa urihana ike mo haꞌa-uusuli aana mo Haꞌatolanga a Mosis, aana ko haꞌa-uusuli aana nanamanga.

Tataroha Diana I Sulie A Jisas Kraes Nge A Luk E Uusue 4:36

Ahutana mwala ko si meni pangataꞌi na kire ko ere hailiu oto i matolada uuri, “?Nga mei haꞌa-uusulinge uri taa ni ienini? Aana a mwane ie e toꞌo aana nanamanga huni ere aana mo liꞌoa aaela peꞌie mei wala e saka, oto kire iisitaa oto.”

Tataroha Diana I Sulie A Jisas Kraes Nge A Mak E Uusue 1:27

Na ahutana mwala ko meni pangataꞌi, na kire ko dolosi heiliu oto i matolada uuri, “?Haꞌa-uusulinge haalu uri taa ni ie? Mwane ngeena ko ere aana nanamanga. E ere hunie mo liꞌoa aaela, oto kire tola oto i sulie.”

1 Korinit 16:11

Nga iini eemiu ke suꞌuri mwaka aana, taꞌe omu ke peꞌi diana aana mola. A Timoti ko lae-lae noꞌone peꞌie ngaeta mo iini kire hiiwalaimoli aana a Jisas, na no ko tohungei maaꞌoohire uri kire ke hule mai seeku. Oto saeku uri omu ke peꞌie laenga ikire ngeena hunie kire ke aalihoꞌi mei seeku.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.