Taetas 2:13 - Tataroha Diana

¹³ Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

Taetas 2:13 Referans Kwoze

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

1 Korinit 1:7

hule aana soihaadaꞌinge iꞌomu e toꞌo aana oto taꞌena nga niinge aana Liꞌoa Maaꞌi. Oto omu saꞌa tola talea ike nga mei ola aana maholo nge omu ko maaꞌoohi peꞌi heri-huninge loosie Aalaha ikie a Jisas Kraes kei ooli loꞌu mei.

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Taetas 1:2

Aena leune kire ko maa-maaꞌoohie peꞌi norutoꞌonga toꞌohuu hunie maurihe huu nge a God e haiholotaꞌinie hunikie oto waite. Na haiholotaꞌinge ngeena e toꞌohuu oto, aana a God e kaꞌa sai eero ike.

Tataroha Diana I Sulie A Jisas Kraes Nge A Mak E Uusue 14:62

Oto a Jisas ko aalamie uuri, “Ineu kaꞌu otona. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Hibru 9:28

Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.

2 Pita 3:18

Taꞌe omu ke pai-peine taraꞌasi mola i lalo aana manata-diananga na sai-olanga hunie Aalaha ikie na a Haꞌa-uuritaka, a Jisas Kraes. Nge manikuluꞌanga ingeie e saꞌa mango oto ooꞌoo. Ke urine oto.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

Uusu-uusu A Pol Hurula'aa Hunie Mo Rom 15:13

A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.

Uusu-uusu A Pol Hurula'aa Hunie Mo Rom 5:5

Na norutoꞌonga ikie ngeena e saꞌa da ike hunie kie ke talei maa-maaꞌoohi mola mwaakule. Aana a God e haataꞌinie oto manata-diananga ingeie hunikie aana e uusungeꞌinie mai Liꞌoa Maaꞌi hunikie.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

1 Pita 1:7

Walu ola urine, mo ola mola huni leesie uri hiiwalaimolinge iꞌomu e toꞌohuu taane. Hiiwalaimolinge iꞌomu ngeena e kele urihana kol nge holitana e paine. Aana kire sai esu oto hiitoꞌo aana kol lae hule aana kire sai neꞌie i laona dunge paine hunie ke aahe, hunie kire ke toolea tohungei kol nge e manola, na nga mei mada haꞌike loꞌu peꞌie. Mo aasanga ko deu urine noꞌone aana hiiwalaimolinge iꞌomu ngeena, taꞌe hiiwalaimolinge iꞌomu e tohungei hiꞌe loꞌu liutaa aana kol ngeena nge hule aana kei eiꞌaa mola. Oto mala uri hiiwalaimolinge iꞌomu ke susu maꞌalana mo aasanga uri taa ko hite aamiu, nge mwala kei tohungei haꞌapainaꞌaꞌomu na kire kei soi haꞌamanikuluꞌaꞌomu na kire kei laheꞌomu oto hiitoꞌo aana maholo a Jisas Kraes kei ooli loꞌu mei.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

2 Timoti 4:1

Maholo a Jisas Kraes kei ooli loꞌu mei mala inemauri, nge ke si leie ahutana mo iinoni, mo iini e mauri ue na mo iini e mae oto. Oto no ko unu tahangaꞌinie oto huniꞌo i maana a God na a Jisas Kraes

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

Palonga 24:15

Na nou norutoꞌo noꞌone aana God mala mo rato ni mwane ngeena, uri ahutana iinoni, maꞌalana mo iinoni diana wa mo iini aaela, kire kei meni taꞌelaꞌi mwaanie maenga.

Tataroha Diana I Sulie A Jisas Kraes Nge A Mak E Uusue 8:38

Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”

Haataꞌinge 1:7

!Lio kaꞌu! Ko lae oto mai taꞌaune peꞌie mei uuru, na taꞌena nga maa kei leesie, hule aana oto noꞌone mo iini nge kire otomie. Na ahutana mwala mai aano kei ngara maholo kire kei leesie. Iau, ke urine oto.

Taetas 3:4

Taꞌe maꞌalana e urine, na a God a Haꞌa-uuritaka e saediana mola hunikie, na e haataꞌinie manata-diananga ingeie hunikie

Kolosi 3:4

Tohungana maurihe iꞌomu oto a Kraes, na maholo a Kraes kei haataꞌi aana manikuluhaꞌana maholo kei ooli loꞌu mei, nge iꞌomu noꞌone omu ke si haataꞌi tararuru peꞌie.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

1 Jon 4:14

Na melu leesie oto a Jisas aana maameelu, na melu ko haꞌarongoa oto walumalau uri a God e uusungeꞌinie mai a Kalena hunie ke neꞌie a Haꞌa-uuri hunie ahutana mwala aana walumalau.

Kolosi 1:5

Omu ko deu diana oto urine, aana omu ko maaꞌoohi susutoꞌo mola hunie ilenimwaꞌenga nge a God e neꞌi diana aana oto loosiꞌomu taꞌau i Lengi ngeena. Haiholotaꞌinge a God huniꞌomu ngeena, omu holaꞌi rongoa oto mo wala toꞌohuu i sulie maholo omu aehota ni rongo i sulie Tataroha Diana a Jisas.

Matiu 26:64

Oto a Jisas ko aalamie uuri, “Nge kaꞌu oto o ko unuena. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Matiu 25:31

Oto a Jisas ko heꞌi unue loꞌu uuri, “Ineu, a Kale Ni Iinoni, ne kei ooli loꞌu mei peꞌie manikuluhaꞌaku na ahutana mo ensel ineu noꞌone peꞌieu, na ne kei iiꞌo i lengine naunekume ineu e manikuluꞌe.

2 Tesalonaeka 2:16

Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.

2 Tesalonaeka 2:8

Oto aana maholona, mwane tataꞌala ngeena ke si haataꞌi peꞌie nanamanga a Satan, na kei lae peꞌi esuie mo huꞌi-huꞌite eero-eero hei aaopaꞌi hunie uri mwala ke pangataꞌinie. Kei lae peꞌi esuie noꞌone taꞌena nga pwelonga oto mola huni eeroa mwala. Walaimolinge e sai haꞌa-uurire taane, taꞌe aana kire kaꞌa sare manata diana ike hunie walaimolinge, nge a God kei toliꞌaasie hunie kire ke hiiwalaimoli aana mo wala ni pwelonga ngeena. Na aena aana kire kaꞌa hiiwalaimoli ike aana mo wala toꞌohuu, na kire ko ilenimwaꞌe mola haahie mo ola aaela aana oorahaꞌaanga, nge a God kei lei mae aada. Taꞌe mwaanie omu totolahiꞌe, aana Aalaha ikie a Jisas Kraes, ke si lae mai i purine mwane tataꞌala ngeena. Aalaha ikie kei ooli mei peꞌie manikuluhaꞌana na kei horo aasie mola mwane tataꞌala ngeena, aana kei uuhi maesie mola aana kele mei iiru mwaanie ngidune.

Kolosi 1:27

E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.

Uusu-uusu A Pol Hurula'aa Hunie Mo Rom 8:18

Nou sai diana aana uri walu ola nge kie ko sapesalu eeni aana maholo ienini, walu ola mwaakule mola ni ngeena, aana kie ko loꞌongaꞌinie tohungei mei menikuluꞌanga nge a God e loohaꞌinie naka.

1 Timoti 1:1

Saediananga mwaanieu a Pol, iini nge a God a Haꞌa-uuritaka na a Kraes Jisas kire mani unue ne ke neꞌi hurulaꞌaa nana a Kraes Jisas nge kie ko maaꞌoohi susutoꞌo hunie peꞌi hiiwalaimolinge aana.

2 Timoti 1:2

Na no ko uusu-uusu oto ie huniꞌo kaleku Timoti, aana iꞌoe oto mwela maaꞌi ineu. No ko eitanaie a God Aamaka na a Kraes Jisas Aalaha ikie uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

Taetas 1:4

Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.

Jiud 1:21

Omu ke tola i sulie a God hunie omu ke iiꞌo susu i lalo aana manata-diananga ingeie aana omu ko maaꞌoohie aamasinge Aalaha ikie a Jisas Kraes huni tooleꞌomu takoie maurihe huu.