Uusu-uusu A Pol Hurula'aa Hunie Mo Rom 8:36 - Tataroha Diana

³⁶ Mwala kei waelikie taane urine, aana nga iini e ere takoie a God i laona mo Uusu-uusu Maaꞌi uuri, Mwala ko sare horoꞌiꞌemi mola i suli hei dinge i tehulaꞌamu, na kire ko loꞌo-loꞌongaꞌiniꞌemi mola mala mo sipu huni hunu maesiꞌi. Sam 44:22

Uusu-uusu A Pol Hurula'aa Hunie Mo Rom 8:36 Referans Kwoze

1 Korinit 15:30

?Na mala uri mo iini kire mae oto saꞌa taꞌelaꞌi ike loꞌu, oto e ue kaꞌu melu ko si iiꞌo ni deu-aakaunge oto mola tarau loosie mo ola nge kire sai horoꞌiꞌemeelu?

1 Korinit 4:9

Taꞌe mere kaꞌa aalaha ike ue. Iꞌemeelu mo hurulaꞌaa, e lio mala a God e tohungei haꞌamwai-mweiꞌaꞌemeelu. E lio mala e toliꞌaasie ahutana mo iini meuri, mai aano na taꞌau i Lengi, hunie kire ke haꞌamwasi aameelu. Kire ko tohungei ere aaelasiꞌemeelu mola. E urihana ikire oto mo iini nge kire ko lai maa ni ola aana maholo kire ko horoꞌie mo iini nge leilada e lae oto hunie maenga.

Palonga 8:32

Na mei wala i laona Uusu-uusu Maaꞌi nge poro paine ko saaie e teꞌuri, Mwane nge kire naꞌona ngeena, e urihana sipu kire ko sare horoꞌie. E urihana kalei sipu nge e kaꞌa sai ngara ike maholo kire ko palaa iihune, aana e kaꞌa unue ike nga mei wala.

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Tataroha Diana I Sulie A Jisas Kraes Nge A Jon E Uusue 16:2

Aana kire kei ooheꞌomu mwaanie mo nume ni palo-palo mo Jiu, na aana maholoi sato ko lae maine, kire kei waeliꞌomu hiitoꞌo hule aana iini ko horoꞌiꞌomu kei loꞌongaꞌinie uri ko deu i sulie saena God.

1 Korinit 15:31

Maeni eesiku, ineu nou iiꞌo ni maenga oto mola i suli dinge eena. !E toꞌohuu oto! E toꞌohuu oto mala mei wala nou unue kaꞌu aana nou toohaꞌiniꞌomu haahie iiꞌo-rurunge ikie peꞌie a Kraes Jisas, Aalaha ikie.

2 Korinit 1:9

Na melu saie uri melu ke tohungei mae toꞌohuu oto. Taꞌe leune e rau urine, uri hunie melu ke suꞌuri norutoꞌo mola aameelu maraameelu, taꞌe hunie melu ke norutoꞌo mola aana God, iini e sai taꞌea mo iini e mae oto.

2 Korinit 6:9

Ngaeta mwala kire ko unue uri kire kaꞌa saiꞌemeelu ike, taꞌe kire saiꞌemeelu taane mola. Melu ko karaꞌi mae-mae oto, taꞌe melu meuri mola ue. Nga mo iini ko haꞌaloiꞌemeelu taane, taꞌe kire kaꞌa horo maesiꞌemeelu ike.

2 Korinit 11:23

Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada.

Pilipae 3:10

Oto saeku mola hunie ne ke saie a Kraes, na ne ke toꞌo aana nanamanga aana taꞌelaꞌinge ingeie i laona mauringe haalu ineu ie. Nou sare sapesalu noꞌone mala ingeie, na ne ke lae oto i sulie tala nge e lae i sulie hule aana maelana.