Uusu-uusu A Pol Hurula'aa Hunie Mo Rom 8:27 - Tataroha Diana

²⁷ Taꞌe a God e saie mola neꞌisaenga ikie mo iinoni, na e saie taane loꞌongaꞌinge Liꞌoa Maaꞌi maholo ko aarengaꞌi talaka mo iinoni a God, aana Liꞌoa Maaꞌi ko aarengaꞌi talaka aana tohungana tala nge a God e saetoꞌo aana.

Uusu-uusu A Pol Hurula'aa Hunie Mo Rom 8:27 Referans Kwoze

Epesas 2:18

Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.

Uusu-uusu A Pol Hurula'aa Hunie Mo Rom 8:34

?Oto a tei loꞌu e toꞌo aana nanamanga hunie ke unue uri kie takalo na kei lei mae aaka? ?Uri a Kraes? !Haꞌike loꞌu! A Kraes haꞌalaa e nanama urine. Taꞌe a Kraes e mae kaꞌu honotaka, na e heꞌi meuri loꞌu hunikie, na ko iiꞌo aana iiꞌo-iiꞌoha paine i pwalo-pwalona God, na hule aana a Kraes ko eiꞌeitanai talaka.

Palonga 1:24

Oto purihaꞌana, kire ko si aarengaꞌi uuri, “Aalaha, iꞌoe o saie mola neꞌisaenga mo iinoni. O ke haataꞌinie mai aameelu iini uri taa aana e ro mwane ienini ni o lio hilisie

Palonga 15:8

A God mone e saie mola loꞌongaꞌinge taꞌena nga iinoni, na e haataꞌinie oto uri e saetoꞌo aana mo Aapoloa Aaopa noꞌone aena aana e niie noꞌone Liꞌoa Maaꞌi hunire mala e niie hunikolu mo Jiu.

1 Tesalonaeka 2:4

!Haꞌike! A God e lio hilisiꞌemeelu oto na e norutoꞌo oto aameelu uri melu melisine oto tarohaꞌinilana Tataroha Diana. Oto maholo melu ko ere, melu kaꞌa ere ike mola i sulie saena mwala, taꞌe oto i sulie saena God, iini e saenanau uri melu ke asu toꞌohuu nana, na e lio hilisiꞌemeelu huni esu nana.

Matiu 6:8

Omu ke suꞌuri heimaanie mo iini urine, aana Aamamiu e manataꞌinie oto nga moi taa omu saetoꞌo aani na omu kaꞌa suke ue aana.

Haataꞌinge 2:23

Na ne kei horo maesie noꞌone mo iini ko lulu i sulie, hunie ahutana mo soihaadaꞌinge kire ke saie uri ineu oto nou lio saie mola ahutana neꞌisaenga na hari-huninge mo iinoni. Na ne ke si waaie huniꞌomu, nga iini oto maraana i sulie asunge ingeie.

Tataroha Diana I Sulie A Jisas Kraes Nge A Jon E Uusue 14:13

Na mala uri omu ko sukaa nga mei ola i tehulaꞌana hiiwalaimolinge iꞌomu eeku, ne kei da mola huniꞌomu, hunie mwala ke si soi haꞌamanikuluꞌaa a God i tehulaꞌaku a Kale.

Tataroha Diana I Sulie A Jisas Kraes Nge A Luk E Uusue 16:15

Oto a Jisas e teꞌuri hunire, “Iꞌomu, omu ko tohungei sare da mola uri omu ke lio diana i maana mwala. Taꞌe a God oto e sai diana aana nga taa i laona saemiu. Aana mo ola nge mo iinoni kire neꞌisae paine aani kire lio aaela mola i maana God.”

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

Hibru 4:13

Taꞌe-taꞌena nga ola haꞌaholalana e lae, mumunilana e saꞌa roroꞌa lae ike mwaanie maana God. Aana ingeie ko toꞌo-toꞌomaaie mola ahutana walu ola ngeena, na kire mani iiꞌo haadaꞌi mola i maana. Na aana nga dinge, kie kei saronai unu haadaꞌi mola aana oodoie taꞌe-taꞌena nga ola nge kie asuiꞌi.

Uusu-uusu A Pol Hurula'aa Hunie Mo Rom 8:6

Mala nga iini ko neꞌisae paine mola haahie tolahai iinoni aaela, nge kei maesie. Taꞌe mala uri neꞌisaenga iinoni ko iiꞌo susu mola aana Liꞌoa Maaꞌi, nge kei helesie maurihe na hanuelamanga i tehulaꞌana.

Tataroha Diana I Sulie A Jisas Kraes Nge A Jon E Uusue 21:17

Oto oolune nga maholo a Jisas ko heꞌi unue loꞌu hunie a Pita uuri, “?Saemon, kalena Jon, uri o manata diana taane hunieu?” Oto a Pita ko si saehuu oto hiitoꞌo aana a Jisas ko dolosi haꞌa-oolu oto aana uuri, “?O manata diana taane hunieu?” Oto e aalamie a Jisas, ko si teꞌuri, “Aalaha ineu, o manataꞌinie oto walu ola, na o saie kaꞌu oto uri nou manata diana huniꞌo.” A Jisas e aalamie oto ko si teꞌuri hunie, “O ke nii-nii ana mo sipu ineu.