Uusu-uusu A Pol Hurula'aa Hunie Mo Rom 6:2 - Tataroha Diana

² !Haꞌike oto ooꞌoo! !Mau-meuringe ikie i laona oorahaꞌaanga e mae oto! Kie mae oto uri hunie kie ke toliꞌaasie tolaha ni oorahaꞌaanga ngeena. ?Oto kie ke si lae loꞌu peꞌi iiꞌo i laona oorahaꞌaa uri taa eena?

Uusu-uusu A Pol Hurula'aa Hunie Mo Rom 6:2 Referans Kwoze

1 Jon 3:9

A tei nge e neꞌie oto kalena God, e kaꞌa oora-oorahaꞌaa ike, aena aana mei epu a God oto i lalo aana. Na aena aana a God oto aamana, e aasa hunie kei oorahaꞌaa loꞌu.

Kolosi 3:3

Aena aana e urihana omu mae oto, na e aasa hunie omu kei hiolo loꞌu hunie mo tolahai ola aaela ni welumalau. Na mauringe toꞌohuu iꞌomu e iiꞌo mumuni oto peꞌie a Kraes i saana a God.

Uusu-uusu A Pol Hurula'aa Hunie Mo Rom 7:4

Oto maeni eesiku maaꞌi, iꞌomu na e urine noꞌone. Aana mauringe lalahuꞌe iꞌomu e mae tararuru oto noꞌone peꞌie a Kraes, nge omu iiꞌo luhetaꞌi oto mwaanie mo Haꞌatolanga a Mosis eena, na kire kaꞌa toꞌo aana loꞌu nanamanga haahiꞌomu. Oto a Kraes nge e taꞌelaꞌi loꞌu mwaanie maenga, ingeie ni e toꞌo aamiu ienini uri hunie omu ke aahu aana mo hue-huei ola diana a God.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

Kalesia 2:19

“Taꞌe nou saꞌa teꞌurine loꞌu, aena aana maholo nou eriꞌapasie lulu i sulilana mo Haꞌatolanga, nge nou si lio saie uri e aasa hunie ne ke dau oodoie oodo-oodonga i maana God urine. Oto e urihana nou mae oto hatarie mo Haꞌatolanga aana nou toliꞌaasiꞌi oto, na ienini no ko meuri oto mola nana God. Nou mae oto peꞌie a Kraes i lengine poꞌu-poꞌu ingeie.

Uusu-uusu A Pol Hurula'aa Hunie Mo Rom 7:6

Taꞌe aana kie mae mone oto peꞌie a Kraes, kie iiꞌo luhetaꞌi oto mwaanie mo Haꞌatolanga nge kire hele roroꞌikie i naꞌo. Oto ienini kie sai esu oto aana tolaha haalu aani lulu i sulilana mola Liꞌoa Maaꞌi, na e kaꞌa ike loꞌu aani lulu i sulilana mo ola lalahuꞌe kire uusuꞌi i laona mo Haꞌatolanga.

1 Pita 1:14

Holaꞌinaꞌo, maholo na omu kaꞌa sai diana aana ue nga mei ola, omu talei lae taꞌewau oto mola i sulie saemiu. Taꞌe omu ke suꞌuri lae loꞌu i sulie mo saehanalinge aaela iꞌomu ngeena. !Suꞌuri loꞌu! Taꞌe aana maholo ienini omu ke tola i sulie oto a God mala mo mwela diana ingeie.

Kolosi 2:20

Omu mae tararuru oto peꞌie a Kraes na luhesilemiu e lae oto mwaanie taꞌena nga nanamanga aana walumalau. ?Oto e ue nge omu ko saronai lae-lae ue i sulie mo haꞌatolanga aana walumalau? ?E ue omu ko saronai hele maꞌutaꞌa ue aana mo haꞌatolanga mala mo iini ienini?

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

Uusu-uusu A Pol Hurula'aa Hunie Mo Rom 5:11

Na ngaeta leu loꞌu sapeitana walu ola ngeena, nge kie ko tohungei ilenimwaꞌe oto hiitoꞌo aana a Jisas Kraes Aalaha ikie e asuie oto haꞌimalahunanga ngeena hunikie peꞌie a God.

Tataroha Diana I Sulie A Jisas Kraes Nge A Luk E Uusue 20:16

Maholo kei lae mai, nge kei tohungei horo suuheꞌinie oto mwala aaela ngeena, na kei haꞌahaulaa loꞌu hohola ngeena aana ngaeta mwala aaopa.” Maholo mwala e rongo urine, kire si meni teꞌuri, “!Haꞌike, ke suꞌuri urine!”

Uusu-uusu A Pol Hurula'aa Hunie Mo Rom 6:15

?Oto kie kei ue eena, aana hahuꞌana manata-diananga a God e luhesikie oto mwaanie kie iiꞌo loꞌu i mamalutana mo Haꞌatolanga? ?Oto uri e diana mola hunie kie ke dau loꞌu mola mala saeka? !Haꞌike! !E kaꞌa urine ike!