Uusu-uusu A Pol Hurula'aa Hunie Mo Rom 5:14 - Tataroha Diana

¹⁴ Leesie kaꞌu nga taa e rau aana mo iinoni uure oto mai aana pongine a Adam lai hule aana pongine a Mosis. Kire kaꞌa haitohea ike mei wala nge a God e unue hunire mala a Adam e asuie, taꞌe kire mani mae mola, na leune e haataꞌinie uri kire mani oorahaꞌaa. A Adam, ingeie nge eetana nga mwane, domana oto nunune eetana nga mwane aana haꞌaholanga haalu mei puri, aana nga taa kirerue a Adam na a Kraes kire asuie e toꞌohie ahutana mwala.

Uusu-uusu A Pol Hurula'aa Hunie Mo Rom 5:14 Referans Kwoze

1 Korinit 15:45

Loꞌongaꞌi keꞌu i sulie Uusu-uusu Maaꞌi nge e unue uuri, A God e haꞌaholaa a Adam hunie ke neꞌie eetana nga iinoni, mango e si niie mauringe hunie. Jenesis 2:7 Oto a Jisas e urihana a Adam noꞌone aana e neꞌie eetana nga iinoni aana haꞌaholanga haalu, taꞌe e aaopa mwaanie a Adam aana ingeie oto liꞌoa e sai niie mauringe hunie iinoni.

Hibru 9:27

Aana iinoni ko mae mola hautaꞌai, na mai puri a God kei leie.

Uusu-uusu A Pol Hurula'aa Hunie Mo Rom 5:17

E toꞌohuu taane uri oorahaꞌaanga taꞌa-taꞌa iinoni a Adam, e da uri maenga ko peine haahie ahutana mwala. Taꞌe mei ola nge taꞌa-taꞌa iinoni ngeena a Jisas Kraes e asuie, e paine loꞌu liutaa. Aana maholo a Jisas e mousie nanamanga aana maenga e kaꞌa haꞌa-oodohie mola takalonga i naꞌo ngeena, taꞌe ko da kie ko helesie loꞌu mo haꞌadianaꞌanga paine loꞌu liutaa. I tehulaꞌana a Jisas mone, a God e sapeie loꞌu oodotaꞌinge ingeie hunikie, na e unue kie kei meuri oto huu peꞌie, na kie kei aalaha peꞌie aana nanamanga paine ingeie.

Uusu-uusu A Pol Hurula'aa Hunie Mo Rom 8:22

Aana kie saie uri hule mai siꞌiri, ahutana walu ola aana haꞌaholanga ko ngara-ngara ue peꞌi sapesalunge, mala huꞌe ko sapesalu hunie toꞌo-mwelanga.

Uusu-uusu A Pol Hurula'aa Hunie Mo Rom 5:21

Oto maꞌalana mo oorahaꞌaanga ikire ke toꞌo aana loꞌu nanamanga huni horo mae aada, taꞌe manata-diananga a God e nanama loꞌu liutaa. Na aena aana asunge a Jisas Kraes Aalaha ikie mone, nge a God e da hunie kie ke neꞌi iinoni oodotaꞌi i maana, na hunie kie ke si hele aana maurihe huu.

Uusu-uusu A Pol Hurula'aa Hunie Mo Rom 8:20

Aana maꞌalana walu ola aana haꞌaholanga e sereꞌinie ke aaela mala siꞌiri, taꞌe kire mani lae aaela oto wau i naꞌo, aana ikire noꞌone kire iiꞌo i hahana haꞌaloinge a God e asuie aana Adam na Iv. Taꞌe maholo a God e asuie leune, e niie noꞌone mei neꞌisaenga diana uri aana nga maholo kei lae mai,

Uusu-uusu A Pol Hurula'aa Hunie Mo Rom 5:12

Oto wau i naꞌo aana maholo haꞌaholalana walumalau, eetana nga mwane a Adam e oorahaꞌaa kaꞌu, na aena leune nge tala ni oorahaꞌaa e neꞌie oto tolahana ahutana mo iinoni. Na aena aana a God e unue uri mo iini oorahaꞌaala kei mae, oto ahutana mo iinoni i laona walumalau kei mae, aena aana ahutada kire mani oorahaꞌaala oto.

1 Korinit 15:22

Oto mala ahutana iinoni ko mae-mae aena aana iiꞌonga ikire e urihana a Adam, e urine loꞌu noꞌone hunikie mo iini kie ko iiꞌo-iiꞌo mala a Kraes, aena aana ikie, kie kei taꞌelaꞌi noꞌone i tehulaꞌana a Kraes.