Uusu-uusu A Pol Hurula'aa Hunie Mo Rom 3:24 - Tataroha Diana

²⁴ Taꞌe aana a God e aamasikie mone, nge e saeꞌaasie oorahaꞌaa mwaanikie na kie oodotaꞌi oto i maana. Ikie maraaka kie kaꞌa asuie ike nga mei ola hunie kie ke oodotaꞌi urine, taꞌe niinge a God ni ngeena aana e uusungeꞌinie mai a Jisas Kraes hunie ke luhesikie mwaanie oorahaꞌaa.

Uusu-uusu A Pol Hurula'aa Hunie Mo Rom 3:24 Referans Kwoze

Kolosi 1:14

Na ingeie oto e holikie aana maelana, na i tehulaꞌana ingeie mone a God e si saeꞌaasie mo oorahaꞌaa ikie.

Uusu-uusu A Pol Hurula'aa Hunie Mo Rom 5:9

Oto aena aana apune a Kraes e haꞌa-oodohikie oto i maana God, nge kie sai diana aana oto liutaa uri maholo a God kei haataꞌinie saewasunge ingeie hunie kira oorahaꞌaala aana dinge ni leinge, taꞌe aana maholona a Kraes kei tohungei leuhikie ni otona.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Uusu-uusu A Pol Hurula'aa Hunie Mo Rom 4:16

Aena mei olana nge haiholotaꞌinge ngeena mei ola mola i sulie hiiwalaimolinge. A God e asuie oto urine, uri hunie haiholotaꞌinge ngeena ke neꞌi niinge oto mola mwaakule, na e sai hule aana ahutana mo weuwana Ebraham mai puri. E kaꞌa ola ike mola ikire mwala ko lulu i sulie mo Haꞌatolanga a Mosis, taꞌe e neꞌie oto mei ola hunie ahutana mwala e hiiwalaimoli aana God mala a Ebraham e hiiwalaimoli aana. Aana ingeie oto weuwana ahutaka nge kie hiiwalaimoli aana a God,

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

Matiu 20:28

Mala oto ineu a Kale Ni Iinoni nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”

1 Timoti 2:6

na e toliꞌaasie maraana hunie ke mae mala nga uuraaꞌinge honotana ahutana iinoni mwaanie kire iiꞌo loꞌu i memelutana oorahaꞌaa. Leune e rau aana tohungana maholo hunie, na ko haataꞌi diana aana uri a God ko sare haꞌa-uurie ahutana iinoni.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

Haataꞌinge 5:9

na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.

Haataꞌinge 7:14

Oto nou aalamie uuri, “Nou kaꞌa saie ike, poro paine ineu, taꞌe iꞌoe haꞌalaa o saie.” Oto rato ni mwane ngeena e si teꞌuri hunieu, “Mwala ngeena, ikire nge kire uure maꞌutaꞌa aana maholo taungeꞌinilada e lae na kire iiꞌo i laona siꞌohaꞌanga paine. Kire hoda rereꞌa oto aana mo toꞌoni ikire aana apune a Kalei Sipu.

Uusu-uusu A Pol Hurula'aa Hunie Mo Rom 4:4

Ne ke haꞌamalaa aana mwane nge ko esu huni toꞌoha. Maholo a mwaena ko esu mango, nge poro paine ingeie ke si waaie haahie nga taa e asuie ngeena. Na waaite nge a mwaena ko terie, e kaꞌa hele aana ike mala uri nga niinge mola mwaakule hunie, taꞌe ko hele mei toꞌoha mola haahie nga taa e asuie ni ngeena.

Palonga 15:11

!Haꞌike! Ikie, kie hiiwalaimoli uri a God ko haꞌa-uurikie mo Jiu mola aena aana manata-diananga nge Aalaha ikie a Jisas e niie naka. Na haꞌa-uurilana mo Aapoloa Aaopa ko lae urine noꞌone.”