Uusu-uusu A Pol Hurula'aa Hunie Mo Rom 2:12 - Tataroha Diana

¹² Mo Haꞌatolanga a God nge a Mosis e uusuꞌi oto wai naꞌo e lae mola hunie mo Jiu, na a God kei leire haahie mo oorahaꞌaanga ikire aana kire dau huꞌisie mola mo Haꞌatolanga ngeena. Na ahutana mwala nge ikire nga mo Jiu haꞌike nge kire kaꞌa toꞌo aana ike mo Haꞌatolanga ngeena, nge ikire noꞌone a God kei leire. Kaꞌa ike aana kire dau huꞌisie mo Haꞌatolanga ngeena, taꞌe aana kire dau huꞌisie nga taa nge kire saie uri e toꞌohuu na e oodotaꞌi.

Uusu-uusu A Pol Hurula'aa Hunie Mo Rom 2:12 Referans Kwoze

1 Korinit 9:21

Na loꞌu maholo nou esu peꞌie mo iini nge ikire nga mo Jiu haꞌike, nou iiꞌo oto noꞌone mala ikire nge kire kaꞌa iiꞌo i mamalutana mo Haꞌatolanga a Mosis hunie ne ke peꞌire hunie kire ke hiiwalaimoli. Na leune e kaꞌa loꞌongaꞌinge ike aana uri nou waelie haꞌatolanga a God, aana no ko lulu i sulie taane mo haꞌatolanga a Kraes.

Kalesia 3:10

Taꞌe mo iini nge kire ko norue oto mola lulu i sulilana mo Haꞌatolanga a Mosis huni haꞌa-oodohilada, nge a God kei leire. Aana mo Uusu-uusu Maaꞌi e unue uuri, taꞌena nga iini nge e kaꞌa tola i sulie ahutana mo ola nge uusuleni e lae i laona Puke ni Haꞌatolanga ienini, nge leilana kei lae. Diutronomi 27:26 Na e aasa hunie nga iini kei tola i sulie ahutana mo Haꞌatolanga taꞌingelu.

Uusu-uusu A Pol Hurula'aa Hunie Mo Rom 8:3

Mo Haꞌatolanga a Mosis e kaꞌa toꞌo aana ike nga nanamanga huni taꞌaasie mo oorahaꞌaanga ikie urine, aena aana ikie mo iinoni kie kaꞌa sai tola i sulie ike mo Haꞌatolanga ngeena. Taꞌe a God e asuie leune hunikie maholo e uusungeꞌinie mai a Kalena hunie ke neꞌi iinoni oto mala ikie mo iinoni oorahaꞌaala, taꞌe mola aana ingeie e kaꞌa oorahaꞌaa ike. Oto aana a Kraes mone e kaꞌa oorahaꞌaa ike, nge leune e haataꞌinie uri e tohungei melisine oto a God ke lei maesikie mo iinoni oorahaꞌaala. Oto maꞌalana e urine, a God e kaꞌa lei maesikie ike, taꞌe e toliꞌaasie mola a Kraes hunie ke mae mala nga uunu-olanga huni taꞌaasie mo oorahaꞌaanga ikie.

Uusu-uusu A Pol Hurula'aa Hunie Mo Rom 1:32

Kire saie taane uri Haꞌatolanga a God e unue uri mwala nge iiꞌolada e urine kire malisine oto maenga. Taꞌe kaꞌa ike mola aana uri kire ko lae peꞌie asuilana walu ola aaela urine tarau, taꞌe hule aana kire ko ilenimwaꞌe huni peꞌie mwala loꞌu huni esuie mo aaelanga urine noꞌone peꞌire.

Matiu 11:24

No ko unue oto huniꞌomu uri aana dinge ni leinge haꞌamotaahilemiu kei lae loꞌu liutaa aana i Sodom.”

Jemes 2:10

Mala taꞌena nga iini ko hele i sulie ahutana mo Haꞌatolanga a God, taꞌe ko liu haahie nga taꞌa-taꞌa leu hikeni, nge e liu haahie oto ahuteni.

Uusu-uusu A Pol Hurula'aa Hunie Mo Rom 4:15

Iau, mala ko urine, e neꞌi ola mwaakule mola ni ngeena, aena aana mo Haꞌatolanga ko si da a God ko haataꞌinie saewasunge ingeie, aana mwala ko deu huꞌisie mo Haꞌatolanga ngeena mola tarau. Taꞌe mala uri nga mo Haꞌatolanga ke suꞌuri iiꞌo loꞌu, haꞌalaa nga iini hunie ke dau huꞌisie haꞌatolanga haꞌike noꞌone.

Matiu 11:22

No ko unue oto huniꞌomu uri aana dinge ni leinge a God kei aamasie mo iinoni tataꞌala i Taea na i Saedon loꞌu liutaa aamiu.

Kalesia 3:22

Taꞌe e kaꞌa urine ike, aena aana mo Uusu-uusu Maaꞌi e unue uri oorahaꞌaa e roroꞌie ahutana mwala aana walumalau. Oto aena urinena nga tala loꞌu hunie kie ke helesie mo heiholotaꞌinge a God haꞌike loꞌu, taꞌe hiiwalaimolinge aana a Jisas Kraes oto haꞌalaa.

Tataroha Diana I Sulie A Jisas Kraes Nge A Jon E Uusue 19:11

A Jisas e aalamie, oto ko teꞌuri, “Mala uri a God ke suꞌuri niie nanamanga ngeena huniꞌo, haꞌalaa o kaꞌa toꞌo aana ike noꞌone nga nanamanga haahieu. Aena urine, iini nge e pweloau huniꞌo, oorahaꞌaanga ingeie e paine oto loꞌu liutaa.”

Palonga 2:23

Na a God e lae oto i sulie oalaꞌinge ingeie mala e loꞌongaꞌinie uure oto mai naꞌo maholo e toliꞌaasie uri omu ke tapolie a Jisas hunie horoꞌilana. Oto omu si niie i laona nimada mo puꞌo, na kire horo maesie i lengine poꞌu-poꞌu.