Uusu-uusu A Pol Hurula'aa Hunie Mo Rom 15:32 - Tataroha Diana

³² Oto aana ko urine na mala uri a God ko saetoꞌo aana oto, nge ne ke lae wau i seemiu peꞌie ilenimwaꞌenga oto paine, na ne ke mamalo diana wau peꞌiꞌomu.

Uusu-uusu A Pol Hurula'aa Hunie Mo Rom 15:32 Referans Kwoze

1 Korinit 16:18

Kire tohungei haꞌasaedianaꞌaau oto mala kire haꞌasaedianaꞌaꞌomu keꞌu holaꞌinaꞌo. Aena urine omu ke haꞌamaꞌu aana mwala urine.

Palonga 18:21

Maholo ko deu aakau oto huni lae mwaanire, oto ko teꞌuri, “Mala uri a God e saetoꞌo aana ne ke ooli loꞌu mei, nge omu ke leesieu loꞌu i leu.” Oto e si lai taꞌe aana haka, no ko lae oto mwaanie i Epesas.

Pilimon 1:20

Malahuku diana, aana kure mani lado peꞌie a Kraes, kaꞌu no ko eitanaiꞌo aana satana a Aalaha uri o ke peꞌieu urine hunie o ke haꞌamamaloa saeku.

Pilimon 1:7

Malahuku diana, manata-diananga iꞌoe hunie mwala a God e da kire ko tohungei hii diana, na aena mei olana o da ineu noꞌone, no ko tohungei ilenimwaꞌe na saeku e susu.

2 Korinit 7:13

Oto aena leune e rau urine, nge melu ko tohungei ilenimwaꞌe oto liutaa haahiꞌomu. Na loꞌu sapeitana ilenimwaꞌenga iꞌemeelu haahiꞌomu, melu ko tohungei saemango noꞌone liutaa huni leesie a Taetas ko ilenimwaꞌe aana omu meni haꞌasaedianaꞌaa oto liutaa.

2 Timoti 1:16

Taꞌe a Onesiporas e kaꞌa toliꞌaasieu ike, na e tohungei peꞌi-peꞌieu tarau na e kaꞌa masa ike honosieu maꞌalana nou oꞌoꞌo i nume ni hoꞌo. Aena urine nge no ko aarea a Aalaha ke haꞌadianaꞌaa uluhe ingeie.

Jemes 4:15

Taꞌe omu ke ere uuri haꞌalaa, “Mala a God ko saetoꞌo aana, nge melu ke iiꞌo sapemawa mola huni esuie mo ola ienini wa mo iini ngeena.”

1 Korinit 4:19

Taꞌe e saꞌa tewa na ne kei lae loꞌu mei maatoliꞌomu, mala a Aalaha ko saetoꞌo aana ne ke asuie urine. Na aana maholona, nou saꞌa rongo ike hunie mwala too-toohaꞌi ngeena, taꞌe ne kei lio mola hunie nga nanamanga uri taa nge kire toꞌo aana.

Palonga 27:1

Maholo kire unue uri melu kei lae aana haka hunie poꞌo ni henue i Itali, kire si niie a Pol na ngaeta mo mwane nge kire ko iiꞌo i laona nume ni hoꞌo noꞌone hunie ngaeta ramo paine haahie nga tangalai ramo hunie ke kakalire. Ramo ngeena satana a Jiulias na ingeie aana pulitaa ni ramo kire haaraꞌinie “Pulitaa ni Ramo a Inemauri Peine ni Rom.”

Uusu-uusu A Pol Hurula'aa Hunie Mo Rom 15:29

Na nou saie uri maholo ne kei lae wau i seemiu, nge kolu kei honu makeato aana mo haꞌadianaꞌanga a Kraes.