Uusu-uusu A Pol Hurula'aa Hunie Mo Rom 1:1 - Tataroha Diana

¹ Saediananga mwaanieu a Pol, iinoni euꞌesu a Kraes Jisas. A God e lio hilisieu na e soieu hunie ne ke neꞌi hurulaꞌaa ingeie huni tarohaꞌinie Tataroha Diana a God.

Uusu-uusu A Pol Hurula'aa Hunie Mo Rom 1:1 Referans Kwoze

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

Uusu-uusu A Pol Hurula'aa Hunie Mo Rom 15:16

hunie uri ne ke neꞌi iinoni euꞌesu a Jisas Kraes huni peꞌiꞌomu, mwala nge iꞌomu nga mo Jiu haꞌike. No ko tarohaꞌinie Tataroha Diana uri hunie iꞌomu mo Aapoloa Aaopa, omu ke lae mai i saana God. Oto e urihana no ko esu mala pris aana no ko tooleꞌomu mo Aapoloa Aaopa mai i saana God mala nga uunu-olanga e maaꞌi na a God ko sae mango haahie, aana a Liꞌoa Maaꞌi e haꞌamaaꞌiꞌomu oto nana.

1 Korinit 1:1

Saediananga mwaanieu a Pol, iini nge a God e soieu oto huni neꞌi hurulaꞌaa nana a Jisas Kraes, na mwaanie a aasikaelu a Sostinis noꞌone.

Kolosi 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti

Taetas 1:1

Saediananga mwaanieu a Pol, huniꞌo Taetas. Ineu nga koni-konihe a God na hurulaꞌaa a Jisas Kraes. E uusungeꞌinieu huni peꞌie hiiwalaimolinge mo iini nge a God e lio hilisire hunie kire ke neꞌi iinoni ingeie, na huni haꞌa-uusulire i sulie walaimolinge nge kei peꞌire hunie kire ke iiꞌo maaꞌi.

Uusu-uusu A Pol Hurula'aa Hunie Mo Rom 1:9

No ko esu nana God aana ahutana saeku aani laeliwalanga aana Tataroha Diana i sulie a Kalena, na a God e leesie noꞌone uri nou kaꞌa mou-mou ike mwaanie aarengaꞌinge talamiu.

2 Korinit 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti, nge ni mere ko uusu-uusu hao huniꞌomu mwala aana soihaadaꞌinge a God hao i Korinit, na noꞌone hunie ahutana mo iinoni maaꞌi a God aana taꞌena nga leu hao i laona poꞌo ni henue iꞌomu i Akaea.

1 Korinit 9:1

?Oto e ue maeni eesiku? ?Uri omu kaꞌa saie ike uri ineu nou sai esuie noꞌone taꞌena nga ola a God e toliꞌaasie hunikie mo iinoni? !Omu saie taane! Na hule aana omu saie taane noꞌone oto uri ineu nga hurulaꞌaa ni ienini. Na loꞌu omu meni saie oto uri ineu nou leesie Aalaha ikie a Jisas aana maaku. Iꞌomu oto mo tolimaa aana asunge ineu nana a Aalaha, aana omu ko aehota hiiwalaimoli oto i tehulaꞌana asunge ineu.

2 Timoti 1:11

A God e lio hilisieu uri hunie ne ke tarohaꞌinie Tataroha Diana ngeena, na ne ke neꞌi hurulaꞌaa, na hunie ne ke haꞌa-uusulie mwala.

1 Timoti 1:1

Saediananga mwaanieu a Pol, iini nge a God a Haꞌa-uuritaka na a Kraes Jisas kire mani unue ne ke neꞌi hurulaꞌaa nana a Kraes Jisas nge kie ko maaꞌoohi susutoꞌo hunie peꞌi hiiwalaimolinge aana.

Kalesia 1:1

Saediananga mwaanieu a Pol Hurulaꞌaa huniꞌomu mo iini aana mo soihaadaꞌinge wau aana poꞌo ni henue i Kalesia. A Jisas Kraes na a God Aamaka, kirerue soieu uri hunie ne ke neꞌi hurulaꞌaa, na soileku e kaꞌa lae ike mola aani iinoni wa mwaanie nga pulitaa ni iinoni. !Haꞌike! A God nge e taꞌea a Jisas Kraes aalihoꞌi mwaanie maenga ni e asuie leune urine hunieu. Ahutameelu mo mwaasine aana hiiwalaimolinge mai leu, melu ko niie saediananga iꞌemeelu huniꞌomu,

1 Timoti 2:7

Aena urine nge lio hilisileku e lae huni houleꞌinie Tataroha Diana na huni neꞌi hurulaꞌaa. No ko ere toꞌohuu na nou kaꞌa eeroꞌo ike uri lio hilisileku e lae huni haꞌa-uusulie mo Aapoloa Aaopa nge ikire nga mo Jiu haꞌike hunie uri kire ke saie walaimolinge na kire ke hiiwalaimoli aana.

1 Tesalonaeka 2:2

Omu saie taane uri i naꞌona melu lae mai seemiu i Tesalonaeka, mwala e tohungei teungeꞌiniꞌemeelu na kire ere aaelasiꞌemeelu oto hiitoꞌo wau i Pilipae. Taꞌe maꞌalana mwala hunge kire sare uure honosiꞌemeelu, a God ikie e peꞌi diana aameelu taane mola huni aatopuri aana maꞌunge na huni haꞌarongoꞌomu aana Tataroha Diana a God.

Uusu-uusu A Pol Hurula'aa Hunie Mo Rom 1:5

A Jisas e tohungei haataꞌinie hahuꞌana manata-diananga ingeie hunieu aana e lio hilisieu hunie ne ke neꞌi hurulaꞌaa ingeie, uri hunie ne ke naꞌona mwala aana taꞌena nga komu hunie kire ke haꞌapainaꞌaa satana, na hunie kire ke hiiwalaimoli aana, na hunie kire ke tola i sulie walana.

Pilipae 1:1

Saediananga mwaanieu a Pol na a Timoti, e ro koni-konihe a Jisas Kraes hunie ahutemiu mwala nge omu hiiwalaimoli aana Jisas Kraes, nge omu iiꞌo wau aana huilume i Pilipae, na noꞌone hunie mo naꞌohai mwane iꞌomu haahie soihaadaꞌinge, na mo iini aani heiraretaꞌinge i laona soihaadaꞌinge.

Haataꞌinge 1:1

Uusu-uusu ienini e ere i sulie mo ola nge a Jisas Kraes e haataꞌiniꞌi hunieu aana nga taa ko karaꞌi lae oto mai. A God e uusungeꞌinie a Jisas hunie ke haataꞌiniꞌi hunie ahutana mo koni-konihe ingeie, oto a Kraes e uusungeꞌinie ensel ingeie i saaku a Jon huni haataꞌinie mo ola ie hunieu.

Jiud 1:1

Saediananga mwaanieu a Jiud, koni-konihe a Jisas Kraes, na aasine a Jemes. No ko uusu-uusu ie huniꞌomu mo iini nge a God e soiꞌomu mei i saana. A God Mamaꞌa e tohungei manata diana huniꞌomu na omu iiꞌo oto i lalo aana hai kinetaꞌinge a Jisas Kraes.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

Jemes 1:1

Saediananga mwaanieu a Jemes, koni-konihe a God na a Jisas Kraes Aalaha ikie, huniꞌomu ahutemiu mwala a God nge omu oopa hailiu i laona walumalau.

Hibru 5:4

Na nga iini e saꞌa roroꞌa haꞌapainaꞌaa ike maraana hunie ke neꞌi Naꞌohana Mo Naꞌohai Pris, taꞌe a God oto haꞌalaa, mala e lio hilisie kaꞌu a Eron.

Pilipae 2:11

Na ahutada kire kei meni houleꞌinie oto uri a Jisas Kraes ingeie Aalaha haahie taꞌena nga ola. Na kire kei meni haꞌamanikuluꞌaa satana God Aamaka.

Epesas 4:11

Na ingeie oto e niie mo niinge hunie soihaadaꞌinge ingeie, aana e lio hilisie nga mo iini huni neꞌi hurulaꞌaa, na nga mo iini huni neꞌi propet, na nga mo iini huni tarohaꞌinie Tataroha Diana, na nga mo iini huni lio i sulie soihaadaꞌinge, na nga mo iini huni haꞌa-uusulie mwala.

Epesas 1:13

Oto iꞌomu mo Aapoloa Aaopa noꞌone, omu neꞌi iinoni a God aana maholo omu rongoa mei wala toꞌohuu aana Tataroha Diana uri a God ko sare haꞌa-uuriꞌomu. Omu hiiwalaimoli oto aana Kraes ni ngeena, na huni haataꞌinie uri a God oto e toꞌo aamiu, e niie Liꞌoa Maaꞌi nge e haiholotaꞌinie oto huniꞌomu.

2 Korinit 12:11

No ko deu oto mala pweu aana nou ere toohaꞌinieu urine, taꞌe iꞌomu ni omu ko si da no ko teꞌurine. Aana e malisine uri omu ke lalado diana oto i sulie asunge ineu, taꞌe omu rohu mola. Ineu nou kaꞌa adona ike taane nga mei ola, taꞌe aena aana nanamanga a God e iiꞌo i lalo aaku, oto mo hurulaꞌaa paine nge omu tohungei saetoꞌo aada ngeena, na kire kaꞌa paine ike liutaa aaku aana nga mei ola oto ooꞌoo.

2 Korinit 11:5

Ineu nou loꞌongaꞌinie uri nou kaꞌa mwai-mwei ike mwaanie mo iini nge omu ko unu-unue uri ikire mo hurulaꞌaa paine.

2 Korinit 4:5

Iꞌemeelu, melu kaꞌa laeliwala ike mola i suliꞌemeelu maraameelu, taꞌe melu ko laeliwala aana a Jisas Kraes uri ingeie oto Aalaha, na iꞌemeelu mo iinoni euꞌesu iꞌomu mola aana melu ko lulu i sulie a Jisas.

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Palonga 22:21

“Oto a Aalaha ko teꞌuri loꞌu hunieu, ‘O ke lae oto, sulie no ko uusungeꞌiniꞌo oto haꞌatau huni laeliwala hunie mo Aapoloa Aaopa.’ ”

Palonga 22:7

Nou domu mola hao i aano, na no ko rongoa mei wala ko teꞌuri, ‘!Sol, Sol! ?E ue ni o ko teungeꞌinieu?’

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Haataꞌinge 22:9

Taꞌe ensel ngeena e unue mola hunieu uuri, “!Haꞌike! O ke suꞌuri palo-paloau. Ineu ngaeta koni-konihe noꞌone mala iꞌoe, na mala mo eesimu mo propet, na oto mala ahutana mo iini nge kire ko hele i sulie mo wala i laona uusu-uusu ienini. O ke palo-paloa mola a God.”

Kolosi 1:25

A God ni e lio hilisieu hunie ne ke neꞌi iinoni euꞌesu aana soihaadaꞌinge huni peꞌiꞌomu urine. Na asunge ineu oto huni unu tahangaꞌinie taꞌena nga ola aana Tataroha Diana.

Epesas 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. No ko uusu-uusu weu huniꞌomu mo iinoni a God wau aana huilume i Epesas, nge omu ko lulu i sulie a Jisas Kraes toꞌohuu na omu lado oto peꞌie.

Uusu-uusu A Pol Hurula'aa Hunie Mo Rom 16:25

!Kie ke soi haꞌamanikuluꞌaa God! Ingeie ni e si da hunie omu ke uure maꞌutaꞌa mala mo kalena, aena aana omu hiiwalaimoli aana Tataroha Diana nge nou tarohaꞌinie i sulie a Jisas Kraes. Uure oto wau i naꞌo, mei wala ienini i sulie a Kraes na oalaꞌinge a God huni haꞌa-uurie noꞌone mo Aapoloa Aaopa, e iiꞌo mumuni mola.

Uusu-uusu A Pol Hurula'aa Hunie Mo Rom 16:18

Mwala urine, kire kaꞌa asu ike nana a Kraes Aalaha ikie, taꞌe kire ko lae mola i sulie mo heri-huninge aaela aana sape. Kire ko eero aani lahenga huni haꞌa-olaa mola saena mwala nge kire kaꞌa lio saie ike mo neꞌisaenga aaela ikire.

Uusu-uusu A Pol Hurula'aa Hunie Mo Rom 15:29

Na nou saie uri maholo ne kei lae wau i seemiu, nge kolu kei honu makeato aana mo haꞌadianaꞌanga a Kraes.

Uusu-uusu A Pol Hurula'aa Hunie Mo Rom 11:13

Ie no ko ere namiu mwala nge iꞌomu nga mo Jiu haꞌike. Ineu oto Hurulaꞌaa a Kraes huniꞌomu mo Aapoloa Aaopa nge iꞌomu nga mo Jiu haꞌike. No ko ere hiitoꞌo huniꞌomu i sulie mei esunge ineu ngeena,

Palonga 27:23

Aana nga rodo, ensel a God ineu nge no ko palo-paloa e hule aaku,

Palonga 26:1

Oto a Akripa Inemauri ko teꞌuri hunie a Pol, “No ko toliꞌaasiꞌo oto hunie o ke ere-ere honosiꞌo maraamu.” Oto a Pol e salo haahie mwala hunie kire ke pwaarongo hunie, ko si teꞌuri,

Palonga 13:9

Oto a Sol, nge ngaeta sata aana a Pol, e honu mone aana Liꞌoa Maaꞌi, oto e toꞌo maaie wau a Elimas,

Tataroha Diana I Sulie A Jisas Kraes Nge A Jon E Uusue 15:15

Nou kaꞌa saiꞌomu ike loꞌu aana mo koni-konihe, aena aana koni-konihe e kaꞌa saie ike nga taa aalaha ingeie ko loꞌo-loꞌongaꞌinie. Taꞌe no ko saiꞌomu uri maeni malahuku, na ahutana walu ola nou rongoꞌi mwaanie Aamaku, nou haꞌarongoꞌomu oto aani.

Tataroha Diana I Sulie A Jisas Kraes Nge A Jon E Uusue 12:26

Taꞌena nga iini ko sare asu nekue, nge ke lulu i sulieu oto, uri hunie iini euꞌesu ineu ke iiꞌo oto peꞌieu aana leu no ko iiꞌo aana. Na nga iini ko esu nekue, nge a Aamaku ke si haꞌapainaꞌaa i maana mwala.

Haataꞌinge 22:6

Oto ensel ngeena e heꞌi unue loꞌu hunieu uuri, “O ke hiiwalaimoli aana mo wala ienini, aena aana kire toꞌohuu. A God Aalaha nge e niie Liꞌoa Maaꞌi ingeie i saana mo propet ingeie nge e uusungeꞌinieu ensel ingeie mai seemu, huni haataꞌinie mo ola ienini eemiu mo koni-konihe ingeie aana e saꞌa tewa na kire kei reu oto.”

Hibru 7:26

Oto a Jisas ingeie oto Hahuꞌana Naꞌohai Pris e sai peꞌikie. Ingeie oto e maaꞌi, na e kaꞌa oorahaꞌaala ike, na oopalana e lae oto mwaanie mwala e oorahaꞌaa, na a God e tohungei haꞌapainaꞌaa oto liutaa aana e tahelaꞌinie oto taꞌau i Lengi.

Palonga 26:14

Oto ahutameelu melu meni domu i aano, na no ko rongoa oto mei wala ko ere aana tohungana erenga mo Jiu ko teꞌuri, ‘!Sol, Sol! ?E ue ni o ko teungeꞌinieu? O ko tohungei haꞌaliꞌoiꞌo mola maraamu ni ngeena aana o ko lae huꞌisie loꞌongaꞌinge ineu urine.’

Palonga 21:40

A poro paine e toliꞌaasie mola, oto a Pol e uure i lengine huru-huru aana nume maꞌutaꞌa ngeena, ko si salo haahie mwala hunie kire ke pwaarongo hunie. Maholo kire iiꞌo mwa-mwanoto, ko si ere hunire aana tohungana erenga mo Jiu ko teꞌuri,

Tataroha Diana I Sulie A Jisas Kraes Nge A Jon E Uusue 15:20

Omu ke aamasitoꞌo aana mei wala nou unue kaꞌu huniꞌomu uri nga koni-konihe e kaꞌa paine ike loꞌu liutaa aana aalaha ingeie. Oto mala uri mwala aana walumalau ngeena ko teungeꞌinieu, nge kire kei teungeꞌiniꞌomu noꞌone. Mala uri kire ke tola i sulie mo haꞌatolanga ineu, haꞌalaa kire kei tola i sulie noꞌone mo haꞌatolanga iꞌomu.

Tataroha Diana I Sulie A Jisas Kraes Nge A Mak E Uusue 1:14

Oto i purine kire neꞌie a Jon i nume ni hoꞌo, a Jisas e lae hunie poꞌo ni henue i Kalili na ko tarohaꞌinie Tataroha Diana a God.

2 Korinit 2:12

Maholo nou hule wau aana huilume i Troas huni laeliwala aana Tataroha Diana i sulie a Kraes, nou deu oodoie uri a Aalaha e tahanie oto maa talana asunge ngeena hunie ke lae diana i leune.

2 Korinit 11:7

Nou kaꞌa lae ike peꞌi sukaa nga mei ola mwaaniꞌomu maholo nou tarohaꞌinie Tataroha Diana a God namiu, taꞌe nou haꞌamwai-mweiꞌaau oto mola uri hunie omu ke neꞌi iinoni peine na iinoni diana. ?Ohe nou deu aaela ni urine?

1 Tesalonaeka 2:8

Na aena aana melu tohungei manata diana huniꞌomu, melu ko ilenimwaꞌe mola huni peꞌiꞌomu, kaꞌa ike mola aani unulana Tataroha Diana a God huniꞌomu, taꞌe noꞌone aani toliꞌaasilana maurihaꞌameelu i tehulaꞌamiu.

1 Tesalonaeka 2:9

Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.

1 Pita 4:17

Maholo e hule oto hunie leinge a God kei aehota, na kei aehota oto peꞌie mwala aana uluhe ni iinoni ingeie. Na aana leinge ngeena ko aehota peꞌikie mwala ingeie, nge kie saie oto uri leinge a God kei aaela oto liutaa hunie mo iini nge kire kaꞌa hiiwalaimoli ike aana Tataroha Diana.