Pilipae 3:20 - Tataroha Diana

²⁰ Taꞌe ikie, kie aaopa oto mwaanire, aana kie toꞌo aana hanue huu ikie oto taꞌau i Lengi, na kie ko maa-maaꞌoohie mola a Haꞌa-uuritaka, a Jisas Kraes Aalaha ikie, kei lae mai uure i lengi huni toolekie taꞌau.

Pilipae 3:20 Referans Kwoze

Epesas 2:19

Oto iꞌomu mo iini nge iꞌomu nga mo Jiu haꞌike, omu kaꞌa neꞌi awataa ike loꞌu mwaanie ngaeta hanue aaopa. !Haꞌike! Omu neꞌie oto e taꞌa-taꞌa komu ni iinoni a God, na omu neꞌie oto ngaeta mo iinoni aana uluhe ingeie.

2 Korinit 4:18

Oto melu kaꞌa neꞌisae paine ike mola haahie mo ola nge kie sai leesiꞌi, taꞌe melu neꞌisae paine haahie mo ola nge kie kaꞌa sai leesiꞌi ike aana maaka. Aana mo ola nge kie sai leesiꞌi aana maaka, kire kaꞌa sai iiꞌo tewa ike. Taꞌe mo ola nge kie kaꞌa sai leesiꞌi ike aana maaka, nge haꞌalaa kire sai iiꞌo huu.

Hibru 12:22

Taꞌe ikie, kie hule kaꞌu oto aana toloihenue kie haaraꞌinie aana i Saeon, na huilume paine a God Mau-meuriꞌe otona. Jerusalem taꞌau i Lengi kaꞌu otona, leu nge mo molani ensel kire palo-paloa a God aana, peꞌi ilenimwaꞌenga oto paine.

Kolosi 1:5

Omu ko deu diana oto urine, aana omu ko maaꞌoohi susutoꞌo mola hunie ilenimwaꞌenga nge a God e neꞌi diana aana oto loosiꞌomu taꞌau i Lengi ngeena. Haiholotaꞌinge a God huniꞌomu ngeena, omu holaꞌi rongoa oto mo wala toꞌohuu i sulie maholo omu aehota ni rongo i sulie Tataroha Diana a Jisas.

Epesas 2:6

na aena aana kie lado peꞌie a Jisas Kraes, a God e taꞌekie noꞌone peꞌie a Kraes hunie kie ke aalaha tararuru noꞌone peꞌie taꞌau i Lengi.

2 Korinit 5:8

Oto kie kaꞌa maꞌu ike, taꞌe kie loꞌongaꞌi meꞌutaꞌa mola uri e lae oto i diana liutaa huni toliꞌaasie mola mei sape ni welumalau ngeena, na hunie kie ke lai iiꞌo aana tohungei henue ikie i saana a Aalaha.

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

1 Tesalonaeka 1:10

Na kire ko laladoa noꞌone uri omu ko maaꞌoohie oto a Kalena kei lae mai uure taꞌau i Lengi. Ingeie oto a Jisas nge e taꞌelaꞌi mwaanie maenga, na ko haꞌa-uurikie mwaanie saewasunge a God nge ko lae mai aana dinge ni leinge.

Hibru 9:28

Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.

Kalesia 4:26

Taꞌe a Sera, e urihana Jerusalem taꞌau i Lengi nge e iiꞌo luhetaꞌi mwaanie mo Haꞌatolanga ngeena, na ingeie oto domana nikana ahutana mo iini kie ko hiiwalaimoli aana haiholotaꞌinge a God. Na aena leune nge kie iiꞌo luhetaꞌi oto noꞌone mwaanie mo Haꞌatolanga.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

1 Korinit 1:7

hule aana soihaadaꞌinge iꞌomu e toꞌo aana oto taꞌena nga niinge aana Liꞌoa Maaꞌi. Oto omu saꞌa tola talea ike nga mei ola aana maholo nge omu ko maaꞌoohi peꞌi heri-huninge loosie Aalaha ikie a Jisas Kraes kei ooli loꞌu mei.

Palonga 1:11

Na kirerue ko teꞌuri oto hunire, “!Mo mwane ni Kalili! ?Nga taa ni omu uure, omu ko lio-lio ue hunie taꞌau i salo? A Jisas nge a God ko tola aalihoꞌi aana i Lengi mwaaniꞌomu ngeena, kei ooli loꞌu mei oto mala omu ko leesie ko lae i Lengi ngeena.”

Matiu 19:21

A Jisas ko si unue hunie uuri, “Mala uri o ko sare iiꞌo oodotaꞌi oto, o ke lae, na o ke haꞌaholingeꞌinie toꞌo-toꞌolamu. Oto o ko niie mo toꞌoha aani nana mo iinoni meitale, aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”

1 Tesalonaeka 4:16

Taꞌe a Aalaha maraana kei siho mai uure taꞌau i Lengi peꞌie mawataa paine mwaanie naꞌohai ensel na aawatai eehuri a God. Oto kira hiiwalaimoli nge kire mae oto, kire kei holaꞌi taꞌelaꞌi oto hunie maurihe.

Tataroha Diana I Sulie A Jisas Kraes Nge A Luk E Uusue 14:14

Na haꞌadianaꞌalamu ke si lae i leune, aana kire saꞌa roroꞌa ni suꞌu ola ike loꞌu huniꞌo. Aana a God ke si suꞌu ola oto huniꞌo aana dinge mo iini oodotaꞌi kei taꞌelaꞌi.”

Haataꞌinge 1:7

!Lio kaꞌu! Ko lae oto mai taꞌaune peꞌie mei uuru, na taꞌena nga maa kei leesie, hule aana oto noꞌone mo iini nge kire otomie. Na ahutana mwala mai aano kei ngara maholo kire kei leesie. Iau, ke urine oto.

Pilipae 1:10

No ko eitanaie a God urine hunie omu ke lio hilisie tohungei tala diana. Urine nge omu ke si iiꞌo rereꞌa na oodotaꞌi hule aana hai dinge nge a Kraes kei ooli loꞌu mei.

Tataroha Diana I Sulie A Jisas Kraes Nge A Luk E Uusue 12:21

Oto a Jisas ko si ere uuri, “Kei urine oto hunie mo iini nge ko dudurue mola dianahaꞌana mo ola aana walumalau ie nada maraada, taꞌe kire kaꞌa toꞌo-toꞌo ike aana tolahana a God.”

Pilipae 1:27

Oto maꞌalana uri ne ke lae loꞌu mei leesiꞌomu wa haꞌike, taꞌe tolahamiu ke oodo oto malisine Tataroha Diana a Jisas Kraes. Na nou sare rongoa uri omu ke mani esu loko-loko taane peꞌie taꞌa-taꞌa mei sae aani helinge honosie mo iini ko sare dau tekelaꞌinie hiiwalaimolinge aana Tataroha Diana.